i wanna go home

عمرك حسيت انك مفلس

ما تدخليش ايديك فى جيوبك وتطلع نص جنيه وتقولى لا انا مش مفلس

لان عمر ما كان المفلس هو اللى مش معاه فلوس المفلس ده اللى مش معاه حاجات كتير غير الماده مش معاه اصحاب

مش معاه ذكريات مش معاه معلومات مش معاه كلمات يكتبها فى بوست زى ده

انا بقا مش مفلسه لانى عندى كلام كتير عايزه اقوله بس فى نفس الوقت اشعر بافلاس شديد افلاس فى القوه اللى هانشر بيها كلامى ده

ومن هنا البوست ده يا جماعه اسمه بوست المفلسين

فهقول كلام فى اى كلام ما هو تفليس والسلام

الغربه
يمكن تانى مره اتكلم فيها عن الغربه بس المره الاولى انا كنت مغتربه فعلا كنت مسافره لكن النهارده هتكلم عن الغربه وانا وسط اهلى وناسى . عمرك حسيت نفسك انك غريب ؟كل الناس اللى حوليك بتمثل وبتكدب لدرجه تحسسك انك مش فى وطنك ولا فى بلدك ولا انت تعرف اصلا الناس دى زى الجماعه بتوع الانتخابات دول فى غربه عن نفسهم لانهم بيكدبوا على الناس باقاويل وافعال لن تفعل وهما للاسف مصدقين نفسهم فهم اكيد فى غربه عن نفسهم تماما
وكذلك المعارضين الواهمين انهم ممكن يغيروا الواقع الاليم وانهم يختاروا اللى هيمثلهم بكامل ارادتهم وما يعرفوش وبيغموا عنيهم عن الحقيقه اللى بتقول انا اريد وهو يريد والحزب الوطنى فعال لما يريد فاكيد انت برضه فى غربه غربه عن الواقع ده
وبمناسبه الغربه اسمع دى





الحزن
تصدق ان الحزن ده نعمه كبيره من عند ربنا . ناس كتير اكيد دعتلك مره وقالتك روح ياشيخ ربنا يفرح قلبك ولا يحزنه يوم
عارف لو ربنا استجاب لاخينا ده وعمرك ما حزنت يوم هتحس بملل رهيب
ايه هو انا فرحان كده عالطول هو انا اهبل ولا ايه
وكمان لو جيت فى يوم وحبيت تفرح من قلبك بجد مش هتعرف تدوق طعم الفرحه لانك فى فرح مستمر طيب هيبقا ايه الجديد اللى هنا ولا حاجه فحاجه حلوه انك تفرح بعد طول غياب للفرحه دى

الخطابه
حتى لو كنت مفلسه فى الكمات فانا مش مفلسه فى حفظ الخطب . زمان قريت خطبه اتقالت فى زمن برىء يمكن لو قلتها دلوقت تحسها انها اتقالت الان وحصريا اقروا الخطبه دى لمعاويه
" ايها الناس اننا قد اصبحنا فى دهر عنود وزمن شديد يعد فى المحسن مسيئا ويزداد الظالم فيه عتوا لاننتفع بما علمنا ولا نسال عما جهلنا
ولا نتخوف قارعه حتى تحل بنا والناس اربعه اصناف منهم من لا يمنعه من الفساد فى الارض الا مهانه نفسه ومنهم المعلن بشره
بس كفايه
الجزء ده انا افتكرته وانا بقرا خبرين واحد فى الدستور ( وهو هشام طلعت يخرج من السجن قريبا فافتكرت الجزء الاول من الناس وعرفت قد ايه الراجل ده نفسه هانت عليه وافسد فى الارض ولكن لم يكن جزاءه ان يقتل او يصلب يالا ما انت فى مصر )
والخبر التانى وكان فى صوت الامه والصراحه هو مش خبر ولكن ( صور عيد ميلاد منه فضالى فافتكرت اكيد الجزء التانى من الناس )

ارزاق على الخلاق
ارزاق على الخلاق ده كان تعليقى على خبر والله نسيت قريته فين النهارده .الا وهو 160الف تذكره لحفله فيروز تنتهى فى نصف ساعه
هو فى وسط الارتفاع العجيب والغريب لجميع السلع الغذائيه والاساسيه اكيد غذاء الروح اهم كان عند الناس دى فاثرت بسعر التذكره عن سعر وجبه غذاء لحد محتاج او حتى بلوفر لكساءعارى من سقيع البرد اللى هيهل علينا .

مستشفى سرطان الاطفال ومعهد القلب لمجدى يعقوب

برضه دى اكيد ارزاق على الخلاق
طوال شهر رمضان وعلى جميع القنوات بلا استثناء هتلاقى اعلانات مستشفى سرطان الاطفال ولان الذن على الودان امر من السحر زى ما بيقولوا ولان المسولين عن الحمله الاعلانيه لمستشفى سرطان الاطفال يمتازوا بالذكاء فلعبوا على اكتر حاجه حساسه فى الشعب المصرى الا وهى العاطفه غير العاطفه حب التقليد ( على راى جونى بيه انت قلود قوى )
فطبعا شىء بديهى جدا انك لما تشوف جدو بيتبرع للمستشفى وكمان حاله الاطفال انت بتكون مش قادر تبصلهم فاكيد اكيد هتتبرع
يمكن انا اكون عملت حاجه مش من حقى واستغليت وظيفتى فى يوم ودخلت على حساب مستشفى سرطان الاطفال تخيلوا انها فى اليوم الواحد فى رمضان دخلها اكتر من 2 مليون جنيه ومن بلدى بس ( محافظتى ) اكتر من 10000 جنيه فى يوم
المتبرع يجيلى عايز رقم الحساب اقعد اتحايل عليه يوزع المبلغ على حاجات تانيه محتاجه زى ما الاطفال دول محتاجين مفيش
يا جماعه معهد القلب او مستشفى ابو الريش او معهد المنصوره او او الى خلافه كله برضه محتاج تبرعاتكم زى ما مستشفى سرطان الاطفال واكتر يمكن دول الميزانيه مش مكفيه يعملوا حمله اعلانيه بضخامه مستشفى سرطان الاطفال علشان يوصلولكم بس هما اكيد محتاجين ليكم زى مستشفى الاطفال ويمكن اكتر

موقف
فى حفل معين بنظمه المفروض لسه يعنى فالمفروض بيتعرض علينا اسماء الناس اللى هتشارك فى الحفل ده
فانا اقترحت اننا نجيب الشاعر هشام الجخ
وما انا نطقت اسمه الا ولقيت الناس كلها مستغربين شاعر ايه ووتنميه بشريه ايه
واحد من الحضور ادلى بدلوء وياريت ما ادلى قال نجيب دىجى ونشغل كل الاغانى الشعبيه وبكده نضمن حضور عدد كبير
زى ما عمل جونى بيه والكبير فى الكبير قوى وقت الحمله الانتخابيه بتعته شغل اغانى وظبط الناس
انا طبعا انسحبت كان من السهل نجيب هشام فى جامعه اسيوط لكن من الصعب انى احضر حفله بالمستوى ده
فعلا فرق ثقافات وانحطاط فى الاذواق

تفتكر بعد الكلام الكتير ده انت مفلس ولا غنى بافكارك


انا فى اجازه welcome freedom
imfreeeeeeeeeeee