يا ورد ريحك ماوردى
ريح الحبايب يا عدى
انا اللى تضحك عنيا
يا ورد ساعه ما اصبح
والظل جاى مروح
نسيمك اللى تمرجح
ولا ضفاير بنيه
يا ورد يا معجبانى
لطيف وغاوى الاغانى
عشان تساير حنانى
تفضل تقول ميه ميه
يا ابو خليل اروى تانى
ما خلصنا من تانى ريه
يا ورد كلك بشاشه
انت اللى تروى العطاشى
والنحله ويا الفراشه
ورجلى رايحه وجايه
يا ورد خلينى خمسه
اشوف كمان قبل ما انسا
واخدم ريحان المؤانس
اخو الحبق والفليه
يا ورد مش ناسى لكن
سهيت على فرع لادن
خلانى على الارض راكن
طوانى فى الجو طيه
يا ورد فاكر جمايلك
فى عينى وفى قلبى شايلك
بس انت عاوز احيلك
دنك تنادى على
من كتر حاضر وجايلك
صبحت اعرج شويه
يا ورد ريحك ماوردى
ريح الحبايب يا وعدى
الشوك مجرح ايدى
الشوك يجرح ايدى واقيد صوابعى شموع
وانا اللى تضحك عنيا بس لونها دموع
وحسى نادى وهادى وسندسى ومسموع
انا قلبت الدنيا فى البيت علشان اطلع كتاب فؤاد حداد علشان انزل جزء من القصيده دى
يارب تعجبكم
وكل سنه وانتم طيبين
.jpg)
الله الله الله
ردحذفوالله العظيم أنا أول ما قريتها قلت حدااااااااااااااااد
يسلم ذوقك بجد .. تحفة .. عجبتني جداً جداً جداً
:))))))))
تصميم المدونة جميل جداً .. وذوق تنسيقك للبوست روعة بجد .
فرحت إني مريت من هنا
ربنا يكرمك يا رب ويفرح قلبك زي ما فرحتني
تقبل مروري وتحياتي
:)
سلام
اول مرة ازورك
ردحذفو ان شاء الله مش اخر مرة
و الكلام زي الفل تحفة
تسلم ايدك
تقبل مروري
السلام عليكم ورحمة الله
ردحذفبروميس
أتمني أن تكوني في خير حال
السلام عليكم ورحمة الله