2011/01/07

رقى تعليمى



سلام عليكم

من كام سنه كده اتمنت امنيه كده بس للاسف علشان احققها قالولى الوقت فات لازم يكون سنى اصغر من كده علشان احققها
الامنيه دى كانت انى اتعلم اليوسى ماس وايما انى كبرت خلاص وخلصت تعليم فا مش هينفع قعدت طول الوقت ابص للعيال وهما رايحين المعهد يتعلما واحقد عليهم واقول اه لو اعمل زى سعاد حسنى فى صغيره على الحب وادخل معاهم لو نص ساعه بس مشعلشان اغنى ولكن علشان اتعلم يوسى ماس ولكن هيهات هيهات

مع انشغال الواحد فى الدنيا نسى الامنيه دى الى ان وقع فى يدى هذا الكتاب (كيدوزانيا ) حلم الرقى فى التعليم باساليب حقيقيه مش كلام على ورق ولكن واقع ملموس
افتكرت العيال بتوع اليوسى ماس وقولت دول ولا حاجه جنب دول فوجهت كل احاسيس الحقد والحسد للجماعه دول

الكتاب اكثر من رائع اقل ما يوصف به انه تحفه ياثر القلب والعقل فى وقت واحد ويخليك تلعن اليوم اللى اتولدت فيه ودخلت مدارس مصريه وانك اتعلمت بالطريقه دى وتحلم كل يوم لو ترجع عمر لوراء وتروح البلد دى علشان تتعلم بالطريقه دى

كان نفسى افرجكم على غلاف الكتاب بس للاسف مش لقيت على النت بس الاغرب انى لقيت الفديو ده اتارى احمد الشقيرى راح البلد دى واتفرج عليها
يا بختك ي شقيرى
اتفرجوا واحقدوا معايا بقلب جامد ولا بلاش الحقد كفايه نتمنا ان يكون عندنا زيهم مش تعليم مبنى على الطلاسم

هناك 4 تعليقات:

  1. السلام عليكم
    هو التعليم مالوش سن ولا حد
    اطلبوا العلم من المهد الى اللحد
    فى ناس بتسعى عشان كدا بتوصل
    وناس بتستنى لحد ما يتمن عليها
    للأسف احنا بنستنى
    لازم ناخد خطوة
    طرح مميز

    ردحذف
  2. (كيدوزانيا ).. هلال اكتمل

    حلم طفولى تحول الى واقع

    ..
    تحياتى

    ردحذف
  3. ونغيب ونغيب ونرجع تانى بحاجه حلوه

    كويس كده انطمنا وده المطلوب

    الله يسعدك يا ستى


    اذن ومن موقعى هذا ومن ايمانى الشديد بصواب رايك يبقى الكتاب ده فى التوب لست بتاع معرض الكتاب

    احييكى

    انا بقى جيبت كتاب القراءه السريعه لتونى بوزان

    كتاب فوق الوصف

    لسه مخلصتوش

    وكتاب الف باء ليبراليه

    واعمال دستويفسكى

    واخيرا

    اعمل اقل تنجح اكثر

    وشكرا

    note

    thanx for writing again

    don't leave yur blog all this time again

    bye bye

    ردحذف
  4. هو سؤال صغير أيه هو اليوسى؟؟..أوعى يكون ده اللى بيحسبوا فى أرقام كبيرة اوى و هما صغيرين اوى..عشان لما سمعت كده اتعقدت..لنى طبعا فى لحساب..مش اد كده..المهم..أحلى حاجة فى الموضوع حاسيت إنك بتحكى على حاجة جديدة...إكتشاف..يمكن ده إحساسنا لكل حاجات بره..بس ليه مقتصتييش من الكتاب أو حكيت شوية اكتر عليه؟

    ردحذف

قول اللى فى نفسك وعبر عن نفسك