2009/09/18

من ابليس الى البنى ادم




عزيزى البنى ادم



كل سنه وانت طيب



ففى الوقت الذى تهنئنا فيه بفك قيودنا وعودتنا الغير محموده لمزاوله نشاطنا المعتاد فانا ايضا اقدم ارق التهانى بعيدك السعيد واسمحلى ان اعبر عن انبهارى بالتقدم الرهيب الذى وصلت اليه.


فانت يا عزيزى ابهرتنى باساليبك الشيطانيه التى تفوقت فيها علينا فاصبحنا نحن صغار مقارنه بك فاثناء بعثتنا خلال الشهر الكريم اخدنا كورس مكثف من خبرات سيادتكم من نفاق ورياء وظلم للنفس وهتك للعرض وقتل وسرقه وجهر بالسوء .


فانا عزيزى البنى ادم كنت اعتقد ان ما انت عليه باقى ايام السنه ما هو الا مجهودنا من وسوسه والاعيب شيطانيه من احفادنا الكرام ولكننى كنت واهم واهم واهم .

فلقد اكتشفت عزيزى البنى ادم ان النفس البشريه الاماره بالسوء اكثر تاثيرا من مجهودنا العظيم فلم يجدى ان نظل نسرى فى عروقكم مسرى الدم .
ولذلك فانا اعرض على سيادتك التكرم بالموافقه على اعطاءنا كورس فى التنميئه الشيطانيه حتى نستفاد من خبراتكم التى فاقت خبرتنا ويابخت مين نفع واستنفع .
وكذلك الاستفاده من تجربه التوك توك التى ادت بقصد او بدون قصد الى نشر قرانى الشيطانى فهو يملاء على اذناك بكره وعيشيا دون مراعاه حرمه وقت او شهر عظيم .
والاستفاده من قنواتكم وفضائياتكم التى تبث اليكم كل ماهو يقسى القلوب فاصبحت قلوبكم كالحجاره بل اشد قسوه.
والاستفاده من اطمئنانكم بالحياه الدنيا ورضاكم بها عن الاخره.
والاستفاده من حكومتكم التى تقهركم بالظلم والقمع وانتم تعطون الجزيه عن يد وانتم صاغرون (الضرائب مصلحتك اولا).
والاستفاده من مشايخكم الذين يعطون لكم الرخصه مقابل كل شىء حتى ولو على حساب الدين .
والاستفاده من كيد النساء العظيم الذى فاق كيدنا الضعيف.
عزيزى البنى ادم................................................................عفوووووووووووووووووووا
لقد غيرت راى ورجعت عن طلبى لك
هل تعلم لماذا ؟؟؟؟
{وَإِذْ زَيَّنَ لَهُمُ الشَّيْطَانُ أَعْمَالَهُمْ وَقَالَ لاَ غَالِبَ لَكُمُ الْيَوْمَ مِنَ النَّاسِ وَإِنِّي جَارٌ لَّكُمْ فَلَمَّا تَرَاءتِ الْفِئَتَانِ نَكَصَ عَلَى عَقِبَيْهِ وَقَالَ إِنِّي بَرِيءٌ مِّنكُمْ إِنِّي أَرَى مَا لاَ تَرَوْنَ إِنِّيَ أَخَافُ اللّهَ وَاللّهُ شَدِيدُ الْعِقَابِ} [الأنفال: 48].
كَمَثَلِ الشَّيْطَانِ إِذْ قَالَ لِلْإِنسَانِ اكْفُرْ فَلَمَّا كَفَرَ قَالَ إِنِّي بَرِيءٌ مِّنكَ إِنِّي أَخَافُ اللَّهَ رَبَّ الْعَالَمِينَ} [الحشر: 16].
عفواااااااااااااااا
عزيزى البنى ادم انى اخاف الله رب العالمين
وكل عام وانت بخير
المخلص لك دائما
ابليس

هناك 29 تعليقًا:

  1. انا جيت ارد الزياره

    كل سنه وانت طيب

    ومش هنبطل احتلال برضه

    ههههههههههههههههههههه

    حنين

    ردحذف
  2. انا كمان اول تعلللللللليق

    ياحلولى يا حلولى

    ردحذف
  3. والتالت كمان لانى اول مره اجى هنا ومش اخر مره

    ان شاء الله

    ردحذف
  4. والرابع

    هههههههههههههههههههه

    حبا فى الاحتلال

    ردحذف
  5. والخامس بقى ومش هتقل عليك اكتر من كدا

    هههههههههههههههههه

    كل سنه وانت طيب

    حنين

    ردحذف
  6. خدى راحتك يا حنين البيت بيتك والمدونه مدونتك
    ولما تخلصى ابقا اجى ارحب بيكى

    بس فين المحتل التانى؟

    ردحذف
  7. كل سنه وانتى طيبه يا حبيبتى نورتينى

    واهلا بيكى ضيفه عزيزه وصديقه غاليه ان شاءالله

    ودمتى بكل خير
    والسلام ختام

    ردحذف
  8. كل سنه وانت طيب
    ويارب يكون عيدك سعيد
    خالص تهانياتي لك بالاعياد وايام الفرح المستمره

    بوستك فكرته حلوه جدا
    اول زياره لمدونه حضرتك وان شاء الله مش الاخيره


    دمت بخير

    ردحذف
  9. يادمااغك العالية ياوعد
    مش بقولك بتفكرينى بنفسى ^_^



    كل سنة وانتى طيبة واخبارالعيد والسواريخ ايه ؟

    ردحذف
  10. ههههههههههههههه
    حلوة الرسالة دي
    طيب و بعدين انا كده ناقصلي 3 عشان ابدا المجموعة
    :D:D:D:D:D

    كل سنة و انتي طيبة
    فعلا في ناس كتيرة قلوبها اشد قسوة من الحجارة و نست يعني ايه خشية الله


    كل سنة و انتي طيبة

    ردحذف
  11. حنيييييييييييييييييييييييين

    يا شيخه لسه بدرى مستعجله على ايه

    نورتينى يا قمر وكل سنه وانتى طيبه

    ردحذف
  12. مناااااااااااااااااار


    نورتينى والف شكر على كلامك الجميل

    وان شاء الله تنورينى دايما

    وكل سنه وانتى طيبه ياقمر

    ردحذف
  13. محمد باشا

    الدماغ العاليه دى من بعض ما عندكم

    وبعدين انا قولتلك ان فيه ريموت سينس بين بتوع تجاره انجليزى

    يعنى مش تستغرب

    كل سنه وانت طيب
    وسلامى للحاضر الغائب الزناتى خليفه

    ردحذف
  14. المعلم بجلالت قدره وطعمياته وسلاطاته وبابا غنوجه منورنى

    يا مرحبا يا مرحبا

    طبعا حضرتك حققت اعلى مبيعات خلال الشهر الكريم
    كل سنه وحضرتك طيب
    وطبعا مش بتضيع وقت حالا لحقت تعمل مجموعه وكمان مش ناقص غير تلاته
    ابعت للابليس اميل وهو يبعتلك عشره من احفاده
    بس تقريبا هيخاف عليهم من انفلوزنا الخنازير
    امال دول عيال ابالسه

    دمت بكل خير وكل سنه وانت طيب

    ردحذف
  15. السلام عليكم ورحمة الله وبركاته


    كل سنة وانتي طيبة وعيد سعيد عليكي وعلى الأهل جميعاً

    ظريفة التدوينة ، ومثلك أتخيل أن إبليس يمارس عمله هذه الأيام ليس انجازاً لإهدافه وإنما بنظرية (الإيد البطالة نجسة) ، فلقد تكفل بن آدم بإنجاز ما قد يُعجز الشيطان انجازُه.

    تحياتي ودعاءي

    ردحذف
  16. عيد سعيد تقبل الله منا ومنكم الصيام والقيام
    تدوينة جميلة وواقعيه الى حد كبير فعلا لانستطيع ان ننسب اخطائنا دوما لوساوس الشيطان النفس ايضا له دور كبير لدلك تعتبر مجاهدتها هي الجهاد الاكبر
    اعننا الله عليها وهداها لان بهداها نضمن رضا رب العالمين
    تحياتي لك واعادنا الله واياك من ابليس

    ردحذف
  17. كفانا الله شر إبليس
    رسمت بقلمك صورة جميلة ومعبرة عن أحوالنا
    كل عام وأنت بخير

    ردحذف
  18. عزيزتى البنى ادمه
    كل سنه وانتى طيبه
    وعيد سعيد عليكى
    البدايه هلكتنى من الضحك
    مع ان الموضوع مش كوميدى
    بس عيد سعيد



    بووووووووووووووووووووووووووووووووووووووووم


    ده صاروخ من باع العيد
    متخافيش

    ردحذف
  19. كل سنة وانتي بألف صحة وسلامةويعود عليكي الايام باليمن والصحة والبركات

    ردحذف
  20. فعلا الانسان دلوقتي بقي ابليس بيتعلم منه
    من كتر الاساليب الشيطانيه اللي بيمارسها في حياته
    انا هعلق عل موضوعك دا ببيت الشعر اللي بيقول
    كنت جنديا من اجناد ابليس
    فاستعظمت حتي صار ابليس من جندي
    تقبلي مني خالص التحيات
    وكل سنه وانتي طيبه

    ردحذف
  21. كل سنه وانتِ طيبة ودماغك دايما عمرانه
    ههههههه البوست جميل قوي
    شياطين الانس اعظم من شياطين الجن
    بالظبط زي التليفون القرص والموبايل
    :-)
    ههههههههه
    تحياتي

    ردحذف
  22. دكتور هيثم


    كل سنه وحضرتك طيب وجميع الاهل بخير وربنا يعود الايام علينا بالصحه والخير

    عجبتنى قوى المبدا بتاع ابليس ده


    على الهامش

    سبتلك رساله مش عارفه وصلت ولا لا؟

    ردحذف
  23. يا خوف فوادى من غدى

    كل سنه وانتى طيبه وبخير وسعاده

    وشكرا جدا على زيارتك

    نورتينى

    ردحذف
  24. دكتور عاطف

    كل سنه وحضرتك طيب

    وشكرا على مرورك الكريم وكلامك الذوق

    ولك خالص تحياتى
    والسلام ختام

    ردحذف
  25. بشمهندس زناتى

    منور وحمدلله على السلامه

    وشكرا جدا على الصاروخ

    وعيد سعيد علينا وعليك

    ردحذف
  26. المعلم صاحب المطعم وشريكته منورنى والله ده كتير قوووى علينا


    كل سنه وانتى طيبه يا قمر وعيد سعيد

    ردحذف
  27. جندى مجند ابراهيم


    منوور وتسافر وترجع بالسلامه

    وكل سنه وانت طيب

    ردحذف
  28. عسكرى يا مصرى

    مش فاهمه انا حكايه التليفون والقرص ده

    مش ليا فى الالغاز

    على العموم كل سنه وانت طيب وتسافر وترجع بالسلامه

    ردحذف
  29. احلى صعيديه واجمل واغلى صديقه
    كل سنه وكل يوم وانت بألف خير
    وسؤالك الدائم عنى وصداقتك الغاليه لا تعوض باى تمن
    شكرا بجد على محبتك ورقتك

    وبالنسبه للبوست
    بالنيابه عن بنى البشر وبالاصاله عن نفسى
    نقول للشيطان هارد لك
    انت عملت اللى عليك ولحد هنا بقى وسيبنا ناخد فرصتنا
    اقعد انت على جنب واحنا هندير الليله بقى
    زمان قالك ما عفريت الا بنى ادم
    ودلوقتى هنعمل شويه تحديث ونقولك ما بقى شيطان الا بنى ادم

    اممممووووااة بوسه كبيرة اوى يا قمرة

    ردحذف

قول اللى فى نفسك وعبر عن نفسك