2010/02/19

مولد سيدى البرادعى






أيها الناس اسمعوا ووعوا. انه من عاش مات، ومن مات فات وكل ما هو آت آت






ولكن اهو حقا ات ؟؟



احقا سوف يأتى البرادعى ويأتى معه الامل ؟ فقط الامل فى التغير ليس شىء اخر نتمناه الان



امل فى حياه راقيه امل فى ديمقراطيه نزيهه امل فى ان يبقى خير بلدنا لانفسنا فقط





كل منا الان لا يتمنى شيا الا التغير



وكيف لنا هنا ان نستقبل من يحمل معه حلم التغير



تبدا هنا مراسم الاحتفال بهذا المولد مختلفه فتسقط لافتات الترحيب لانه ليس لاعبا حقق فوزا حسب تعليمات الرئيس ( زى ما قال الريس منتخب مصر كويس )



ولا توجد لافتات تضامن لانها فقط حقر على شخص واحد وحزب واحد



ولانك فى مصر بلد الديمقراطيه كان من الطبيعى جدا بل ومن المتوقع ايضا ان تطالعك صحف اليوم بخبر استعدادات امنيه لمنع استقبال البرادعى بالمطار



ولانك ايضا فى مصر التى يسودبها مبدا ( انا اكسب انت تخسر ) فكان ايضا من الطبيعى ان تعلن جماعه الاخوان المسلمين عن عدم اشتراكها فى استقبال البرادعى



ولكنى كمصريه ليس الا استنكر هذا كله



الا يعطونه كل هؤلاء الفرصه كى يثبت نفسه معتمدين فى ذلك على وزنه وثقله الدولى الذى ربما يحدث تغيرا حقيقيا فى مصر ؟



الا يعطونه الفرصه كما اعطوها من قبل لمن طالب بعوده ارتداء الطربوش ومن طالب باشياء لا تضر ولاتنفع ؟



على الاقل حتى تكون المنافسه شريفه ويكون المنافس على وزن المنافس له وتكون حقا انتخابات حقيقيه وليست مسرحيه هزيله بلا جمهور



الا يعطوننا الفرصه حتى نستقبله استقبالا حافلا يليق بمكانته الدوليه وتقديرا لمجهوداته لرفع اسم مصر عاليا بين الدول



واطلاقا ليس خروجنا لاستقباله معناه تأييد ومبايعه له لحكم مصر كما سولت لكم انفسكم اطلاقا هذه لن تكون نيه الشعب المصرى



لاننا لم نر او نسمع بعد عن برنامجه الانتخابى ولم نقرا شىء عن افكاره وطموحاته واحلامه لهذه البلد



وكذلك لاننا كشعب لم نعلن بعد استعدادا للبرادعى رئيسا لنا ولكننا اصبحنا كالغريق الذى يتشبس بالحلم حلم التغير



ولكنكم برعونتكم وخوفكم افصحتم عما بداخلكم من مخاوف التى ربما تاتى ثمارها بالعكس عليكم



وتصبحوا انتم النادمين على ما فعلتم بانفسكم






على الهامش



لو حد سالنى انت رايك الشخصى ايه فى البرادعى ؟



هقول بصوا لشمبر النضاره وانتوا تعرفوا



واحد لابس شمبر دائرى مش مستطيل ولا مربع يعنى اكيد ليس له حدود فى التفكير وليس له حدود فى الاحلام



من الاخرانسان ليس له حدود لعله خير ان لم تلفق له احدى التهم التى ربما تكون بتستوى دلوقتى على نار هاديه



الله اعلم









هناك 8 تعليقات:

  1. بروميس

    موضوعك جميل رغم اني بمل السياسة من كتر سلبية الشعب المصري بس كل الله أقدر أقولهولك ان مصر فازت علي الجزائر في اليد وابن السيد الرئيس كان هناك

    تنتظري ايه من ملايين يجمعها ماتش كورة وعمرها ما تدور علي سعر رغيف العيش

    يا ستي العيب مش في الحكومات العيب في البني ادم اللي مش عارف يغير حكومة وثبت بالتجربة العملية يا بروميس ان الشعب المصري لا يثور الا اذا استعمر خارجيا مع ان احيانا الاستعمار الداخلي بيكون اصعب بكتير

    اسف انا مش بحب اتكلم في السياسة مش خوف ولا من اي حد لكن السلبية المفرطة للشعب المصري خلتني والله حتي الجرايد مش بقراها

    المهم
    انتي عاملة ايه

    انا الأديب و لا تعرفنيش

    تقرالي لكن ما تشوفنيش

    كلامي لا هو مادهون ورنيش

    و لا المعاني عليها غبار

    شقع بقع يا ديل الفار

    ***

    يا شعب مصر يا خم النوم

    ما تفوق بقى و تشوف لك يوم

    الثورة قامت في الخرطوم

    و انت اللي نايم بالمندار

    شقع بقع يا ديل الفار

    ***

    يا شعب ثور داهية تسمك

    و شيل اصول اسباب همك

    عصابه

    بتمص في دمك

    و الاسم قال ضباط احرار

    شقع بقع يا ديل الفار

    ***

    اخدوا اليهود غزة و سينا

    و بكرة يبقوا وسطينا

    و الراديوهات بتغدينا

    خطب و نتعشى اشعار

    شقع بقع يا ديل الفار

    ***

    الشيخ امام قال كلمة حق

    و الست ثومة قالت لأ

    و ابو النجوم على ودنة اندق

    في المعتقل و الدنيا نهار

    شقع بقع يا ديل الفار


    أحمد فؤاد نجم

    ردحذف
  2. عرض اكثر من رائع للموضوع
    وخاصة قصة شنبر النضارة
    ده البرادعي ده والله صعبان علي
    ها نخلص منه الايام القادمة ذنوبه
    انتي عارفة
    شعب الفتايين بيشجع واحنا معاهم

    ردحذف
  3. لا توجد لافتات تضامن لانها فقط حقر على شخص واحد وحزب واحد

    ازى يعنى طب اى اللى فى ايديهم دا

    ردحذف
  4. زناتى المستكاوى جه وبيصبح عليكى


    ازيك يا برومس

    كيف الحال والمحتال

    انا مش مستغرب برضو من البلد دى

    حاجه غريبه قوى

    ليه يعملوا كده مع الراجل بس
    مش فاهم انا
    عشان هيرشح نفسه
    ما اللى هيكسب معروف
    قارفينا ليه
    وايه الخطر الامنى فى استقباله
    واحد صعيدى هيروجح يستقبله هيضربله قنبلتين نوويتين احتفالا بيه مثلا
    العالم دى بتصيع
    وانا معاكى
    اى حد بيلبس نضاره مدوره
    بيبقى شبه هارى بوتر
    هههههههههههههههههههههههههههههههههههههه
    ملوش فى الكفت يعنى
    وبعدين فينك بقى وفين نشاطك
    وفين قرش الكابتشييييييييييييينو

    ردحذف
  5. بعد فتره زهق وابتعاد

    رجعت لقيت موضوعك بيناقش حاجه حلوه

    بس انا حاسس اننا عاملين اقصد كمصريين من كتر قله حيلتنا بقينا عايزنا اي حد لمجرد انه اي حد

    انا مع ترشيح البرادعي علي فكره ولكن لفتره انتقاليه واعاده صياغه للدستور
    ليس الا

    لانه كشخص من وجهه نظري الللي ملهاش لازم الا لغيري
    ان البرادعي ليس هو مخلص الامه
    ولكنه ممثل لحلم التغيير
    مظنش انهم هيدوله الفرصه لكده
    لان الللي علي الكرسي مش هيسبوبه لهو ولا الوريث المنتظر

    ولا المنتفعين من بقاء الوضع كما هو عليه
    وانا اهو وانتي اهو

    بكره لو ملقيوش تهمه تليق عليه
    هيعملوله قضيه تحرش بكلبه نتايا علي قارعه الطريق الدولي ناحيه البدرشين
    بلدنا هتتتتغير في حالتين
    يا بثوره جياع
    والدهاشنه تخرج عن بكره ابيها وتامين نزيهه
    يا اما عن طريق ربنا يخسف بينا الارض احنا واللي حاكمنا وكل يبعث علي نيته
    ربنا يحسن ختامنا

    ردحذف
  6. نبدأ التعليق و ربنا يستر...تصدقى انا كنت بقرا الجرنال و شايفة حد بيتريأ على موضوع استقبال الناس فى المطار بس ماكنش موضح بيتكلم عن مين..كده باه انا فهمت(جريدة حكومية)...
    هو تحسى فى حالة رررعب من الناس مش تحلم بالتغيير..أنها مجرد تصدق أن التغيير ممكن..و زى ما قلت احنا بقينا زى الغريق اللى بيتعلق بقشاية..
    و فى الآخر زى ما قلت برده نتمنى ان
    يبقى خير بلدنا لانفسنا فقط

    ردحذف
  7. والله يا استاذه اهو كله كلام
    والناس هتقول دا حلو دا كويس
    دا عايز يغير
    لكن في النهاية
    هايبقي مصيره زي مصير واحد من الاتنين دول
    نعمان جمعه او ايمن نور فاكراهم؟
    ربنا يخليلنا مصر
    ويخليلنا الناس اللي بتحلم

    ردحذف
  8. وعد الجميله
    شوفى يا قمر ... معاكى فى كل اللى قولتيه بالنسبه للأمل والحلم بالتغيير وتقديم نوع من الحترام لشخص ذو مكانه علميه
    وغبااااء كامل فى حرمان الناس من التعبير عن أحساسهم دة
    بس هنختلف بقى فى الأراء حول الشخص نفسه

    لكن هنتفق فى أنك شخصيه حالمه ذات أمال جميله
    وربنا يسمع منك

    ردحذف

قول اللى فى نفسك وعبر عن نفسك