2009/02/08

تاااااااااااج

شكرا يا دكتوره على التاج حسستينى انه دين عليكى بتوفيه اول مايجيلك تاج لازم توزعيه على الحبايب
واليكى ردودى يا دكتوره
بدأتِ التدوين إمتى؟؟ ودخلتِ العالم ده إزاي؟؟
نا بدات التدوين من سنه بالظبط شهر يناير اللى فات كملت سنه بالتمام والكمال بس انا مكنتيش بكتب فى مدونه خاصه ليا كنت مقضياها تنطيط لحد ماعملت مدونه خاصه ليا فى شهر مايو تقريبا بس بينى وبينك انا بحب اقرا للناس اكتر منى اكتب وبالاخص لغاده عبد العال وجمعاوى وفكك منى وناس كتير.
السؤال التانيإيه كان إنطباعك ف البداية؟؟
هههههههههههههه حلو السؤال ده طبعا كنت فرحانه على الاخر عامله نفسى حنان الجوهرى او حسن شاه بجد احساس رائع انك تطلعى اللى جواكى انا بحب اكتب كل حاجه بحس بيها حتى لو محدش قراها او ادانى رايه بس ساعات بتحسى انك عايزه تقولى اللى جواكى لحد فمش بتلاقى قدامك غير مدونتك تطلعى فيها اللى جواكى ولا ايه رايك؟
السؤال الثالث: مين أكتر حد بتحب تعليقه عـ البوست الجديد؟؟
بصى انا فى ناس بتبعتلى الردود على الميل اللى هما اصحابى فيه واحد اسمه دكتور طيف من اليمن بحب اراه جدا وكان فيه ناس تانى برضه بس مش عارفه هما فين حاليا انتى طبعا وعندى دلوقتى ضفين عزيزين هما سقراط ودكتور هيثم مكارم طبعا يهمونى رايهم جدا واكيد بستفاد منهم وربنا يزيد ويبارك
السؤال الرابع: إيه أهــــم حاجة إتعلمتها في عالم التدوين؟؟
بصى انا يمكن فى التدوين ده بستفاد اكتر منى افيد حد لانى زى ماقولتلك بحب اقرا اكتر طبعا استفد فى الادب كتير وعلى المستوى الفكرى والثقافى اكتر بس على المستوى الشخصى اتعلمت الصبر
ازاى اصبر لحد ما اخلص اللى بكتبه لانى مش بحب قعدت النت كتير فتقدرى تقولى اتعلمت الصبر
هههههههه
السؤال الخامس: إيه أكتر حاجة كرهتها؟؟
كرهت كونك تكون تافه او مش عندك راى او هدف لانى لما كنت بدخل على مدونات الناس بحس بيهم فعلا عندهم فكر واحلام واهداف ولما اطلع بره للعالم المحيط احسن ان الناس عندها لا مبالاه فكرت الاحساس ده وخفت ان الناس تكون بتكتب غير اللى بتحس بيه والله اعلم
السؤال السادس: حاسس إن التدوين ليه تأثير؟
يا قاسى يا راجوووووووووووووووو هو ده تاثير التدوين
السؤال السابع: تهدي التاج لمين؟؟
اولا قبل ما اهديه لحد اشكرك وبعدين من حفر حفره لاخيه وقع فيها ليكى عندى تاج بس شديد شويه
وبعدين اهديه لدكتور جمعاوى
ولضيوفى دكتور هيثم مكارم وكمان سقراط
والف شكر مره تانى

هناك 5 تعليقات:

  1. شكراً لك دايموند إهدائي التاج ، ولكن نفس الموضوع تطرقت إليه في تدوينة على مدونتي بعنوان "تجربتي مع التدوين"

    شكراً جزيلاً

    ردحذف
  2. لا شكر على واجب يا دكتور ده تاج مش اكتر
    وعلى العموم ان شاء الله هشوفه

    ردحذف
  3. السلام عليكم
    -------------------------
    ماعملت مدونه خاصه ليا فى شهر مايو تقريبا بس بينى وبينك انا بحب اقرا للناس اكتر منى اكتب وبالاخص لغاده عبد العال وجمعاوى وفكك منى وناس كتير

    ----------------------------

    يا نهار ابيض انا والله مكسوف جدااااااااا جدا من الكلام اللى انا مش أده ده
    بجد والله متشكر لحضرتك جداااا وانا والله على أدى خالص وحضرتك والله بتنورينى دايما وانا اللى مقصر ومش فى حق حضرتك بس فى حق ناس كتيييييير كده بقى هتخلينى أراجع نفسى

    ----------------
    اولا قبل ما اهديه لحد اشكرك وبعدين من حفر حفره لاخيه وقع فيها ليكى عندى تاج بس شديد شويه
    وبعدين اهديه لدكتور جمعاوى
    --------------------------

    هههههههههههههههههههههههههه

    مش تقولى بقى حضرتك انك جايبانى هنا تدبسينى

    متشكر ليكى جداااااا على الاهداء

    وان شاء الله قريبا ترينه على البلوج بس مش قريبا اوى يعنى

    انا تحت امر حضرتك

    دمتى بكل خير

    ويلا سلام

    ردحذف
  4. هههههههههههههههههههههههههه
    حضرتك داخل بقلب جامد ومش واخد بالك ان فيه مطب اخر الشارع
    يالا يا دكتور معليش كلنا لهااااااااااا
    وانا منتظره اشوف ردودك الجميله
    والف شكر
    والسلام ختام

    ردحذف
  5. شكرا يا جميل ع الاجابة :)
    أنا أسفة انى اتأخرت فى الرد

    ردحذف

قول اللى فى نفسك وعبر عن نفسك