2010/11/24

قدر رب وانين قلب



ماشى فى نور الله ماشى ..... ماشى فى نور الله ماشى




بدعى وأقول يا رب


إبقالى حصن وجاه ..... وزدنى فى حبك حب


وبركلى فى عيالى ..... وفى صحتى ومالى




وفى كل أعمالى أسعى لما ترضاه




منك يارب الهدى ..... والمعصية منى



ماشى فى نور الله ماشى ..... ماشى فى نور الله ماشى




بدعى وأقول يا رب




ولاليه عنك غنا ..... وأنت فى غنا عنى


نورك لروحى دليل ..... والحب ليه سبيل



ولاعمر شمسه تميل اللى قصد مولاه



ماشى فى نور الله ماشى ..... ماشى فى نور الله ماشى


بدعى وأقول يا رب



أستغفرك وأتوب ..... عن كل عصيانى




ياما غفرت زنوب ..... يارب ترعانى


فى رحمتك غايه ..... ومحبه وهدايه


وفى كل شئ أيه ..... بتقول تعالى الله


ماشى فى نور الله ماشى ..... ماشى فى نور الله ماشى




بدعى وأقول يا رب





كنت ماشى فى حالى وبدعى وبقول يارب ومره واحده لقيت نفسى فى مأزق وانى لازم اتخذ قرار والقرار ده مصيرى يعنى حياه
مش قرار رحله اطلعها يوم وارجع واروح ولا لا

اعمل ايه اعمل ايه اطلع ادرس الاول اشوف ازاى اخد قرار ولا اعمل ايه بس


ايوووه صح هى الخطه لازم احط خطه واحط حلول بديله واشوف ايه الموارد المتاحه عندى ما انا اصلى مش عندى الكوره السحريه اللى هاعمل بيها زى الراجل ده



بدات افكر اصعب حاجه وانت بتفكر انك تحاول تنحاز لحاجه على حساب حاجه يعنى لو هتفكر بقلبك هتخسر ولا فكرت بعقلك بس برضه هتخسر طيب هتعمل ايه لازم توازن بين الاتنين


طيب ولو ماعرفتيش برضه هتتعب


بص ياعم انت من الاخر كون تاخد قرار فى حياتك ده تعب





حطيت ايدى على خدى وقولت لنفسى نفضى ما هو كل حاجه مكتوبه من قبل ما تتولدى ورفعت الاقلام وجفت الصحف يعنى هتتنططى هتعملى قرد او حتى غوريله غير رزقك ما هتاخدى وارجع افكر تانى طيب ما ربنا قال ادعونى استجب لكم وسبحان من امره بين الكاف والنون اذا اراد شىء قال له كن فيكون ( معادله صعبه تلك التى بين الدعاء وبين القدر )

ولا انا هاعمل زى الراجل اللى كل يوم يدعى ويقول يارب افوز باليانصيب يارب افوز باليانصيب يارب يارب وكل يوم يدعى وهو اصلا مش مشترى يانصيب علشان يفوز فيها وفى الاخر يقول ليه يارب

هو انا خدت بالاسباب الاول ما ممكن الحاجه دى تكونى رزقى بس انا اسعى ليها واخد بالاسباب واسعى يا عبد وانا اسعى معاك

مشكلتنا اننا بنتمسك بالايمان الظاهرى وللاسف ربك رب قلوب

حطيت الخطه واعددت العده وشفت الموارد المتاحه عندى ومقارنتها بالنتائج المتوقعه وخلاص حطيت الحل اللى ممكن يكون صح وممكن يكون غلط

ولكن المسلمات والثوابت اثرت على الحل فكانت النتائج غير محموده بالمره

هنا رجعت وعدلت عن فكرى وقولت لنفسى علشان نغير المستحيل لازم نغير المناخ المحيط بيه

مش فاهمه

افهمك يا امانى فاكره مشهد فى فيلم anna &the king

anna علشان توصل للتلميذ فكره ان المستحيل ممكن يتغير لو غيرنا المناخ اللى حوليه عملت تجربه جابت بيضه مسلوقه وحبت تدخلها فى زجاجه فتحتها صغيره خالص مدخلتيش طبعا بس تانى مره دخلت عود كبريت او شمعه فى الزجاجه غيرت المناخ والبيئه فقدرت البيضه تشق طريقها لبطن الزجاجه بسلام

انتى مش هتغير المناخ مش هتغيرى عقول الناس مش تغيرى طريقه تفكيرهم فلاسف يوسفنى اقولك قرارك من الاول كان مبنى على موارد نقصه لم اخذ فى الحسبان كل حاجه متاحهكان لازم ترجعى بخفى حنين

لالالا انا مش رجعت بخفى حنين

انا عملت زى السياسى اللى طلع فى مظاهره يدافع عن مبدا هو مؤمن بيه بس لا الناس سمعت ولا هو حقق حاجه بس يا دوب صوته راح

بس انا من الاول كنت صح ومش زعلانه على حاجه دفعت عنها اهم حاجه انى قولت اللى جوايه كان ممكن ازعل لو انا فعلا حطيت ايدى على خدى واستنيت المحفظه بتاعتى تتملى فلوس وانا قاعده مش بشتغل اخد بالاسباب بس لازم تقتنعى بحاجه انه مفيش مستحيل بس فيه قضاء وقدر الانسان عمل المستحيل قدر يروض الوحوش اما الديناصورات اللى انتى بتشوفيها باعجاب لانها كبيره فى حجمها ما قدرتيش تتكيف مع المناخ ولا قدرت تحمى نفسها حتى وانقرضت



علشان كده انا مقتنعه وراضيه باللى حصل قولت راى ولكن كلمه الله هى العليا فقدر الله وما شاء فعل

قرارى كان صائب او خائب لم يغير شىء يكفينى شرف اتخاذ القرار ويكفينى اننى عندما وضعت فى هذا الموقف تصرفت بايجابيه واستخرت وشاورت

وكما قال ابن تيميه ما ندم من استخار الخالق ، وشاور المخلوقين ، وثبت في أمره .

فقد استخرتك ياربى ودعوتك ورجوتك وتوسلت اليك ان تعطينى حاجتى ولكن هذا قضاؤك فانت تقضى بالحق ولا يقضاء عليك فخفت ان اكون كما قال رسول الله (من سعادة ابن آدم استخارته الله تعالى ، ومن سعادة ابن آدم رضاه بما قضاه الله ، ومن شقوة ابن آدم تركه استخارة الله عز وجل ، ومن شقوة ابن آدم سخطه بما قضى الله ) فخفت سخطك يارب فاجبرت نفسى على الرضا

ولله فى خلقه شئون



قصه حب على الماشى :

كانت تعيش فى سلام نفسى وكانت تشعر لوقت قريب انها بلا قلب لان عقلها فقط هو الذى يعمل الى ان تقدم لخطبتها شاب تعرفه وتكن له احترام ولكن لم يسبق لهما ان تحدثا من قبل هذا الشاب على خلق ودين وذو ملائه ماليه يعنى من الاخر ربنا فاتح عليه من وسع ولكن اقل منها بكثير فى المستوى التعليمى والمستوى الاجتماعى

هى لم تنظر الى هذا كله ولكن نظرت فقط الى دينه وقالت بدال بيتقى ربنا وبيراعى ربنا حتى لو هاتشحت بيه هى موافقه ولم تحسب حسابا لمستواه التعليمى او الاجتماعى

هو اقل ما يوصف به انه متيم بها واحسن التصرف وراعى الله ودخل البيت من بابه ولم يتصرف مثل باقى الشباب فى سنه ويحاول ان يتسلى او يتلاعب بها بعد ان عرف موقفها منه فهى ايضا ترحب به وبشده

ولكن تاتى الرياح بما لا تشتهى السفن قوبل طلبه بالرفض لم يياس وحاول مره اخرى ولكن مازال الرفض هو جواب طلبه مازل يدق الابواب ولكن هيهات هيهات

قدر الله وما شاءفعل حال المستوى التعليمى والمستوى الاجتماعى بين قلبيهما استطاع ان يشترى كل شىء بامواله ولم يستطيع ان يشترى رضا وقبول اهل فتاته
تمت

هناك 6 تعليقات:

  1. كنت دائما اسال نفسى لماذا تخفق قلوبنا دائما مع رسائل المحبين المعذبين ولماذا تخفق قلوبنا معهم وهم يتحدثون عن معانتهم حتى اذا وصلوا الى لحظه السعاده والتنوير الذى يتبدد فى الظلام ويجتمع فيه الشمل وجدنا اعيننا تندى بالدموع مشاركه معهم فى افراحهم كان دائما ما يوجد ما يثير الاحزان حتى ولو فى لحظات السعاده

    اجمل ما فى هذا البوست هو التجربه الصادقه والاجمل هو اصرارى على فكره ان الانسان قادر دائما على ان يحقق لنفسه بعض ما يصبو اليه بالكفاح والارداه والصبر فلقد استطاع الانسان ان يتغلب على كوارث الطبيعه ويروض الوحوش ويستانس الجوارح بقدرته على التكيف والكفاح والصبر على الابتلاءات فى حين عجز الديناصور الذى تفوق قوته قوه الانسان عشرات المرات عن ان يغالب ظروفه ويتكيف معها فانقرص واندثر وبقا الانسان كل يوم ينسج قصص حبه وكفاحه ويبنى اعشاشه كل يوم الى ابد الابدين ان شاء الله

    ردى متاثرا ببعض كلمات عبدالوهاب مطاوع رحمه الله

    ردحذف
  2. انا قريت البوست مقطع لظروف صحية
    بس هو فعلا واضح ان المود واحد
    اوعدك افوق بس واجى اقراه حرف حرف

    ردحذف
  3. سلامتك يا فولتا خير برد ولا ايه
    ابعتلك كيلو برتقان ؟؟

    الف سلامه

    ردحذف
  4. والله مش عارف ايه كنه المرد
    بس هو دوار مستمر وخسيت بتاع خمسة كيلو ونفسى غمة عليا باستمرار

    يظهر انو والله اعلم حمل وانا مش واخد بالى

    ههههههه

    ردحذف
  5. عارفة العلاقة بينا وبين ربنا عاملة زى ايه
    ولله المثل الاعلى طبعا
    زى الجنين فى بطن امه بيها عن طريق الحبل السرى والاكل بيوصل عن طريقه وله اتقطع الطفل يموت
    احنا بقى بينا وبين ربنا العبادة اللى هى بمثابة الحبل السرى لو انقطعت العبادة انقطع المدد من ربنا
    والدعاء شىء اساسى بتقوم عليه العبادة لانها بترسخ الصلة بينك وبينه هتقولى ربنا قال (رفعت الاقلام وجفت الصحف )سؤال ولله المثل الاعلى
    لورئيس الجمهورية نزل قرار ماينفعش يغيره
    طب ربنا بقى وده بس يعتمد على قوة الصلة والدليل على ده دعوة المظلوم
    الاشكالية ان الدعاء مننا بيدخل ضمن الكتاب بتاعنا والتغيرات اللى حصلت مكتوبة
    ياريت اكون اوفيت
    مصرى

    ردحذف
  6. استاذ محمد اولا حمدلله على سلامتك مدونتى منوره بحضرتك

    ثانيا طبعا الله غالب على امره ولكن اكثر الناس لا يعلمون اكيد لو ربنا رايد بحاجه غير قرار ريئس الجمهوريه فاكيد الله عايزه ربنا هيكون

    انا كنت اقصد ان الواحد اوقات كتير بيكسل عن الاخذ بالاسباب بحجه ان قدرك ونصيبك مكتوب من اجل الاجلين

    بس زى ما قولت بين قوسين معادله صعبه جدا اللى بين الدعاء وبين القضاءوالقدر
    فهل الدعاءيغير القدر ؟

    ردحذف

قول اللى فى نفسك وعبر عن نفسك