2009/03/01

غيبوبه سكر

كان يلعب مع اصحابه فى الشارع عندما سقط على الارض فاقدا للوعى وبالرغم من صغر سنهم الا انهم احسنوا التصرف واسرعوا به الى المشفا وعندما اخبرهم الاطباء انه فى غيبوبه سكر ولابد من اخبار اهله اخبرونا واتينا مهرولين الى المشفا .
وما ان سقطت عينى عليه حتى انهارت قوى ولم اعد اتمالك نفسى.
ياربى ليس الان لم يأ تى الوقت بعد ليس الان يارب انه مازال طفل صغير يحلم بمتى يصبح شابا ويعجب بابنه الجيران ويقع اسيرا لحبها ويذهب الى والده ليخبره انه يريد ان يتزوج بها وهنا يسخر منه والده لانه مازال صغير.
ياربى لم يأتى الوقت بعد فانه مازال طفلا لم يعكر صفو طفولته شىء .
ياربى لاملجاء منك الا اليك ياربى اغثنى فانه طفلى الصغير .
وهنا يخرج الطبيب ليخبرنى انه افاق من الغيبوبه ولكن لابد من ان يأخد املاح لان نسبه السكر مرتفعه .
اسرعت اليه اضمه الى صدرى واحضنه واشد من ازره فانا قويه وهو لازم يكون اقوى منى
ولكن لم يستغرق عرضى لقوتى وقتا طويلا فما ان طلب منى الطبيب ان امسك يده حتى يستطيع ان يضع ابره المحلول فى يده حتى انهارت قواى ولم اعد استطيع ان اظهر قوتى مره اخره امامه.
جريت مسرعه الى خارج الغرفه حتى اوارى دموعى عنه ورجعت اليه مره اخرى وبديت اهزر معه حتى اجعله يتكلم معى فانا لااستطيع ان اراه صامتا او ساكنا اريده يملاء الدنيا ضجيجا واريده ان يترك بصمته فى كل مكان .
يالا يابطل شد حيلك علشان نجوزك نور
نور دى كانت بنت الجيران اللى هو مش بيحبها
رد عليا بصوت متقطع لان لسانه جامدا لايستطيع ان يحركه
لالا اذا كنت هشد حيلى علشان نور فانا اموت احسن
قالها وهو مبتسم ولكن اين ابتسامته المزهره الجميله التى تأخد بعقلى كلما رايتها ترتسم على وجه لقد دبلت دبلت بفعل المرض
سرحت بعقلى بعيده عنه
لجأت الى ربى وقتها داعيه اياه الا يأخده منى فانه انا وانا هو
واذا اراد ربى ان يسترد امانته فليأخذنى قبله حتى لااحرم منه.
وانا مستغرقه فى ما يدور بداخلى من توسل الى المولى الرحيم ان يرحمنى مما انا فيه اذ به يسالنى سؤال لااعرف له اجابه الا انه القدر .
ليه انا عندى سكر ؟
ولم اجد اجابه مقنعه له ولكن اذ بى اساله
هو انت مش مصرى؟
قال: ايوه انا مصرى
طيب هو انت منين بقا
قال من مصر
يبقا خلاص لازم يجيلك سكر
ليه بقا انا مش فاهم
لان اللى بنا مصر كان فى الاصل حلوانى
كانت الابتسامه سوف ترتسم على وجه وانا كنت سوف اتمتع بها
ولكن................................... غيبوبه سكر

هناك 3 تعليقات:

  1. غير معرف1/3/09 19:04

    هو الواد اكيد اكيد امه عملتله حلاوه المولد اللى عملها الشيف حسن النهارده بس كانت مكتره السكر وعسل الجلوكوز عشان توفر فى المكسرات على العموم كل سنه وانتو طيبين ومتخفيش يا ستى بكره الواد يقوم يجرى زى العفريت وابقى افتكرى الحادثه دى علشان تبطلى تزعقيلو لما يتشاقى وتقوليلو (ربنا يهدك)!!!

    ردحذف
  2. غير معرف1/3/09 19:05

    التعليق السابق امضاء هوبه

    ردحذف
  3. هوبببببببببببببببببببببببببببببببببببه

    منوره وتعليقك جميل جدااااااااااااااا
    وبعدين هو الشيف حسن سبب كل حاجه
    فاكره التورته
    ههههههههههههههههههه

    يالا السلام ختام

    ردحذف

قول اللى فى نفسك وعبر عن نفسك