2009/09/21

تاج واجب علينا

بصوا بقا انا جااااالى تاج من قبل رمضان كده بشويه من دكتور هيثم ولانى وعدته انى هرد عليه فلازم اوفى بوعدى حتى لو بعد ايه.

وانا جايه النهارده ارد على الاسئله السهل الممتنع

يالا استعنا على الشقا بالله

من أنت ؟؟

يا نهارى على ده سؤال السؤال ده فى حد ذاته مشكله لانى حقا لا اعلم من انا ولاحظ انى قولت لا اعلم ولم اقل لا اعرف فالعلم اوسع واعمق من المعرفه.

واذا كنت تريد ان تعرف اسمى كنت سالت ما اسمك ولو كان السؤال عن السن كنت قولت كام سنه ولو عن الكليه كنت قولت كليه ايه ولكن انت صعبت عليا المهمه او انا صعبتها على نفسى .

فانا اريد ان اعلم من انا لانى داخلى صراع بين انسان كائن وانسان يود ان يكون والى ان نصل الى النهايه سوف اكتفى بتعريف هذا الانسان الكائن

اسمى امانى, 6 اكتوبر اللى جاى هكمل 23 سنه بالتمام والكمال ,خريجه تجاره انجليزى جامعه اسيوط دفعه2007 ,حاصله على الشهاده اللى هتتوزع على بطاقه التموين قريب الا وهى ICDL, كمان معايا دبلومه فى حاجه اسمها BUSINESS PROCESS OUTSOURCING ,السنه اللى جايه ان شاء الله وكان لينا عمرهكون انهيت دبلومه فى MARKETING&BUSINESS MANAGEMENT بس خلاص هو ده كل اللى اعرفه عن نفسى.اه صح نسيت انا بشتغل خدمه عملاء فى احد فروع بنك الاسكندريه.

ماذا تفعل هنا ؟؟

محاوله للبحث عن شىء مفيد سواء كسب علم او زياده معرفه او قد يكون رضا الله

كما قال ابو الليث السمرقندى فى كتابه تنبيه الغافلين عليك بالعلم والعلماء ومجالسهم فان لم تستفيد بعلمه فربما نظر الله االيهم بعين الرضا فتكون ممن رضا الله عنهم.

ولو مش عايزينى امشى بس اهوه خلينى معاكم لو ماافدتيش بحاجه فا مش هضر .

وبعدين انا جيت هنا من باب اعرف اكتر ازاى بقا ؟؟؟

اقولكم

لما ظهر التدوين والمدونات وكده جريده الدستور عملت ايه ؟ عملت صفحه اسمها مدونات كان لسه الدستور اسبوعى مش يومى وكان كل اسبوع يتكلموا عن كام مدونه وكانوا يجيبوا بوست من المدونه دى وانا كان عاجبنى قوى الصدق اللى موجود فى الكلام كلام بدون ماسك او غش او سعى للكسب فكان عاجبنى وكنت بدخل على مدونه غاده عبد العال عايزه اتجوز ومدونه انا جعان الله. الوطن. ام الخلول ومدونه انا ميت وكده وبعدين فى يوم الدستور نشر ازاى تعمل مدونه فقولت ليه لا ما اعمل واحده علشان اقرا براحتى يعنى كان الغرض فى الاول القرءه فقط والاستمتاع بالصدق والصراحه فى كلاماتهم فقط لا غير.
اسرائيل تقصف كل جنوب ممكن بحثا عنك, اى شمال تقصد؟؟
بدون تفكير طبعا شمال اسرائيل. ليه بقا ؟ بدال كده كده هتمونى فعليا وعلى اعدائى وبدال ما اموت لوحدى اموت كام واحد منهم معايا والبادى اظلم.
أنت مكلف بحذف حرفٍ من حروف العربية ، أي حرفٍ تحذف ولماذا ؟؟؟
طبعا يعنى انا مين علشان احذف حرف نزل به كلام الله
ولا حاجه طبعا
بس بينى وبينكم كنت اتمنا لو حرف الذال (ذ) مش موجود فى اللغه العربيه ليه بقا ؟
علشان اجد صعوووووبه بالغه فى اخراجه من مخرجه الصحيح الا وهو ان يكون طرف اللسان فى اعلى السنوده الصراحه كان بيزعل منى شيخى الله يرحمك يا شيخ صلاح ( اقروا الفاتحه يا جماعه معايا ) .
لو قدر لك أن تدخل السجن ، فما القضية التي تود أن تدخل بها إليه ؟؟
السجن اعوذ بالله طب ليه كده بس
السجن دار بلاء وقبر للاحياء وشماته للاعداء ربنا ما يكتبه يارب على حد مننا اللهم امين.
متى اكتشفت نفسك ؟؟
والله لسه ما حصليش الموضوع ده مازلت ابحث عنها بكل شجونى واوشكت ان يصيبنى الجنون جراء البحث عنها.
على مفترق الطريق لافتتان ، إحداهما تشير" إلى حلمك " والأخرى " إلى ما يحلم به الآخرون " إلى أي واحدة تتجه ؟؟
بدون تفكير الى حلمى طبعا لانى اثق فى حلمى وانه فى مصلحه للجميع ولكن لا اثق فيما يحلم به الاخرون
وعلشان اكون صادقه برضه مع نفسى وما اكونيش بنافقها وبضحك عليها بكلمتين انا ممكن امشى مع حلمى بس القدر يجبرنى على السير مع الاخرون اذا كان فى تهديد لى بفقدهم واذا كان الاخرون يستاهلوا انى اضحى بحلمى علشانهم يعنى من الاخر مش هضحى بحلم علشان حد ما يستهليش.
نحن لا نعيش حياتنا بل نتعلم فيها كيف نعيش ، ما تعليقك ؟؟
تمام جمله صحيحه 100% كل التجارب اللى حوالينا اللى مر بيها غيرنا بتخليك تقيس حياتك وتجاربك انت عليها علشان تتعلم منها ومش تكرر خطائهم ولو نجحوا تحاول تنجح زيهم او تتفوق عليهم انا واحده من الناس اللى بتتعلم جدا من الحياه ومن تجارب الاخرين علشان كده تلاقونى مدمنه بريد الجمعه وعبد الوهاب مطاوع وحسن شاه وفاروق جويده وكلير ناصف وكل الناس اللى فعلا ممكن تنفعك فى حياتك وتسفاد وتتعلم منهم.
بجملةٍ واحدة ، اكتب تعريفاً لكل كلمةٍ من الكلمات الآتية (الوطن-الأم-الليل-الحب-أمريكا-المرأة-الصمت-الإنترنت) ؟؟
الوطن: حبه من الايمان وسهل جدا تشترى اى حاجه لكن صعب تشترى وطن.
الام: امل انصلاح المجتمع ده وامل نصر الامه هو ام.
الليل: جلاب الهموم ووحشه فى القلب واضطراب فى الذهن وندم على اليوم وامل فى الغد.
الحب: احياء للقلوب وتزكيه للنفوس وتهذيب للخلق ورقه للمشاعر وتهذيب للجسد .
امريكا: نشاءت بالدم وازدهرت بالدم وسوف تموت بالدم.
المراه: حامله للنقيضين استعظم الله كيدها واستنقص الرجل عقلها وهى فى ذاتها لغز .
الصمت: اكثر بلاغا من الكلم.
الانترنت: اقسم الكلمه معايا الان ترنت اقرها بقا الان يعنى الحين ترنت يعنى ضعفت او سقطت الا وهى الاخلاق كان سببا فى تدنى الاخلاق بلا شك.
قيس وعنترة وجميل هم الذين يقولون شعرا ، وليلى وعبلة وعزة صموت ، لم هذا التغيب للمرأة ؟؟
وده مين بقا الله قال كده شكلكم مش متابعين امال صفاء عصفور فى الاسر بتقول ايه ولا ليساندرا ولا دكتوره الادب بنت بلدىدكتوره سحر.
وبعدين تعالوا هنا الراجل يقعد يقول شعر فى حبيبتها قبل الجواز وبعد الجواز ولا حتى نسمعه يقول كلمتين فى بيت مش قصيده
يعنى بزمتكم عنتر اللى كان هارينا بشعره لعبله حد سمعه بعد ما اتجوز عبله قالها حاجه ولا حصل.
ولا اصلا تفتكروا ان قيس لو كان اتجوز ليلى كان قالها حاجه كان هيتجنن بس جنون من نوع تااانى .
إلى أين تمضي كلمات الحب بعد أن تقولها ؟؟
هفتح بيها دفتر توفير باعلى عائد فى بنك الحب الذى تقوم جميع معاملاته طبقا للشريعه الاسلاميه وسوف اجنى ارباحه ليس فى انا فقط ولكن سوف تكون جميع الاسره يتمتعون معى بهذا العائد وده العادى من بنك الحب الاسلامى .
هل تجد علاقةً بين المرأة وقطاع الطرق ؟؟
هو فيه تشابه وتضاد فى نفس الاشياء
يعنى مثلا قطاع الطرق ربنا ينفضوك من جميع ما تملك بغرض السرقه وليس لهم نيه اخرى ولكن المراه ربنا تنفضك من فلوسك من بابا المثل القائل ونصيحه الام لبنتها الخالده قصقصى ريش طيرك ليلوف على غيرك .
كذلك ربما قطاع الطريق يسلبوا لحظات من عمرك ولكن المراه ربما تسلبك عمرك باكمله.
هذا فراق بيني وبينك ، لمن ومتى تقولها ؟؟
والله انا لما قريت السؤال ده قولت افتكر هو سيدنا الخضر قالها ليه لسيدنا موسى فلقيت انه بعدها قاله سأنبك بتاويل مالم تستطع عليه صبرا فدعوت الله ان يرزقنى الصبر على الامور وعلى قضاءه وان يرزقنى البصيره حتى لا ياتى اليوم الذى اتسرع فيه بحكمى على الاشياء فيكون جزائى الفراق سوء كنت انا من فارقت او انا من فورقت.
كيف هو غداً ؟؟
كل ما اشترى قلم جديد واكون عايزه اجرب خطه كنت بكتب جملتين واحده عربى واحده انجليزى اما اللى بالعربى فهى
رضيت بالله ربنا وبالاسلام دينا وبمحمد صلى الله عليه وسلم نبيا ورسولا
واما اللى بالانجليزى
every thing will be good in the future
وبدال الجمله دى مسبوقه برضا على الله فوجب على الله ان يرضنى فغدا افضل ان شاء الله .
لمن تمرر التاج ؟؟
والله عايزه ابعته لناس كتير
هاخص بالذكر محمد هاى فولتا وصديقه مستر زناتى
وصفاء اجمل وارق صعيديه
ويا خوف فوادى من غدى
وكل اللى عجبه التاج وعايزه يتفضل ما يتكسفيش البيت بيته
واسفه جدا لو كنت طولت عليكم.

هناك 51 تعليقًا:

  1. السلام عليكم

    كل سنة وانتي طيبة وجميع الأهل بخير وسلام

    برافو برافو برافو ، أنا كنت مستمتع بإجاباتك فعلاً كوني أعلم مدى صدقك فيها.

    خالص الدعاء وأصدق الأماني لأماني ، وكل تاج وانتي بخير.

    ردحذف
  2. وعليكم السلام ورحمه الله وبركاته

    وحضرتك طيب وبرضه جميع الاهل بخير وسلام

    3 برافووو ده كتير والله

    ونرجوا ان نكون قد اسعدناكم ههههه

    ربنا يتقبل منك يا دكتور


    ولك خالص تحياتى ودعائى

    والسلام عليكم

    ردحذف
  3. اةةة
    اهو احنا كدة لحد هنا ومعرفكيش
    كان قلبى حاسس من اول ما عرفت انه تاج انى هدبس فيه
    بس يا بطتى عيب بعد كل هذة الصداقه الجميله والمحبه اللى بينا تعملى فيا كدة

    اجاباتك جميله جدا وجريئه
    امال ايه مش صعيديه
    ومن غير ردود ولا اجابات انت فعلا احلى وارق صعيديه على كل البلوج اسبوت

    ردحذف
  4. والله ماكنت اعرف انك نزلتى بوستات

    لان قايمة المدونات فيها مشكلة

    عموما عجبنى تاجك جدا

    وعجبنى اكتر وصفك لامريكا

    اكيد تاج ازداد جمال باجاباتك عليه

    دمتى مبدعة ياامانى على فكرة الاسم ده تعبنى سنين

    بس اكيد الموضوع اختلف لان الاسم بقى اجمل بيكى

    كل سنة وانتى طيبة

    مصرى دائما

    ردحذف
  5. على فكرة البوست مكتوب بتاريخ 21

    فى حاجة غلط اكيد

    ^_^

    هروح اقرا واجى

    ردحذف
  6. يخربيت العسل
    ^_^

    والله اجابات جميلة اوى ولزيزة
    بس ايه ده بقى انتى بتقلدينى ؟
    ادارة اعمال مش كده؟
    تصدقى انا عايز ادخل ادارةوكل الناس بتقولى لأ

    اعمل ايه بقى ؟


    على فكرة انا التاج ده جالى زماااااااان

    http://highvoltaa.blogspot.com/2009/05/blog-post_11.html

    معلش بقى فى حد تانى سبقك ياامانى(لزيز اسم امانى ده) ^_^
    ههههههههه

    ردحذف
  7. السلام عليكم
    - - - - - - -

    قطيعه تقطع النت وقائمة المدونات وسنينها

    الي تخلي الدكتور هيثم يسبقني في التعليق

    والله القائمه كانت معلقه والنت بيقطع

    جميله اجاباتك ياأماني

    "أماني"عارفاه من زمان بس قالولي انك مش بتحبي حد يقولهولك ع النت
    وانا على غير العاده مسكت لساني

    عجبني جدا اجابتك لسؤال كيف هو غدا؟

    كوني بخير

    تحياتي لكِ

    ردحذف
  8. السلام عليكم

    ازيك يا امانى

    يارب تكونى بخير اجاباتك جميله جدا

    ربنا يسعد قلبك يارب

    كل سنه وانتى بالف خير

    ردحذف
  9. وخصوصا العلاقه بين المرأه وقطاع الطرق

    ههههههههههههههههههههههه

    ردحذف
  10. صفاااء

    ربنا يكرمك يارب وشكرا جدا على كلامك

    بس برضه ادبستى يا جميل
    ولا مفرررررررررررر

    خالص دعواتى وحبى

    ردحذف
  11. استاذ محمد مصرى دائما

    وانا كمان عندى مشكله فى قائمه المدونات بتجيب الجديد بعد ما يكون عد عليه كتير

    ومتشكره على كلامك الجميل

    ودمت بكل خير
    والسلام ختام

    ردحذف
  12. محمد هاى فولتا

    اللى حصل انى كنت هنزل البوست يوم 21 بس كتبت اول كام سطر وسبته ورجعت كملته فى اليوم اللى نزل فيه

    علشان كده تاريخ قديم

    اه اداره اعمال
    بس انا ما فهمتيش انت عايز ايه ؟

    ومش مشكله التاج خيرها فى غيرها ان شاء الله
    مسيرك هتدبس فى حاجه

    يالا سلام

    ردحذف
  13. مروه

    قطعتين تقطع النت اللى مش مخلينى اسيب تعليق عندك

    فى مشكله عندك يا مروه التعليقات مش بتفتح بحاول اسيب تعليق مش نافع ومش راضى يفتح

    وبعدين تعالى هنا مين هما اللى قالولك اصلى محدش يعرف اسمى وبعدين مش بكلم حد خاص او مش معايا اميلات حد يعنى مش غريبه دى ؟

    نورتى يا قمر وكل سنه وانتى طيبه
    وشكرا على كلامك وثناءك على التاج وانتى كنتى اجمل

    ردحذف
  14. ازيك انتى يارانيا
    عامله ايه يارب تكونى بخير وتمام وكل سنه وانتى طيبه

    كويس والله انه عجبتك العلاقه بين المراه وقطاع الطرق بس بزمتك مش صح؟؟

    ربنا يسعدك انتى كمان يارب ويحققلك كل احلامك
    ودمتى بكل خير
    والسلام ختام

    ردحذف
  15. ااااااااااااااه

    نسيت
    انتي كنتي جيتيلي علشان تديني العيديه

    انا مستنياها اهو

    ردحذف
  16. وبالنسبه للاسم

    ياحبيبتي انتي متعرفيش

    مش انتي مستهدفه!!!!!

    وبعدين مش يمكن اكون انا اعرفك شخصيا
    (وش بيغمز بعينه)

    ردحذف
  17. ههههههههههههههه

    طب والله شرف ليا يا مروه انك تكونى تعرفينى شخصيا

    وحد يطول يعرف بنوته قموره من بنات المنصوره الحلووووين

    منوره دايما يا قمر

    ردحذف
  18. بجد التاج دا عرفنا بيه شخصيتك اكتر
    وكل اللي بتحلمي بيه
    هو تاج جميل جدا
    وانا جاوبت عليه مرة في مدونتي
    عموما تقبلي مني تحياتي
    والسلام ختام

    ردحذف
  19. السلام عليكم

    اجباتك رائعه بجد وعجبتنى او عليا وعلى اعدائى:)

    كل سنه وانتى طيبه

    تقبلى مرورى

    ردحذف
  20. اجابات جميله

    كل سنه وانتى طيبه

    ردحذف
  21. كلام كتيييييييييييييييييير

    لأسئلة بسيطة جدا
    بس الاجابات حلوة وأبسط

    ردحذف
  22. ابراهيم
    دايما منورنى

    ربنا يكرمك وترجع بالسلامه ان شاء الله

    ردحذف
  23. انا اتاخرت خاااااااااااااااااااااااااااااالص
    يا كسوووووووووووووووووووووووفى
    يا فضيييييييييييييييييحتى
    وربنا لتسامحينى
    عشان خاطرى
    انا موضايق وربنا انى مجيتش الاولانى
    انا خجلالالالالالالالالالالالالالالالالالالالالالالالالالالالان

    ردحذف
  24. ايه الردود دى
    عليا النعمه ردود اديبه وشاعره وكاتبه ومدرسه لغه عربيه فوصحاااااااااااااا

    ردحذف
  25. طالبه الفردوس

    ربنا يكرمك يارب ونورتينى

    دمتى بكل خير

    ردحذف
  26. صحيح
    اخبار شغلك ايه يا برومس
    ابقى عدى علينا شيتى معانا ولا حاجه
    المدونه من غيرك هوا خالص
    نياهاهاهاهاهاهاهاهاهاهاهاهاهاها

    ردحذف
  27. تفااااااااااااااااحه منوررررررررره


    اى حد من طرف الصعيدى منور طبعااا

    ردحذف
  28. برومس هنا
    احتلالالالالالالالالالالالالالالالالالالالالالالالالالالالالالالالالالالالالالالالالال

    ردحذف
  29. احمد الصعيدى

    ؟؟؟؟؟

    تفسير واحد بس للى عملته ارجووووووووك


    ارجووووووووك فكر تاااااااااانى

    فكر فى الغلابه اللى زينا اللى محتاجين يقروا كلمه حلووووه ومشاعر نبيله

    من حقنا عليك تدينا تفسير للسلام اللى بدون وداع او تفسير

    ردحذف
  30. ايه يابنى

    تدفع كاااااااااااااااااااااااااام

    واسامحك

    ردحذف
  31. احتلالالالالالالالالالالالالالالالالالالالالالالالالال

    ده انت غلبت بونابرت

    ردحذف
  32. منوره يا برومس

    ردحذف
  33. اى حاجه يا بيبو
    بس متزعوليش وربنا

    ردحذف
  34. نورك يا بشمهندس


    خلاص يابخت من قد وعفى مسامحاااااااااك

    ردحذف
  35. بخخخخخخخخخخخخخخخخخ

    ردحذف
  36. ربونا يكرمك
    ويعلى مراتبك
    ومخداتك
    وسلطاتك
    وباباغنوجك
    قادر يا كريم

    ردحذف
  37. عوووووووووووووووووووووووووووو

    ردحذف
  38. صحيح يا برومس

    الشغل عاااااااااااااااامل ايييييييييييييييش

    ردحذف
  39. ايه اخبار الكليه هتفتح امتى

    ردحذف
  40. طاحووووووووووووووووووووووووووووونه

    تحس انك فى طاحونه يابنى

    ردحذف
  41. ربنا معاكى يا برومس
    ومعايا انا كمان
    صحيح
    عيد ميلادك امممممممممممته

    ردحذف
  42. انا عاوز موضوع جديد ليا انا بس
    شات
    اعملى موضوع
    سميه شات الزناتى والبرومسايه

    ردحذف
  43. خلالالالاص
    نعمله ان شاء الله

    ردحذف
  44. انا ناوى اجيب حاجه ساقعه
    عاوزه ولا مستعجله

    ردحذف
  45. بص انا هقوم اصلى

    وبعدين نشوف الموضوع ده

    دعوووووووووووه للشاتنج

    ردحذف
  46. مممممممممممممممكن تمر هندى لو تتعب

    ردحذف
  47. وعندك واحد تمرهندى وصلحووووووووووووووو

    ردحذف
  48. ازيك يا اماني :D
    اخبارك ايه
    اجابتك للتاج تحفة و جميلة جدا
    و اللي فرحني اكتر انك عاوزة تشيلي حرف ذ
    هههه بس انا عاوز اشيله عشان كمان سبب
    هههههه لو رجعتي لموضوع التاج عندي هتعرفي

    سعيد اني بتعرف عليكي من خلال التاج ده

    ردحذف
  49. بخخخخخخخخخخخخ
    انا هنا وحشتينى يا قلبى قوووووووووووووى اخبارك ايه يارب تكونى بخير حبيبتى ربنا يطمنا عليكى بجد اسفه انى كنت غايبه بس ظروف خارجه عن اراداتى
    والحمد لله رجعت تانى انا هنا

    اجاباتك سكر وعسل زيك ربنا يةوفقك حبيبتى ويكرمك خير يارب
    دمتى بالف خير
    طمنينى عليكى

    ردحذف
  50. ايه ياحجة
    فينك

    عايزين بوست جديد ياتيتا


    وعلى فكرة انا عندى بوست جديد

    ومردتيش

    هاجى اهكر عالمدونة بتاعتك لو مردتيش ^_^

    ردحذف

قول اللى فى نفسك وعبر عن نفسك