2010/02/01

سنه وعمر جديد

بصوا بقا



اما الواحد لما يكون مديون لحد بحاجه فبيكون نفسه يردله دينه ده النهارده قبل بكره



وبالاخص لما تكون مديون ليه بخير


وانا بقا ما صدقت انى اخيرا هاقدر اوفى جزء بسيط وصغير جدا قد كدهوه لاخويا الصغنن زناتى

بالصدفه دخلت مدونه الواد محمد هاى فولتا لقيته بيقول ان عيد ميلاد زناتى بعد بكره

وانا طلعت اجرى قولت لما اروح اعمله بارتى



let we celebrate

لالالالا ده مش احتفال بالفلانتين

لالالا ده عيد ميلاد زناتى بيه

يعنى كله يهيص وكله يرفع ايده لفوق

طيب ونعمل ايه كمان




انا مش عارفه افكر عنيا زاغت بين الافكار ومش عارفه اعمله ايه الواد ده ابو دماغ عاليه طبعا ده مهندس يعنى شغااااال يونفيرسال الله واكبر عليه خلاص انا قررت انتحر لان دماغى وقفت خلاص

اه بقول اجبله براد شاى بنعناع علشان احلى دماغ



طيب والشاى وجبناه طيب اجبله تورته لالالالا دى تقليديه قوى انا بفكر اجبله طبق من كل نوع احسن برضه وعلشان يملاء معدته برضه


خلاص يبقا اجبله جاتوه












كفايه اكل بقا يا زناتى شوفلك حاجه بقا احبس بيها
بما انك واد smart وذكى جدا بسم الله ما شاء الله عليك

فانا قولت ان ال smart لازم تكون ليه هديه smart قعدت قولت لنفسى بس خلاص لازم اجبلك احسن هديه وحاجه من الاخر

ما لقيتش احسن من عربيه BMW

الفئه السابعه

SMART SMART يعنى



نيجى بقا للجد

اخى العزيز زناتى تصدق انى لحد الان ما اعرفش اسمك الحقيقى ايه

ما علينا مش مهم خالص الاسماء ولا الاشكال ولا المسافات المهم انى اتعرفت على دماغ جامده وصح ومهندس ناجح ان شاء الله

اينعم يمكن يكون فرق السن بينا كبير قوى قوى بس بجد بحسك كبير جدا جدا بافكارك واراك الكبيره ودماغك الصح

ربنا يارب يوفقك فى امتحاناتك الاول وتخلص امتحانات الترم الاول وباقى السنين على خير ونشوف مهندس كبير ومحترم وناجح

واتمنالك فى عامك الجديد انك تقدر تواجه الدنيا دى بكل الخزعبلات اللى فيها وانك تعيش حياتك صح

وانا طبعا ما عرفتيش اعملك بارتى ولا اى حاجه ولا عرفت انى ارد اى حاجه

ولا املك غير انى اقول

كل سنه وانت طيب

هناك 32 تعليقًا:

  1. كل عام وانتِ بخير وكل من تحبين

    ردحذف
  2. اوعى ياله
    استنى كده متزقش
    هو انا بحلم
    غالبا لا

    ردحذف
  3. لا والمصحف
    ده ليا بجد
    انا مش بحلم فعلا
    ده ليا

    ردحذف
  4. صدقينى لو قولتلك
    احلى حاجه شوفتها النهارده بالتاكيد هى دى

    ردحذف
  5. بسم الله الرحمن الرحيم
    يا ستى بس وربنا تعبتى نفسك فعلا
    اولا العيد لله حالته مبقلظه ومحدش يعرفه خالص مالص
    تقومى تعملى عيد ميلاد وفى مدونتك
    كوتييييييييييييييييييييييييييييييير
    عليا وربنا
    الناس هتخش مش هتلاقى حاجه تقولها
    هيقولوا مين العبيط ده

    ردحذف
  6. اول حاجه احب اقولهالك
    انا اسمى
    محمد محمود لبيب زناتى
    اى خدمه
    دى اكسكلوسف بس ليكى
    وكمان
    انا يا ستى لسه مكمل التمنتاشر كمان مش زى البلوء ما هيقول تسعتاشر

    ردحذف
  7. فى ايه تانى يا زنتوت
    الواد فولتا انا بحبه جدا
    هو اللى عرفك
    وده احسن صوحب ليا
    واحب بجد اقوله
    سانك يو يا وله

    ردحذف
  8. بجد بشكرك جدا جدا
    كل صوره ريقى جرى عليا
    واضح ان ذوقك فى الجاتوهات مش طبيعى
    وهتخلينى اقوم اطلب جاتوه دليفرى
    ومعرفش منين
    انا بجد هجوع قدام الشوكلاتات دى كلها

    ردحذف
  9. وكمان بقى بجد
    البتاع ده اللى فى الصوره
    اللى موت نفسه بكل الاسلحه
    انا شبهه
    واخر سلاح هستخدمه الخميس ربنا يستر

    ردحذف
  10. واحلى حاجه بجد
    انك تلاقى حد يفتكرك
    عارفه
    عيد الميلاد مش مهم
    ده يوم ملوش لازمه
    انا يعنى
    مش عملت نهضه للامه
    ولا جيبت كاس الامم
    بس فعلا
    فايدته بجد بالنسبه ليا
    انو فعلا
    بيعرفنى
    هل فعلا حد بيعزنى
    وهل ممكن يكون حد مستعد يعملى حاجه
    او يتعب نفسه عشانى انا

    ردحذف
  11. فى حاجه هتموتك من الضحك قوى
    دخلت جوجل
    لقيتهم النهارده مغيرين الشعار
    وكاتبين

    norman rockwell’s birth day

    ردحذف
  12. شكله كان رسام محترف كمان

    ردحذف
  13. على فكره بجد
    انا مش عارف اشكمرك ازاى
    على المجهود ده
    وبجد انا كنت عاملك الموضوع القديم
    محبه وربنا
    واكيد مش مستنى دين
    بس بينى وبينك
    الشخصيه الانسانيه بتبقى مستنيه
    حتى لو مش فى دماغها
    بس انتى ايه
    جيبتيها فى الجون وربنا
    العربيه دى مش طبيعيه
    دى ليا انا
    ههههههههههههههههههههههههههههههههههههههههههههه
    العربيه شكلها روعه وربنا
    ايه ده
    اول مره اشوف الموديل بتاع الفين وعشره
    وسمارت كمان
    انا بصراحه مذبهل من شكلها

    ردحذف
  14. بجد نفسى حتى اخد لفه بيها
    دى شكلها تحفه قوى
    بجد الف شكر ليكى

    ردحذف
  15. ونفسى اقعد اكتب طول اليوم ردود
    واقول الف شكر
    وربنا يخليكى
    بس والله ورايا مذاكره
    بس اللنك ده
    هيفضل فى مخى ودماغى
    وهسيفه عندى
    الف شكر بجد ليكى
    سااااااااااااااانك يو
    وبجد بجد
    لو هتعرفى تيجى المعرض قوليلى
    هجيلك مخصوص
    اى يوم تعرفى تنزلى منو
    بصى لو قفلت خالص
    هننزلك اسيوط وربنا
    بس انتى شوفى كده

    ردحذف
  16. شوووووووووووووووووووووووووووووكرا

    ردحذف
  17. شكرا قوى قوى قوى
    جدا بشده بجد اه شكرا
    بجد يعنى
    شكرا بقى
    ولازم تعرفينى عيد ميلادك
    عشان حصبله كلو هيبقى هنا

    ردحذف
  18. لاجل الصداقة لاجل الاخوة
    ..
    ..
    كل سنة وهو طيب

    ردحذف
  19. شوفى انا اول ما شوفت الهداية اللى فى الاول ...خوفت بصراحة ... وقولت مفيش داعى حد يعرف تاريخ ميلادى اساسا ... انا مبعملش عيد ميلاد ... انا مبحبوش


    انما لقيت بعد كده تورتات
    وجاتوهات
    وبى ام دبليوهات

    هات يا سيدى هات

    مرحبا بالاحتفال باعياد الميلاد

    انا عيد ميلادى بكرة على فكرة يوم 6 اكتوبر

    ردحذف
  20. كل سنه وهو طيب

    وعقبال 100 سنه

    ردحذف
  21. كل سنة و هو طيب..و برافو على احساس الوفاء و الصداقة ده..بجد دنيا المدونين دى فيها أحسن ناس
    & happy birthday

    ردحذف
  22. أزال المؤلف هذا التعليق.

    ردحذف
  23. أزال المؤلف هذا التعليق.

    ردحذف
  24. اسف
    نسيت احط تعليق
    كل مره اكتبه غلط
    انا بكون معارف لسهوقولت امر اصبح
    صباح الخير عندى لازم يكون قبلها سايكو
    ولذلك
    سايكو مورننج

    ردحذف
  25. ايه ياعم انت هتخلص التعلقات

    وهو يعنى عشان عيد ميلادك نازل تعلقات


    اول مره ادخل المدونه الاقى عيد ميلادك انت مبترحمش كده

    انت طالع واكل نازل واكل

    هو ايه ده

    كل سنه وانت طيب يارب

    وعقبال 100 سنه

    هات الهديه بقا

    ردحذف
  26. ماااااااااااااااااااااااااااااااااالك
    وات از هابيننج

    ردحذف
  27. تل مى وات از هابيننج
    مالك يا ستى بس

    ردحذف
  28. واضحح ان فى حاجات مش لتيفه
    معلشىلو فى حاجه قولى
    نحن هنا

    ردحذف
  29. يا خبر ازرق
    ايزيس مره واحده
    طب ما انا لازم اعرف فيه ايه
    يمكن نساعد
    ماى جودنيس
    طب خوشى هنا كلمينى
    انا هحط بنج بوكس بتاع الياهو
    لو فاضيه كلمينى

    ردحذف
  30. كل سنة وانت وهو وانا والمشاهدين المدونين و بلوجر كمان طيبين

    ردحذف
  31. و الله دا انا اللى أتشرف بالمعرفه يا جميل
    :)
    ^_^

    أتمنى نطلع بلديات
    أعرفك
    هاعرفك بإذن الله
    أى حاجه
    ههههههه

    و على فكره
    انا قريت البوست "شفتى طلعت أجدع منك إزاى ;)"
    و كل سنه و الأخ زناتى بخير
    و لو انها جايه موتأخره شويتشين
    ^_^


    أنتظر عودتك بأمر الله
    و لو حبيبتى تزورينى ف البيت
    يبقى هنا من فضلك
    http://wahedah.maktoobblog.com


    مستنياكى بإذن الله

    ردحذف

قول اللى فى نفسك وعبر عن نفسك