2010/03/28

yas im Sinister




كنت قاعده على المكتب عادى بشتغل وقاعد قدامى ولد صغير زى القمر يمكن كده فى تلاته ابتدائى ولا حاجه



وكل دقيقه والتانيه الولد ده يبص عليا باستغراب شديد وانا ملاحظه ده وساكته



لحد ما جاء والده وقاله:



بص يا بابا بتكتب بايدها التانيه !



انا طبعا بصيت للولد وبتسمت وسكت



باباه قاله عادى يا بابا فى ناس كتير كده زيها !






يطلب منى مديرى فى الشغل ان امضى امامه على استلام اوراق تبع العمل وانا لسه همسك القلم وهاكتب اسمى



وحسيت انى هارتكب جريمه الاقى المدير باعلى صوته يقول :



ايه ده هو انتى بتكتبى بايديكى الشمال !!!






يا جماعه هو فيه ايه هو انا مش طبيعيه للدرجه دى وليه الكل محسسنى انها عاها مستديمه



مش كفايه المعاناه اللى بعنيها بس ايدى الشمال دى










وانا فى المدرسه



اجلس فى النص بين زملتين



الاولى : شيلى ايديك يا شيخه غلطتينى خلينى اعرف اكتب



التانيه : يوووووه مش عارفه اكتب منك اقعدى من بره واكتبى براحتك






وانا باكل



يا بابا حرام عليكى كلى بايديكى اليمين ما سمعتيش حديث الرسول عليه افضل الصلاه والسلام ( سم الله وكل بيمنك وكل مما يليك )



وتحت مضض وغصب عنى اضر اكل بايدى اليمين


خدك عندك بقا



لو باكل رز مش عارفه امسك المعلقه وبتدخل بقى بالمقلوب



لو باكل حاجه بالشوكه امدك يارب عرفت ادخل حاجه بقى بالمعدول لان الشوكه مقلوبه اصلا



لو نسيت ومديت ايدى الشمال وباكل مع بابا اضر انى ارجعها تانى واكل بمعاناه واول ما يقوم اكل بقا براحتى غير القناه هاتى ايدك الشمال



اجارك الله لو معزومه بره مستحيل اكل رز او اى حاجه فيها معلقه علشان مش ابين العاهها اللى عندى






وانا فى المطبخ



انتى مش بتعملى حاجه ابدا بايدك اليمين تقليب الاكل بالشمال تقطيع البصل بالشمال غسيل الاطباق بالشمال هى ايدك اليمين فين؟؟؟






يا جماعه انا كده ومش باردتى انا غصب عنى ودى حاجه تميزنى مش تنقص من وزنى ابدا ليه بقا تعالوا اقولكم






ربما أنت أو أحد الأشخاص يستخدم يده اليسرى أكثر من اليمنى وخصوصا أثناء الكتابة ......انه الأعسر كما يطلق عليه .



...الأعسر هو الذي يكتب بيده اليسرى أثبت العلم أن تركيبته البيولوجية جعلت من الشخص العسراوي بارع اًفي الرياضيات وكافة أنواع الرياضة البدنية التي تتطلب مجهوداً عالياً



.....التقارير تقول أن 60 % من الأطفال العسر يبرعون في المواد التي تتطلب جهداً ذهنياً وجسمانياً وكان الأهل والمربون فيما مضى يربطون يد الطفل الأعسر خلف ظهره ليجبرونه على استخدام اليد اليمنى ... مما يتسبب في معاناته وعناده وكرهه لما يفعل ...هذه طبيعة وتركيبة بيولوجية خلقه الله عليها ..و لا ضرر أبداً عليه منها بل على العكس فإنها سوف تكون مستقبلا مدعاة لنبوغه في عدة مواد دراسية تحتاج ذهناً متقداً وذكاءً عالياً ..



.الشخص الذي يستخدم يده اليسرى هو عادة ما يتحكم به الفص الأيمن من الدماغ إن دماغ الإنسان ينقسم إلى كرتين منفصلتين - يربط بينهما جسر عصبي ضخم.. وكل نصف يهتم بوظائف ومواهب معينة وغالباً ما يسيطر أحدهما على تصرفات الإنسان. ويمكن بسهولة تحديد "النصف المسيطر" بتحديد اليد الأكثر استخداماً فإن كنت من مستعملي اليد اليسرى فهذه إشارة إلى إن دماغك الأيمن (المعاكس) هو النصف المسيطر في رأسك.وان كنت من مستعملي اليد اليمنى (مثل أكثر الناس) فهذه إشارة إلى سيطرة النصف الأيسر على تصرفاتك.ومن المعروف أن نصف الدماغ (الأيسر) يتحكم بالعمليات المنطقية والتحليلية كتعلم الرياضيات واللغة والمنطق ... في حين أن نصف الدماغ الأيمن يتحكم بالعمليات الوجدانية والتعبيرية كالفنون والآداب والموسيقى...وبناء على هذه التقسيمات (او التخصصات) يمكن القول أن النصف الأيسر هو النصف المسيطر لدى المهندسين ورجال الأعمال وعلماء الرياضيات.في حين أن النصف الأيمن هو الجانب المسيطر لدى الفنانين والشعراء والأدباءوحالياً يمكن التنبؤ بأن الطفل الأعسر سيكون أكثر تفوقاً في الخطابة والارتجال و تعلم اللغات.فرغم أن مركز اللغة يوجد في الجانب الأيسر إلا أن الطفل الأعسر يستعين (أيضا) بنصف الدماغ الأيمن لتطوير مهاراته اللغوية والتعبير عن أفكاره بشكل أفضل...ورغم أن مستعملي اليد اليسرى يشكلون أقلية في أي مجتمع (لا تتجاوز 10%) إلا أنهم يشكلون تقريباً 50% من عدد المشاهير والسياسيين (وهم غالباً الفئة الأكثر طلاقة في الحديث والخطابة)






كما احب اضيف ان اشهر الناس فى العالم كانوا اعسرين



مثل عمربن الخطاب نابليون بونابرت دافنشى توم كروز مين تانىكتيييييييييير



بس مش مهم ابدا انك تكون من اهل الشمال فى الدنيا



اهم حاجه انك تكون من اهل اليمين فى الاخره



ربنا يجعلنا جميعا من اهل اليمين






هناك 7 تعليقات:

  1. يااااااااااه مخبيه كل دا في قلبك وساكته هههههههه لا بجد انا مش شايفه ان دي فيها مشكله

    دا شيء لا ارادي انا اخدته في الاحياء ان مركز الكتابه بيبقي متبدل بس

    شيء عادي اوووووي يعني

    اول زياره لمدونتك وان شاء الله مش تكون الاخيره

    ردحذف
  2. براحتك

    كلي ادام اي حد بالشمال طالما مبتقدريش تتحكمي في اليمين اثناء الاكل

    ربنا هو اللي خلقك

    واللي بيعيب ايعيب الصنعه ام يعيب الصانع

    سيبك من البشر وخديها بضحكه

    واللي يقولك ايه ده انتي بتاكلي بالشمال قوليلي طب اتحداك او عرفت انت تاكل بيها

    يا استاذنا ده اوبشن نازلي انا وكام واحد مميزين بيه

    طب تعرف تكتب بالشمال وريني كده هتتلغبط

    اهو اللي خلقك بتعرف بايدك اليمين تاكل وتشرب وتستحمي باليمين

    خلقني بعكل كده بالشمال اعترض بقي علي ربنا لو تقدر هتكفر نفسك في منت

    متعترض ووريني كده

    هيقولك براحتك لا الله الا الله

    ويسلم ويبطل غتاته

    ردحذف
  3. يقال أن العصراء ينبض قلبها سريعا وأنها عادة حادة الطباع

    وأنا أتمني العكس

    بروميس

    ممكن تغيري ايدين يعني حطي اليمين بدال الشمال والعكس
    ههههههههه

    شفتي الموضوع بسيط

    ردحذف
  4. أسف

    عسراء بالسين مش بالصاد

    ردحذف
  5. بيدا على انى مسترخم تعليق هنا
    بس بقول مساء الخير يا برومس
    انتى عارفه
    لو فى الدراسه
    فى الاجازه
    هاجى اسلم عليكى

    ردحذف
  6. مممممممممممممممممممممم
    نقول ايه
    انا اينعم مش عارف بس مش ضرورى الاعسر يكون بيستخدم فصه الايمن
    وان كانت نظريه جديره بالتفكير
    بس انتى ايه عسراء
    هههههههههههههههههههه
    طب وربنا ده تميز
    كام واحد بيكتب وبياكل باليمين
    الالالالالالالالالالالالالالالالالالالاف
    اللاعب اللى بيلعب برجله الشمال
    بتلاقيه عمله نادر
    والانديه بيتهافتوا عليه

    مش حرام اعتقد انك تاكلى بالشمال طالما انتى مضطره
    اغلس حاجه فعلا الكتابه
    لازم تقعدى جنب الحيطه
    او فى التخته اللى فى النص على الطرف
    بس عارفه
    هى بس عنصر مفجاه واستغراب
    كل يوم مثلا
    بشوف الاف بياكلوا وبيكتبوا باليمين
    لما اشوف واحد شمال
    بستغربه جدا جدا
    اصلو مش كائن فضائى
    بس غريب
    تعرفى ليه
    لانى انا حاسس جدا بالعجز قدامه
    انا مش بعرف اكتب ولا اكل بالشمال
    ولو حاولت اتعلم اكتب
    ههبل
    ولو اكلت بيها
    هوقع
    زى اطفال الحضانه
    انا زيى زيك
    انا عاجز شمالى
    وانتى عاجزه يمينيه
    وبكدهخ احب اقولك
    مبروك عليكى انضمامك للمشاهير
    اسف سورى
    انضمام المشاهير ليكى
    تشرفنا يا استاذ شمالو

    ردحذف
  7. يا بنتي براحتك..حتى لو عاوزة تكتبي برجلك..محدش له حاجة عندك
    :)
    هي ليه الناس كلها بقت مضفرة في بعضيها وكل واحد ناطط في حاجة التاني أي كانت
    تحياتي

    ردحذف

قول اللى فى نفسك وعبر عن نفسك