2009/02/21

خيانه مشروعه



العرض الاول للفيلم على اذاعه بلدنا


يظهر رجب امام المراه وهو يستعد للخروج


رجب: عا الزراعيه يارب اقابل حبيبى وانت ياواد ياولاعه خدها ونزل الترعه


ومره واحده قلب


iwant to spend my life time lovinging youuuuuuuuuuuu


ووقف عند you ووصل show me the meaning of being lonly


الحمد لله خلص لبس علشان يرحمنا من صوته وفى طريقه الى الخروج استوقفته اخته اللى عامله شعرها ضفيره من قدام نازله على وشها


اخته: اش اش اش ايه الشياكه دى على فين العزم ان شاء الله؟


رجب : ايه ياوحيد القرن انت رايح فرح واحد صاحبى تيجى معايا؟


اخته : لا ياعم روح انت ربنا يجعلك فى كل خطوه رغيف عيش


رجب:ههههههههه ماشى ياجعانه محسسانى انك عايشه فى الصومال


اخته روح ياعم الحق الفرح


يخرج رجب فى طريقه الى الفرح


وصل رجب الى صاله الافراح


قعد رجب مع اصحابه يتفرجوا على اللى رايحه واللى جايه


تتدخل هنا انغام اغنيه عينك على اللى رايحه واللى جايه وانا واقفه وشايفه ده بعنيا............


مره واحده رجب يرى فتاه فى منتهى الجمال جمال ايه دى قمر قمر؟ قمر مين ده ده القمر يتكسف من جمالها تعلقت عيناه بيها وهنا تدخل اغنيه صدفه قابلته ومن بين كل الناس علقنى.........قرر رجب ان يزور صديقه بعد الفرح لعرفه عليها لانها كانت صديقه زوجته


رجب عند صاحبه يشاهد فديو الفرح


رجب: بقولك ايه ياا حسام مين البنت اللى زى القمر دى ؟


حسام: دى بسنت صاحبه المدام


اثناء وجود رجب فى بيت حسا يرن جرس الباب


حسام: اتفضلى يابسنت عامله ايه مش كويسه


بسنت: الحمدلله انت عامل ايه؟


حسام : الحمد لله تعالى لحد ما مروه تخرج لينا اعرفك على صاحبى


حسام: رجب اعرفك على بسنت


رجب كان هيموت من المفاجاه


رجب : اهلا وسهلا اتشرفت بحضرتك


بسنت: وانا كمان


بعد كام ساعه من الضحك والهزار والتعرف يتبادلان ا ارقام الموبيلات


بعد كام يوم رجب اتصل ببسنت


رجب: الو بسنت معايا


بسنت: اه ازيك يارجب عامل ايه انا كنت مستنيه اتصالاك


رجب: بجد؟


بسنت : اه


رجب: طيب انا عايز اشوفك ممكن فى كلام كتير عايز اقوله ليكى


خلاصه الموضوع رجب حب الاخت بسنت(ده صوت اللى بيحكى الفيلم طبعا)


رجب وبسنت على الكورنيش وهنا تدخل اغنيه على الكورنيش اقابل حبيبى على الكورنيش.........


ااجلس رجب بسنت على الصور واعترف لها بحبه من اول نظره وهنا تدخل اغنيه هما مالهم بينا ياليل.............


يقرر رجب ان يتزوج من بسنت


يظهر رجب يجلس مع والده


رجب: بقولك ايه ياحج انا كنت عايز اتجوز


والده: واحنا فى ديكى الساعه يابنى المهم اختار صاحبت العقل والدين وانت تسعد وتتهنا


رجب: انا خلاص اختارت يابويا وعايزك تيجى انت وامى نروح لاهلها


والده: طيب انت واثق فيهم يابنى؟ ياعنى ناس كويسه وكده ولا ايه


رجب: هنروح ونشوف يابويا


يلبس رجب اللى على الحبل واخوته تتتطلق سراح وحيد القرن ويلبس ابوه الحته وامه كمان ميه ميه وفى طريقهم لاهل بسنت( مش لازم كل مره اقول ان ده صوت اللى بيحكى الفيلم)


حفاظا على وقت المستمع رجب واهله راحو ورجعوا من عند اهل بسنت نجبلكم فاصل اعلانى بقا حفاظا لوقتكم برضه


اتصل على 0900 واحصل على العروسه والعيال هديه


تنويه عن برنامج الغيط غيطك الساعه يدوبك تلحق اوعا يفتكم


رجعنا وصلنا لحد مارجب راح ورجع بسرعه هو واهله


يظهر رجب مره اخرى هو ووالده


والده: بص يارجب المثل بيقول ايه اللى مالوش كبير يشتريله كبير يابنى صح ولا غلط


رجب : صح يا بوى وانت كبيرنا كلنا


والده: والمثل ياولدى بيقول ان كبر ابنك خاويه صح ولا غلط


رجب: صح يابوى انت عمرك ما تقول كلام غلط وكلامك يشمى على الكل


والده: بص يا بنى اسعمنى كصحبك مش ابوك اللى بيكلمك دلوقتى


رجب: قول يابوى قلقتنى خير


والده: بص يارجب الناس دول يابنى ولا احنا من توبهم ولا هما من توبنا ولا عمرهم هيعيشوا عيشتك يابنى ولو عملت ايه انا بقول يابنى الجوازه دى بلاش منها


رجب: لا يابوى ماقدريش انا بحب بسنت ومش هقدر ابعد عنها


والده: يابنى انا عملت اللى عليا علشان اخلص بزمتى وقولت الكلام اللى فى نفسى وانت بقا براحتك بس افتكر انى قولتلك دول مش من طنيتنا يابنى ويالا ااقولك ايه اللى بيشيل قربه مخرومه بتخر عليه


رجب: معلش يابوى الا بسنت


دلوقتى رجب بيستعد للفرح نزل هو والمحروسه بسنت يشترى الشبكه ورجعت بسنت ليتها ورجب وهو مروح قابل واحد صاحبه كان مسافر

رجب: عمرو لالالا مش ممكن ايه الصدفه الجميله دى

عمرو: لالالالالالالالالا مش ممكن رجب وحشنى ياراجل فينك من زمان

رجب: فينى ده موضوع طويل المهم انت ظهرت فى الوقت المناسب انا فرحى بعد خمس ايام لازم تيجى

عمرو: لالالا ياراجل ماتقوليش كده معقول يارجب هتتجوز وتدخل دنيا وزنزانه

معقول هتقول سلام لايام العزوبيه لالالالالالا انا مش مصدق

رجب: بقولك فرحى بعد خمس ايام لازم تيجى لو ماجتيش هزعل منك جامد

عمرو: خمس ايام مشكله دى يارجب ده انا مسافر قبلها بيومين

رجب: يعنى مش ينفع تاجل السفر

عمرو: لاوالله مش هقدر انت عارف الشغل وكده بس ياعم ملحوقه انا هجيلك قبل ما اسافر البيت قولت ايه؟

رجب: خلاص ياعم هستناك

بصوا بقا علشان وقتكم الثمين عمرو راح دلوقتى عند رجب فى البيت ماشى ركزوا هنروح فاصل ونرجع

المفتيش كرومبو مين السبب فى انتشار ظاهره الماس الكهربائى هل هو ماسى ملموس ولا مممسوس سلوكى

ولا ضارب سلكى اللى يعرف يتصل على 0900 كان معاكم بوم سحس بوم

جينا

فاكرين احنا وقفنا لحد ما عمرو راح عند رجب فى بيتهم

عمرو: ولا هتدخل القفص يارجب وهتوحشنا ايامك ولياليك يابرنس الليالى

رجب: اديك شايف ياعم الراجل مننا برضه مالوش غير بيته ودنيااااه فانيه ويالا حسن الختام

عمرو: بس مين دى ياعم اللى خطفت فلب رجب

رجب: بسنت روح قلبى صورتها اهى

الواد عمرو شاف الصوره واتسمر مكانه ووشه ضرب الوان واتخض ومش عارف يتكلم قال لرجب بصوت متقطع

عمرو: رجب متاكد انها دى اللى عايز تتجوزها؟

رجب: هههههههه ايوه ياعم مالك بقولك فرحى بعد يومين امال انت هنا ليه اصلا مش علشان تباركلى

عمرو: بص يارجب من الاخر كده وبدون لف ولا دوران بلاش البنت دى

رجب: ههههههههههههههههههههه انت اكيد بتستعبط ايه ياعم مستكتر فيا جمالها ولا ايه؟

عمرو: تغور بجمالها ياعم بس يارجب وبدون نقاش بلاش البنت دى انت صاحبى ياعم وانا مش مضحى بيك

رجب: انت بتتكلم جد؟

عمرو: امال بهزر ايوه طبعا البنت دى لا

رجب : طيب فهمنى ليه دى لا

عمرو:بص يارجب من الاخر البنت دى كانت متجوزه عرفى وبعدين مش مع نص شباب البلد ومتقوليش ازاى ربك ستار حليم

رجب زى المجنون مش عارف يعمل ايه يضحك ولا بيكى

قاله انا مش مصدقك

عمرو: طيب ياعم ايه رايك اتصلك بيها واكلمها قدامك

رجب: ماشى

دلوقتى عمرو بيتصل ببسنت من موبيله هو

رجب : كمان معاك رقم موبيلها

عمرو: اصبر بس ياريت على رقم بس

عمرو: الو ووووووووو بسنت

بسنت: اه مين

عمرو: انا عمرو مش فاكرانى

بسنت: عمرو مين بالظبط العمرورات كتير

عمرو : انا عمرو بتاع الدسوقى

بسنت: اااااااااااااااااااه ازيك ياعموره وحشنى

هنا بقا يمسك رجب الموبيل

رجب: الحمد لله اللى كشفلى حقيقتك على اخر لاحظه

وهنا تنزل اغنيه رجب حوش صاحبك عنى

رجب يقعد بيكى مثل الاطفال حتى تصاب عينه وقرنيته بمرض خطير ثم تجرى له عمليه ليزك

وبعد مرور عام من الحدث يجلس رجب يستمع الى اغنيه عيد ميلاد جرحى انااااااااااا ويطفى الشمعه ويقوم ينام

يتقدم رجب لخطبه اكتر من فتاه ولكن لم يوفقك مازال شى فى صدره

وهنا تنزل اغنيه ذكريااااااااااااااات كداااااااااااااااااااااااااابه

خلاص ياجماعه خلص الفيلم قوموا ناموا

وهنا ينزل تتر النهايه على صوت امال ماهر ياعينى عليكى ياطيبه


هناك 9 تعليقات:

  1. ما شاء الله البوست طويل اوى انا مقدرتش اكمل قراية بصراحة وقفت فى وسط الطريق

    بس واضح انه موضوع رائع يافندم

    دومتم بخير

    ردحذف
  2. ههههههههههههههههههههههه
    اهلا وسهلا بيكى ياهبه
    وان شاء الله البوست الجاى هيكون قصير علشان تكملى قرايته للاخر
    وشكرا على مرورك
    نورتينى

    والسلام ختام

    ردحذف
  3. التدوينة ظريفة يا دايموند ، واضح تأثرك بالأغاني بشدة ، وتأثرك بميلودي أفلام أيضاً ، فاصلان إعلانيان في تدوينة واحدة. هههههههههههههه
    بالتوفيق دائماً.

    http://lyssandra-lyssandra.blogspot.com
    أحببت أن أطلعك على هذه المدونة ، فستعجبك كثيراً وأظنك مثلي ستصبحين من روادها.

    ردحذف
  4. دكتور هيثم
    لو قولت لحضرتك انى مش بسمع اغانى اصلا يمكن مش تصدقنى بس تقدر تقول البركه فى التوك توك بارادتك او بدونها سوف تسمع .

    بالنسبه لمدونه ليساندرا اقل ما توصف به انها تحفه ادبيه

    وربنا يسامحها لانها فكرتنى بزميله عزيزه تشبه قصتها ونفس الوفاه اسال لها الرحمه والجنه ان شاء الله

    بشكر حضرتك على الهديه الجميله دى مدونه ليساندرا

    والسلام ختام

    ردحذف
  5. غير معرف26/2/09 16:43

    فيلم جامد اخر حاجه والله .بس احلى حاجه الفاصل الاعلانى. بس عندى سؤال لامؤاخذه يعنى هو الولا رجب عمل عمليه الليزك فييييييييييين وعند مين؟

    (هوبه)

    ردحذف
  6. غير معرف26/2/09 16:45

    والله فيلم حلو بس احسن حاجه انه ساب بسنت دا انا لقيت رقمها مع اخويا دى طلعت بت مش كويسه خالص بس انا بنصحه انه بنساها ويغير اسمه (لدياسطى)ههههههه


    (منه الله)

    ردحذف
  7. الاختين الجميلتنين هوبه ومنون
    منورينى دايما

    ردحذف
  8. هوبه

    تقريبا رجب عمل العمليه فى المغربى وعملهاله دكتور احمد صلاح او مش فاكره اسمه بالظبط اخصائى رمد فى جامعه اسيوط وبيكتب فى الاهرام

    هههههههههههههههههههههههههههههههه
    شكرا ياهوبه على اهتمامك بصحه رجب

    والسلام ختام

    ردحذف
  9. منه

    رجب اكيد هيفكر فى حكايه تغير اسمه دى بس تقريبا مش هيعملها لان هيفاء غنتله ودياسطتى لسه محدش معبره

    ويا منه قولى لاسلام يسيبه من بسنت ويركز فى غيرها
    هههههههههههههههههههههه
    والسلام ختام

    ردحذف

قول اللى فى نفسك وعبر عن نفسك