2010/02/16

ويبقى الحب








الواحد لقى ان الايام دى موسم الحب وكله شغال حب على نفسه والكلام فى الحب مش بيخلص





انا قولت استنى لما الناس تخلص كل اللى عندها وابدا انا واتكلم عن الحب





الحب الفريد من نوعه





ليس هذاالحب المرتبط بيوم او بكلمه او باحساس ما اشبهه بسحابه صيف يوما وتنكشف





ليس هذا الحب الذى اصبح الدبدوب رمزا له واصبح الكل يسعى الى تشويه صورته بالقول او بالفعل





ولكن سوف اتكلم عن





الحب الذى يخلده الزمان والمكان مهما تاهت وبعدت وهلكت الارواح ويبقا فقط الحب





الحب فى انقا واجمل صوره





الحب فى اكمل واصح حاله




الحب الذى يباركه الله ويرضا به عنا




سوف اتكلم عن اجمل قصه حب باقيه الى يومنا هذا وسوف تبقا الى ان يشاء الله




حتى وانا كان طرفيها صاروا ترابا ولكن مازال حبهم عطره يملاء الدنيا شرقا وغربا




وحبهما اصبح عجبنا من عجائب الدنيا




انه حب الامبرطور شاه جهان لزوجته ممتاز محل










حبه لها الذى جعله يبنى لها ضريح وتحفه فنيه




الذى قيل عنه :



بُني هذا الضريح الضخم والجميل على الضفة الجنوبية لنهر جومنا، خارج مدينة أغرا الهندية بناءً على أوامر الإمبراطور" شاه جهان" ابقاءاً لذكرى زوجته المحبوبة الحسناء"أرجومند بانو بيغوم" المعروفة باسم ممتاز محل (معناها "مختارة القصر")



فلقد توفيت وهي تلد إبنهما الرابع عشرفي مدينة برهنبور، في السنة 1631بعد أن كانت شريكة حياة الإمبراطورطوال سنين زواجهما الذي تم في السنة 1612 ..




يعتبر تاج محل من أروع إنجازات الفن الإسلامي المعماري، واحد من أروع جواهر الحكم المغولي استخدم أكثر من 20 ألف عامل يومياً لإنجاز الضريح في سنة 1643علماً بأن تاج محل إستغرق بناءه 22 سنة،وكلف 40 مليون روبية




.عقب إنجازه أحس شاه جهان بانه يريد الموت بعد أن تحقق له ما أراد من الحياة




و يحكى ان تكاليف بناء هذا الصرح هو الذي دفع ابناءه باتهام ابيهم بالجنون و بعد مرض شاه جهان بدأت قصة الصراع الدامي على السلطة بين أبناءه الأربعة ففتك إبنه أورنجريت بإخوته الثلاثه وزج بأبيه المريض في السجن في إحدى قاعات القلعة الحمراء








.كان يعزي شاه جهان وقوفه أمام مرآة وضعها له أحد المهندسين في أحد الأعمدة تعكس صورة الضريح الذي يبعد عدة أميال عن سجنه وكانت آخر كلمات "ممتاز"وهي تودع الدنيا :"لا تتزوج من بعدي، لن تحب إمرأة مثلي، لا تنس أن تزور قبري!..."
كان يزور قبرها وهو حر طليق وظل يزوره عبر المرآة وهو سجين حتى أغمض الموت عينيه سنة 1666




يااااااااااااااااااااااااه



تفتكروا فيه كده فى الزمن ده ابدا والله ده الواحد ما يصدق مراته تموت ويروح يتجوز غيرها




لالالالا ولا لو جابلها هديه يبقا جايب الحاجه وعينه فيها ويقعد يانب فى نفسه سبع تلاف مره قبل بعد ما جابها


يا خبر ابيض ده لولا وجود تاج محل كان الواحد قال ان ده خيال خييييييييال مش واقع


يااااااااااه

هو فيه كده ؟؟؟









هناك 25 تعليقًا:

  1. عارفة
    انا طبعا عارف القصة دى كويس
    بس انتى فكرتينى بالاكتر من كده
    هتقوليلى فيه اكتر من كده
    هقولك اه

    اقرى دى
    وليكى مطلق الحرية فى تنزيلها فى بوست ... منقول للأمانة

    قصة
    بدأت وانتهت في مصر
    مقبرة الأغاخان ذكرى قصة حب هزمت الفوارق

    تمثل مقبرة الأغاخان في مدينة أسوان جنوب مصر، ذكرى أشهر عاشقين شهدهما العالم خلال منتصف القرن الماضي.

    وتضم المقبرة المطلة على النيل، رفات محمد شاه أغاخان الإمام الثامن والأربعين للطائفة الإسماعيلية، وزوجته البيجوم “أم حبيبة” التي توفيت قبل تسع سنوات، وأوصت قبل وفاتها بأن تدفن في القبر الذي دفن فيه زوجها قبل عقود، ظلت خلالها وفية لذكراه، وتحرص على زيارته في موعد سنوي لا تغيب عنه، مهما كانت الظروف.

    تعرف محمد شاه أغاخان بزوجته “إيفيت لابدوس” التي اشتهرت تاليا باسم “أم حبيبة” في مصر، في نهايات الثلاثينات من القرن الماضي، وكانت ذهبت إلى مصر بعد فوزها بلقب ملكة جمال فرنسا في 1938 بدعوة من القصر الملكي في مناسبة الاحتفال بأعياد الميلاد.

    وكان الأمير أغاخان يتصدر قائمة المدعوين في الحفل الملكي عندما وقعت عيناه للمرة الأولى على تلك الفاتنة الفرنسية، التي دعيت لافتتاح الرقص مع أحد الأمراء المصريين، قبل أن يسارع أغاخان الذي كان يبلغ من العمر وقتها 68 عاماً، إلى التعرف إليها معرباً عن إعجابه الشديد بجمالها، وكان الحفل بداية لقصة حب عنيفة جمعت بين الاثنين على التراب المصري، وتوجت بعد عام واحد بالزواج في حفل أسطوري.

    ورغم أن “لابدوس” كانت تصغر الأغاخان بنحو ثلاثين عاما، إلا أن زواجهما جاء تتويجا لقصة غرام ساخنة، ودفع لها الزوج وقتها مهراً قدر بنحو “مليون فرنك سويسري”، لتتحول تلك الفاتنة التي كانت تعمل بائعة للورد في فرنسا إلى امبراطورة متوجة، على عرش الطائفة الإسماعيلية التي ظل الأغاخان يترأسها حتى وفاته، ويتحول اسمها إلى “أم حبيبة”، بعد انضمامها للطائفة.

    ويقول مقربون من الاثنين إنهما عاشا حياة رائعة رغم الفارق العمري الكبير بينهما، وانتقلت البيجوم إلى مصر للإقامة مع زوجها في سنوات عمره الأخيرة، وفضلا السكن في أسوان لأسباب علاجية، وبنى الأغاخان فيها قصرا منيفا لزوجته، إلى جانب مقبرته التي دفن فيها. واختار للمقبرة موقعا بديعا كان أحد الأسباب التي حولتها تاليا إلى مزار سياحي، يحرص السائح في أسوان على زيارته، فضلا عن مئات من أبناء الطائفة الإسماعيلية.

    ويحتل القبر الذي يعد تحفة معمارية رائعة الجمال، مكانا فريدا أعلى هضبة في الجهة الغربية لواحدة من الجزر المنتشرة في نيل أسوان، ويطل القبر من إحدى جهاته الأربع على فندق “كتراكت” الذي يعد أشهر فنادق أسوان التاريخية، فيما يشرف من الناحية الأخرى على مقبرة رومانية إغريقية، ومعبد “ساتت” الذي شيدته قبل ما يصل إلى خمسة آلاف عام الملكة حتشبسوت.

    ويرجع تاريخ بناء مقبرة الأغاخان إلى ،1957 وهي مبنية على طراز المقابر الفاطمية في القاهرة القديمة، واستخدم البناؤون في عمارتها من الداخل الرخام المرمري الخالص، بناء على وصية من الأغاخان، الذي كان يفضل طيلة حياته، أن يقضي شهور الشتاء من كل عام في أسوان.

    ودفن الأغاخان في المقبرة بعد شهور قليلة من بنائها، وعهدت زوجته منذ وفاته إلى حراسها أن يضعوا وردة حمراء داخل كأس من الفضة موضوعة فوق قبر الأغاخان يومياً، وظل هذا التقليد قائما طيلة حياة “البيجوم أم حبيبة”، وبعد رحيلها في يوليو/ تموز ،2000 لأنها أوصت بذلك قبل وفاتها في مدينة “كان” الفرنسية، قبل نقل جثمانها إلى القاهرة حتى تدفن إلى جوار زوجها في مقبرته.

    وكانت البيجوم حريصة على الإقامة لفترة بالقصر الذي شيده زوجها في أسوان، وتنتقل يوميا لزيارته في قبره ووضع الزهور الحمراء فوقه، ومن أجل ذلك حرصت على زراعة حديقة القصر بنوع بالورود الحمراء التي كان يحبها الأغاخان.

    ومنذ رحيل البيجوم أم حبيبة تحولت المقبرة إلى مزار لآلاف من المنتسبين إلى الطائفة الإسماعيلية في العالم، هؤلاء الذين يقدر البعض عددهم بنحو 25 مليونا، ظل محمد ظاهر شاه الشهير ب “الأغاخان” يمثل الرمز الأكبر بالنسبة لهم، قبل أن يتحول وزوجته التي حظيت بلقب “أم الإسماعيليين” إلى مزار للعشاق من كل لون، تقديرا لنموذج من الوفاء النادر لزوجة أحبت زوجها حتى الجنون.

    ردحذف
  2. وفيه كمان دى فى العصر بتاعنا
    من اروع قصص الحب الحديث


    قصة العبرة

    كان فيه بنت في الثانوية العامة اسمها (عبير)
    خرجت السينما
    وقابلت واحد وعاكسها واداها رقمه المهم اخذت الرقم واتصلت
    بيه
    واتعرفت عليه وهو اسمه (خالد) اتعرفو على بعض وزادت العلاقه
    وقوت
    بينهم ... كل واحد
    منهم
    عايز
    يقابل الثاني بس مافيش فرصة وفجأه جت فكره لخالد
    قال لعبير تيجي نتقابل عند مدرستك
    قالت عبير:: ازاي يعني؟؟؟
    قال اسمعي انتي ابوكي
    بيوصلك الصبح كل يوم بنفسه بس بعد
    كده بيروح
    الشغل بتاعه.. صح؟
    قالت صح
    قال: خلاص .. انا اعدي
    عليكي
    بعربيتي وتركبي معايا
    قالت :بس المديره ممكن تكلم البيت
    قال :: افصلي التليفون وارتاحي
    قالت::بس خايفه اتأخر
    قال جربي و ح
    نشوف
    المهم راح ابو عبير
    ووصل بنته للمدرسه ومشى .. وثواني
    وخالد وقف
    بعربيته - سيارته - وركبت
    عبير بسرعه وراحو كوفي شوب فخم وقعدوا
    يتكلموا
    ولما جت الساعه واحدة
    راح خالد ونزل عبير ورجعت البيت وهي خايفه بسالحمدلله
    المديرة
    ماتصلتش .. وكلمت خالد على طول وقالت ان اهلها ما
    عرفوش
    واتكلموا شوية.. وقالها خالد : ايه رأيك اقابلك
    بكره
    قالت :لالا مش كل مره تسلم
    الجره
    قال :المره دي جايبلك هديه
    قالت :اوكي ..عدي عليا و ح اشوف الوضع
    ومر خالد في الوقت نفسه وركبت عبير
    المهم اخذو على كده اسبوع بحاله من السبت الى الاربعاء
    واطّورت
    العلاقة بينهم الى مقابلات في شقة خالد الخاصة
    وجيه يوم السبت ..اليوم اللي نسيت فيه عبير انها تفصل
    التليفون..
    وطلعت مع خالد
    وفي بيت عبير التليفون رن
    ام عبير:الو المديره
    الو السلام عليكم
    ام عبير :عليكم السلام مين اللي بتتكلم؟؟
    المديره::انا الاستاذه
    هدى مديرة المدرسه اللي بتدرس في:اهلا بيكي
    خير؟
    المديره :لا مافيش غير كل خير بس عبير ليها اسبوع
    ما جاتش المدرسة
    هي تعبانة
    ولا حاجة؟
    ام عبير ::ازاا
    ..((وفهمت الموضوع بسرعة
    أ..أ.. ايوة
    الله يسلمك البنت تعبانة شوية
    المديره :: لا لا الف سلامة عليها
    مع السلامه
    ام عبير دارت بيها الدنيا وما تعرفش تعمل ايه .. هل تقول
    سمعته لابو عبير ولا تمسك البنت وتسالها ؟؟..؟؟
    المهم قالت لابو عبير عن كل شيء وقالها اسمعي ماتقوليلهاش
    اي
    حاجةوانا ح اعرف بتروح فين
    ويوم الاحد وصّل
    ابو عبير بنته ومشى شوية ووقف ..وشاف
    طبعا
    عربية
    خالد وهي بتقف وبنته وهي بتركبها ومشى وراهم ابو عبير
    ماوصلوا للعمارة اللي فيها شقة
    خالد.... ونزل ومسك البواب
    لحد
    ماعرف
    رقم الشقة وطلع ابو عبير
    وهوّ ييطلع السلم قابل خالد نفسه وهوّ
    نازل بس
    طبعا
    ماعرفوش
    المهم.. ضرب ابو عبير جرس باب الشقة وفتحت
    عبير
    وانصدمت ساعة
    ما
    شافت ابوها.. ونزل فيها ضرب لحد ما جريت منه
    وراحت
    للمطبخ
    واخذت
    السكينه عايزة بس تبعد
    ابوها
    عنها بس غلطت وضربته
    في صدره
    بالسكينة
    ووقع الاب من طوله مغمى عليه
    وجه خالد وشاف الموقف وقال لعبير بسرعه
    شيلي معايا للحمام
    وحطوه في ((البانيو)) وملوه ميه وحطو عليه
    علبتين مسحوق
    غسيل عشان
    الرغوة ماتبيّنش اللي تحتها
    وطلعوا ورجعت البنت
    للمدرسه وبالها مش في عقلها ..مش مصدقة



    بتفكر في اللي جرى هل حقيقه ولا خيال ..المهم طلعت من
    المدرسه
    ورجعت لبيتها وضربت
    الجرس
    وكانت المفاجأه الغريبة : ابوها
    فتحلها....
    قامت صوتت طبعا وقالت ::ابويا مش ممكن ..مش
    معقول
    رد أبوها
    وقال




    مع تايد في الغسيل مفيش مستحيييل

    ردحذف
  3. قصص الحب كتيرة اوي
    بس هو ليه معظمها من زمان
    اظاهر ان الحب مش موجود اليومين دول
    تحياتي عالبوست الجميل
    وتسمحيلي ارسل تحياتي للمهندس سيد عن القصة الجامدة بتاعة عبير وخالد

    ردحذف
  4. Where there is a life , there is love
    Love is the essence of life
    Baskouta Regards

    ردحذف
  5. ومن الحب ما قتل


    بالنسبه لمانو
    مش عارف ليه كل حاجه جميلة مقترنه بوقت وكلمة زمان
    ربنا يستر من الايام اللى جايه

    اعتذار
    انا بجد اسف لاني معدتش ازور المدونة - بتاعتي قبل بتاعتك - وده لانشغالى بالجيش الايام اللى فاتت
    كنت مهلوك حتى انى جيت اجازة يوم واحد ومشيت يوم فرح الدكتور هيثم
    سامحيني وادعيلي

    ردحذف
  6. قصة تحول البوذية المفرطة لقاعدة الهند الي شهد رومانسي جدا

    والواقه يا بروميس مخالف تماما
    ولكل قاعدة شواذ

    ردحذف
  7. مش هاقولك مافيش كده
    فيه حالات تانيه
    بس اللى بيوجعنى بجد .. إن الحالات دى هى اللى بقيت الاستثناء ... مع إن الحب هو القاعده
    ربنا سبحانه و تعالى خلقنا عشان بيحبنا ... "سبحان الله"


    استنى لما أفوق من الإدراج و الموسيقى و الأغنيه ..
    حاله حطيتينى فيها و انا كنت جايه أقول كلام تانى خخخخخخخخخخخخخخخخخخخخخخخخخخخااااااااالص


    بعد إذنك

    ردحذف
  8. ^_^
    بخل إيه يا حلوه انتى
    لا طبعا
    و الله ضحكت أوى لما قريت كلام الشربات


    دا كرم منك أصلا انك تزورينى و كمان تهتمى و تعيدى الكرّه .. لا و الله ..انا بجد مش أد الكلام الكبير دا

    و لازلت فى انتظار تشريفك ليا على موقع مكتوب بإذن الله ف مدونتى الرئيسيه .. و على فكره التعامل هناك سهل خالص ... ^_^ .. أنتظر حضورك بإذن الله ..

    و بالنسبه لأخويا الدكتور هيثم .. فـ أحب أقولك إنى فعلا كنت ف الفرح .. هيثم ابن خالى .. و لو انتى من نفس بلد الدكتور تبقى بلدياتى بإذن الله

    إيه رأيك ف اللعبه دى.. ؟ ^_^ :)

    " و ماتزعليش من هزارى الله يخليكى .. انا بس لقيتنى واخده عليكى كده مره واحده .. ينفع؟؟!! ^_^"

    ردحذف
  9. لالالالالالالالالالالالالالالالالالالالالالالالا

    ده كتير قوووووى جدا يا بشمهندس

    رائعه فعلا القصه دى واول مره اعرفها بجد شكرا جدا جدا جدا على القصه دى

    والقصه الاكثر من رائعه وفكرتينى بفيلم نيلى واحمد مظهر بتاع اونكل صلاح

    بجد تحفه
    وعلى رايك مع تايد فى الغسيل مافيش مستحيل وعزائى للاريل

    ردحذف
  10. يا مانوو تحت امرك طبعا لازم ترسل تحياتك للبشمهندس على الرائعه الفنيه دى والفيلم اللى قريبا جدا فى الاسواق عبير وخالد

    منور

    ردحذف
  11. طبعا مين لازم يقول الكلام ده غير سفيره الحب والرومانسيه بسكوتى اللذيذه

    منورانى

    ردحذف
  12. احمد يا مصرى

    انا كده ازعل بجد
    ما فيش ما بينا اعتذار انت تيجى وقت ما تحب وفى اى وقت وبفرح جدا لما القيك عندى

    على فكره من يوم ما انت نزلت البوست اللى متاخر سنتين ده وبدخل اعلق مش نافع فى مشكله عندك فى التعليقات ياريت تشوفلها حل

    ومنورنى

    ردحذف
  13. استاذ احمد

    اتفق معك وبشده بان لكل قاعده شواذها

    بس سيبك انت من كل ده

    انت امير العاشقين وسفيرهم ومعلمهم ورسولهم

    منورنى

    ردحذف
  14. واحده وحيده

    اولا انتى الحلوه واللى شربات كمان

    وخلاص ياستى انا عرفت انت ميييييييييين

    وده شرف ليا انى اتشرف بيكى هنا فى عالمى الخاص

    واكيد ان شاء الله هزورك فى مكتوب

    واا سعيده جدا ان لقيت حد بلدياتى هنا
    منوره

    ردحذف
  15. الحب كلمه سحريه ومفعولها سحرى

    ومنطقها هو اللامنطق وقائدها هو الجنون

    هو فى حب من ده دلوقتى ؟؟؟؟؟؟؟؟

    اخبارك ايه يا جميل

    يارب تكونى بخير يا قمر

    ردحذف
  16. شكراً كثيراً للمعلومات
    الجديدة علىّ دى فلم أكن
    أعلم ما فعله أبناء شاة
    جيهان معه ومع بعضهم البعض
    ولا تستغربِ على شىء ولا تتعجبِ من
    شىء فبدايات التغير فى الناس بدأت
    منذ أن قتل قابيل هابيل :اليس كذلك؟

    ردحذف
  17. نحن في حاجه الي رأيك في مشاكل القراء بمدونة "دقات قلب بعد الخمسين"
    مع خالص تقديري

    ردحذف
  18. أكيد فى كده عشان لو مفيش كده يبقى الواحد هيولع فى نفسه...حلو أوى أنك عرضتى القصة بتفاصيلها..بس مش هى دى قصة الحب الوحيدة...و مش تفاؤل و لا حاجة ..فعلا لسه فى قصص رائعة ..و زى ما قلت مستمرة أيام و سنين مش مختزلة فى يوم واحد فى قلوب و دباديب..

    ردحذف
  19. انا لازم اعبر عن اعجابى الشوديد بالبوست ده
    ايه الجمال ده
    انا كنت اعرف حبه عن قصه البنا بس
    لكن الباقى نو
    هو فى كده صحيح
    مش عارف
    بس اللى متاكد منه
    ان الحياه فى البلد دى
    عمرها ما هتتيح ان يبقى فى كده نهائى
    واللى مش لاقى ياكل عياله يا برومس
    مش هيبنى لمراته قصريه صبار
    البلد دى مش مخليه الناس تحب ولا تتحب
    ربنا
    ي
    ازيك دلوقتى بقى

    ردحذف
  20. رانيااااااا

    منورررره وحشانى جدا فينك

    انا برضه زيك بقول ان مافيش الكلام ده دلوقتى خالص

    ردحذف
  21. نورهاتى

    اى خدمه ده كله كوبى وبست انا بس كنت عايزه اعرف الناس الحب الحقيقى يكمنفى التفاصيل وليس فى الدباديب

    منوره

    ردحذف
  22. قيس بن الملوح

    اكيد ان شاء الله هزوك قريبا

    مع اننا كنا عايزين رايك يا مجنون ليلى فى الموضوع ده

    ردحذف
  23. روزى

    ايه التفاؤل ده والحب ده
    ايه ياعم ده كله

    كويس انك قولتى كده علشان تحسسين ان لسه الدنيا بخير

    نورتى ياقمر

    ردحذف
  24. صديقى الصدوق

    تمااااااااااام يا باشا

    بعد كلامك ما فيش كلام

    ارفع القبعه لك

    انا احسن الحمدلله وشكرا على سؤالك

    ردحذف

قول اللى فى نفسك وعبر عن نفسك