2009/02/17

IF I WERE ACOMPUTER



كنت على الفيس بوك بشوف ايه الموضوعات اللى مطروحه للنقاش بين الشباب ومن ضمن الموضوعات دى موضوع عجبنى قوى ودخل فى دماغى وكان عباره عن سؤال لو لم تكن انسان لووددت ان تكون.........؟


انا طبعا السؤال لعب فى دماغى جامد وقولت ياترى فعلا لو ربنا مكنش خلقنى انسانه كنت اتمنا انى اكون ايه وبدات افكر لحد ماوصلت للجابه


الاجابه انى اكون انسان برضه بس من جوه كمبيوتر يعنى تعاملات مع الناس تكون كلها زى الكمبيوتر والناس برضه تعامانى زى الكمبيوتر .


حد يقولى ازاى انا مش فاهمك تقصدى ايه اقولك خليك معايا لاخر وانا افهمك




انت اولا هتتعامل مع الناس اللى انت ضايفهم عندك فى Messenger list واللى انت طبعا اللى مختارهم يعنى مش مفروضين عليك بحكم القرابه .ولو حد منهم فى يوم ضايقك او غلط فى حقك هتعمله block او ignore


ووقتها هتجيلك الرساله بتاعت are you sure to ignore? انت طبعا هدوس yes بدون تعب فى قلبك او خوف على انقطاع صله رحم.فى ناس ممكن تشوفهم فى قهاوى التعارف اللى منتشره فى عالمك الجديد وتعجب بيهم تروح حضرتك تعمل ايه تبعت add على استحياء ساعتها بقا الشخص ده هيكون امام 2 options


اما يعملك add او ignore مش زينا احنا البشر بندخل فى الناس شمال عالطول بدون احم ولا دستور


حتى الناس اللى هتحبهم قبل ماتعمل للحب ده download فى قلبك هيكون قدامك 3option لوكنت فعلا بتحبه بجد هتعمله save وهو ومعزته بقا هتختار تشيله فين فى الحته اليمين ولا الحته الشمال


ولو كان اعجاب بس هتختار open folder ولو مع الوقت الاعجاب اتحول لحب هترجع تانى ل 3option وهتختار save ولو الاعجاب ده كان ظرف طارق هتدوس cancel وبلا وجع قلب.

ياسلام بقا لو فى حاجات فى حياتك انت مش راضى عنها من مشاكل اجتماعيه ونفسيه واقتصاديه والى اخره كل ما عليك انك تعمل select وبعدين تدوس ctrl علشان تقدر تعمل select للكل وبعدين كلها right click وتختار delete هتجيلك رساله are you sure to delete? دوس yas عاااااااااالطول وبيس يامان انت كده عايش فى سلام و peace mined .

وتخيل بقا لاقدر الله اصبت ب virus كل اللى عليك وقتها انك تعمل scan ولا تقولى دكتور فتحى امام ولا تصرف رشته حتى لو من عند صيدليه محمد ولا وقتها يشغل بالك اضراب صيادلاه ولا حتا غيره.

ولو اكانت العمليه ملطشه معاك على الاخر واجهزه المناعه عندك ضربت لاقدر الله ولاحظ انى بقول لاقدر الله كل اللى عليك وقتها تنزل firewall محترم ولا تقولى مناعه ولا ردع.

ويااااااااااااااااااااه لو انت غاوى سفر ورحلات كل ماعليك فعله هو double click على internet explorer وتيجى فى address bar وتكتب http://www.google.com/ واول ما يفتح تيجى فى search bar وتكتب البلد اللى عايز تروحها وهى طرفه عين وتكون هناك ولا تحتاج جواز سفر ولا تذكره طياره ولا حتى شنط.

شوفتوا الحياه جميله ازاى دمااااااااااااااااااااغ

بس مفيش احساس ولا ضمير ولا قلب

لالالالالالالالالالالالالا انا عايزه اكون انسان وجوايا انسان ولا كمبيوتر ولا غيره كله ده كلام فارغ او تقدروا تقولوا كورس لا اكتر ولا اقل والخيره فيما اختاره الله لنا ولك الحمد ياالله انك خلقتنا انسان داخله قلب ورقيب عليه ضميره

لك الحمد كما ينبغى لجلال وجهك وعظيم سلطانك


هناك 4 تعليقات:

  1. هههههههههههههههههههه
    جميلة التدوينة يا دايموند ، أغبطك على خيالك ، لكن سيبقى لك أعداء ، ومشاكل ، وقلب ، ومشاعر ، وذلك لأنك إذا تحولت لكمبيوتر فهناك من سيتحول لفيروس ومن سيتحول لمضاد للفيروس وهناك من سيتحول لكابل باور وهكذا .....
    "يعني تخلصي منهم في الواقع ويطلعولك في الحلم"

    تحياتي

    ردحذف
  2. دكتور هيثم
    الله يكرمك وبيارك فيك
    وبعدين انا خلاص لحقت نفسى وفوقت من الحلم كانت تبقا مشكله صحيح لو كملت وعشت فيها وبعدين ربنا يرزقنا بقراصنه يقطعوا سلك النت
    الحمد لله على كل حال

    وشكرا على مرورك
    والسلام ختام

    ردحذف
  3. اولا دماغك مش ممكن الله اكبر عليها
    ثانيا فعلا عندك حق بس انتى اولريدي عندك كل الاوبشنز دي بس هي تفرق في طريقة وجراه استخدامها
    ثالثا الكمبيوتر متاخدة فكرته من الانسان
    مش بتحسي والنبي انك لما بتتكلمي عن حاجه مش فاكراها بتفكري فيها وبعد كده بتدخلي في موضوع تاني وفجاه تلاقيكي افتكرتيها
    وده لان موظفين الذاكرة عندك فتحوا صفحة ذاكرتك
    وقعدوا يدوروا
    طبعا لو ذاكرتك اكس بي او لونكس او فيستا
    هتفتكري بسرعه اما لو ميلينيوم او 98 هتاخدي وقت
    هههههههههههههههههه

    موضوعك جميل جدا جدا جدا

    ردحذف
  4. سقراط

    ثانيا فعلا عندك حق بس انتى اولريدي عندك كل الاوبشنز دي بس هي تفرق في طريقة وجراه استخدامها

    ممكن توضح ازاى ؟

    وشكرا جدا على كلامك الجميل اللى انا اقل منه بكثير
    وشكرا على مرورك
    والسلام ختام

    ردحذف

قول اللى فى نفسك وعبر عن نفسك