2009/11/29

لماذا من حولك اغبياء


السلام عليكم

ازيكم يا مصريين عاملين ايه ياترى بعد الحمه والفته اكيد مانتخين وقعدين مش قادرين تتحركوا وطلعتلكم فروه كده زى فروه الخروف الذى تم اغتياله.

المهم انا جايه احكيلم النهارده على كتاب ماكنش على البال ولا على الخاطر ازاى بقا؟

كنت ماشيه فى الشارع نازله اتشرى اى حاجه البسها على العيد امشى بيها نفسى كده لحد ما انزل على رواقه واشترى براحتى فى هدوء المهم فى راجل بيبع كتب ده انا عامله معاه اشتراك ههههه لازم كل ما انزل اعدى عليه اشوف عنده ايه كتب واشترى اللى يعجبنى المهم وانا بشوف اللى عنده وعنيا زايغه مش عارفه اجيب لمين بالظبط فاروق جويده نزل كتاب جديد يااااااااااااااااه وادى الجزء السابع من هارى بوتر معقول لسه نازل اسيوط ده انا قربت اجيب التامن وامال اكلم نفسى وعنيا مش مركزه مع كتاب واحد لحد ما وقعت عنيا على كتاب لونه اصفر وكان فى كيس فتحت الكيس ولسه هبص فى العنوان لقيته مستفز جدا ويغيظك وتحس ان الكلام موجه ليك

عنوان الكتاب ( لماذا من حولك اغبياء) انا طبعا قريت العنوان ولولا كنت فى الشارع كانت خرجت منى ضحكه هستيريه بس اكتفيت بابتسامه كلها تعجب واعجاب فى نفس الوقت وفضول قاتل لمعرفه ايه اللى جوه الكتاب ده

المهم طبعا طلعته من الكيس ومسكت الفهرس ولقيت المواضيع اللى فيه مشوقه جدا وقلبت الكتاب بصيت على السعر لقيته 25 جنيه قولت هاجيبك يعنى هاجيبك

وكان ده كتاب العيد وجنبيه كتيب جميل للغزالى اسمه ايها الولد ده هياخد مننا تدوينه تانيه غير دى لانه كتيب رائع الصراحه

المهم االكتاب ده رائع جدا وعلشان انه رائع جدا عملت عليه سريش ومن حسن حظكم او حظى لقيته فجبتلكم جزء منه علشان نستفاد منه كلنا وياريت يا جماعه اللى يقدر يجيبه يشتريه ومش هيندم على حاجه

واسيبكم مع جزء من الكتاب وكل سنه وانتوا طيبين

أنت تري العالم في ضوء برمجتك السابقة .. في ضوء تجاربك الشخصية التي مرت في حياتك ..نظرتك للعالم صنعتها تجاربك الشخصية .. من أهم أسباب المشاكل التي تحدث بيننا أننا نفترض أن الآخر يرى العالم كما نراه نحن .. فهنا تحدث الخلافات والصدامات والصراعات .. ونتساءل : لماذا هم أغبياء إلى هذا النحو؟؟مثال : كان هناك ثلاثة عميان لا يعرفوا ما هو الفيل ولا كيف يبدو..وفي يوم من الأيام ، طلب منهم أن يدخلوا غرفة بها فيل .. كما طلب منهم أن يصفوا ما هو بالضبط.أولهم راح يتحسس الخرطوم وقال:الفيل يشبه الثعبان ..!ثانيهم راح يتحسس الأرجل : يبدوا أنه قصير جداً (!) الفيل عبارة عن أربعة أعمدة!وقال ثالثهم والذي كان يتحسس الذيل: الفيل شيء يشبه المقشة! وبالطبع لم يصدق أي منهم ما يقوله الآخر .. وكان كل منهم يتهم الآخر بالكذب .. لأنه لم يصدق إلا ما لمسه بيده .. لم يستوعب سوي تجربته هو فقط.إذا شعرت أنك علي صواب .. فهذا لا يعني بالضرورة أنك كذلك ..-----------------------------------------------------------------الحكم علي التصرفات لا علي النيةلا تعتقد أن الناس يجب أن يبجلوك بسب قلبك الأبيض وسريرتك الصافية .. بل راقب تصرفاتك ، ولتر ما الذي تفعله ولاحظ سلوكك.مثال: هل تذكر المرة الأولي التي سمعت فيها صوتك مسجلاً علي شريط كاسيت ؟لقد شعرت أن صوتك أسخف مما كنت تعتقد.. أليس كذلك ؟ هل تعرف السبب؟السبب هو أننا لم نعتد أن نراقب أنفسنا منت الخارج .. بل نراقب أنفسنا من الداخل فقط..كنت تعتقد أن صوتك رائع .. لكن حين سمعته من الخارج وجدت الأمر مختلفاً قليلاً .. 0\هذا إن لم تكن عبد الحليم حافظ طبعاً!)..صدقني.. ستفهم أن الناس يرونك من الخارج كما ترى نفسك من الداخل .. الناس تحكم عليك من تصرفاتك الخارجية والتي قد لا تراها بهذا الوضوح السافر من داخلك .. نحن لا نناقش هنا نواياك في إيجابية لا جدال .. لكن الناس لا يرون داخلك النقي .. لذلك حاول أن تجعل خارجك نقياً أيضا كي يرونه ..راقب سلوكك .. فهو واجهتك الحقيقية أمام العالم .رأي صواب يحتمل الخطأ .. ورأي غير خطأ يحتمل الصواب ( الإمام الشافعي)-----------------------------------------------------------------تصدمنا معاملة الناس لا سيما أقربهم منا..أنت من يضع القوانين والحواجز للناس كي يعاملوك على أساسها.. إعلم هذا..مثال:أحمد يحب سلمى منذ الأزل .. إرتبطا بخطبة جميلة ، وتوقع لهما الجميع مستقبلا ًحافلاً بالتفاهم والحب.. وبما أن الرياح لا تأتي غالباً بما تشتهي السفن فقد بدأ أحمد يعاني من مشكلة حادة في التواصل مع سلمى مشكلة جعلته يفكر جدياً في مسألة إرتباطهماسألته: ماذا حدث؟أجاب: حين تريد مني شيء ولا تجده ترفع صوتها .. لكن يضايقني أنها تتطاول علي..وماذا تفعل أنت وقتها ؟ أجاب في حكمة:أحاول أن أمتص غضبها .. أفعل ما يرضيها كي أتلاشي غضبها هذا في المستقبل..لكنني لا أستطيع التحمل أكثر من هذا .. لماذا وصل بها وصل بها الحد إلي أن تتطاول علي؟ لماذا لا تتوقف عن هذا ؟!في الحقيقة هذه القصة أكثر شيوعاً مما تعتقد..حسناً .. فلنجب علي السؤال معاً.لماذا لا تتوقف سلمى عن معاملة أحمد بهذه الطريقة المتجاوزة؟الإجابة : ببساطة لأن أحمد هو الذي رسم لها بدقة هذه الطريقة لتتعامل معه بهاحيث تغضب وتثور .. من الصحيح أن يكون متفهماً .. لكن حين تبدأ في التطاول ما هو رد فعله؟.. يكون رد فعله هو ..سأنفذ لك كل ما تطلبين ...!فتكون الفكرة البديهية التي برمجها عليها هي :هذا الأسلوب ناجح .. لأنك في كل مرة تتطاولين عليه تحصلين على ما تتمنين ؟ فلماذا تغيري هذه الطريقة الفعالة ..كان من المفترض أن يؤكد لها أن خلافاتهما من الممكن أن يحلها بطيب خاطر .. لكنه قال لها لا إراديا ً: تطاولي علي لتحصلي علي ما تريدين ..ولم يقل لها : إن هذا مرفوض ..لم يقل لها : إنه سيفعل ما ترى ، لو قالته بأسلوب أفضل.والأن هلي يعاملك الناس بطريقة سيئة لا ترضاها؟حسناً... ربما لأن هذا الأسلوب هو ما يصلح معك ، كي تعطيهم ما يريدونّ.--------------------------------------------------------------------كيف تجعلهم يحبونك ..هل لاحظت في حياتك العملية أن الناس يشعرون بالسعادة والإرتياح حين يتكلمون عن تجاربهم الشخصية ..فلو منحتهم هذه السعادة سيحبونك ويقدرونك ويستمتعون بصحبتك وستجد منهم الكثير..سيشعرون أنك مهتم فعلاً بهم وأنك مختلف عن باقي المتحدثين عن أنفسهم..ببساطة : إستمع لهم بصدق كي يحبوك ثانياً : ستدرك ما وراء مستوي إدراككليس هناك شيء جيد أو سيء في ذاته لكن تفكيرنا هو ما يجعله كذلك (حكمه) لا يمكنك أن تكون صورة عن شخص معين إلا لو تركته يتكلم وإستمعت اليه .. وقتها ستعرف كيف يفكر وستستطيع التعامل معه علي هذا الأساس.مثال: مديرك : شفت ماتش الأهلي والزمالك إمبارح ؟؟ كان ماتش غريب.أنت: فعلاً يا أفندم .. الزمالك يستاهل اللي جرا له ..مديرك : يستاهل اللي جرا له ؟؟؟ أنا زملكاويّّحسناً.. لو كنت قد صمت وسمعت ماذا سيحدث ؟مديرك : شفت ماتش الأهلي والزمالك إمبارح ؟؟؟ كان ماتش غريب أنت: (الإبتسامة وهزة رأس)مديرك: الزمالك إتغلب رغم إنه لعب كويس .. أنا زعلت أويأنت (بعد ما فهمت): يلا معلش يا أفندم هي الكورة كده!هل عرفت أهمية الإستماع الفعال، قبل أن تتسرع وتصدر أحكاماً؟

هناك 12 تعليقًا:

  1. لماذا من حولى اغبياء؟
    لأنى ذكى
    ههههههههههههه

    كل سنة وانتى طيبة
    ويابختك
    معااااااكى 25 جنيه تجيبى بيها كتب

    (شوية قر وحسد صحى يعنى)

    ردحذف
  2. السلام عليكم

    جميل جداً .. أعجبتني فكرة الكتاب ومادته ، قليلٌ من يكتب في التجارب الذاتية أو التنمية البشرية بهذا الأسلوب الشيق.

    أشكرك على العرض المختصر للكتاب.

    دمتِ بخير

    ردحذف
  3. كل سنة وانتى طيبه حبيبتى

    معلهش متاخرة عليك كنت قفلة المدونة وبعمل شوية تغيرات فيها

    ابقى طمنينى عليكى

    ردحذف
  4. غير معرف30/11/09 20:23

    بتقول انك كنت مسلم وغيور على دينك
    كيف لانسان ذاق حلاوه الاسلام ان يكفر بالله

    كيف لك انت تهين رسولنا الكريم وتهين رب العرش العظيم

    كيف تسير وراء الكفر والالحاد وتترك نور الاسلام

    للاسف انت لم تكن مسلم متدين وغيور على دينك كما تقول

    ولكنك كنت من اصحاب النفوس الضعيفه
    التى اسلمت دون يقين
    وللاسف هناك من امثالك من يسيرون وراءك

    ولكنك لم تسطع محو الاسلام اؤكد لك ان فى بطاقتك الشخصيه ديانتك مسلم
    ولكن للاسف انت وامثالك عارا على الاسلام

    لو تدرى عن يقين كيف وصل لنا هذا الاسم الذى تجرح فيه

    وكيف تعذب رسولنا ليحمينا ويضعنا داخل الاسلام الذى يدعو الى التسامح والامن

    لبكت عينيك بدل الدموع دم على ما اصاب رسولنا الكريم من مهانه وتعذيب

    لو تدرى عن يقين ماهو الاسلام وافضال ربك عليك
    فهو الذى خلقك واعطاك كل النعم
    ما اكفاك التعبد والتسبيح والشكر لله ليلا ونهار

    ولكنك فى غفله وفى غمامه انت وامثالك
    تختبئون وراء ستار الالحاد لتفعلون المعاصى والذنوب والعياذو بالله

    واكبر دليل على ذلك انك تتحدث عن القران وتجرح فيه فقط
    مع انك لاتؤمن باى ديانه اخرى
    لا مسيحيه ولا يهوديه وكلهم ديانات سماويه من عند الله

    وانت لا تؤمن باى رسول نزل من عند الله
    ومع ذلك لا تهين الا رسولنا الكريم
    محمد صلى الله عليه وسلم

    لانك تعلم عن يقين ان الاسلام على حق
    وانه دين الله فى الارض
    وتعلم ان الله موجود وتعلم كل هذا
    ولكنك مصاب بمرض النفور من التوحيد والعياذوا بالله

    فكر قليلا وتأمل الكون واسال نفسك من خلقك ومن خلق هذا الكون
    وانظر حولك ستجد كل شئ دليل على وجود الله سبحانه وتعالى
    وستجد كل شئ يسبح بحمده

    تذكر ايام اسلامك وانت تقف بين يدى الله فى الصلاه
    وابكى على ما فعلته بنفسك

    انا اعلم جيدا انك لم تنشر هذا التعليق ولكن هذا لايهم واعرف جيدا انك ستسخر من كلامى لان الشيطان للاسف غلبك لانك كنت ضعيف النفس والايمان
    وهذا لايهمنى
    ولكنى ارضى ضميرى امام الله واوضح لك الغمامه التى امام عينيك
    وربى وربك الهادى الودود

    الله لا اله الا انت سبحانك انى كنت من الظالمين

    ردحذف
  5. الإسم لوحده يشد بصراحة..وعد أني حشتريه في القريب العاجل
    ممكن ألاقيه في أي مكتبة في وسط البلد؟؟
    تحياتي

    ردحذف
  6. غير معرف1/12/09 14:43

    بلاش سرقة افكار ومجهود غيرك

    ساعد على عدم سرقة الافكار


    فية ناس بتسرق مواضيع من منتديات ومدونات وتنسبها ليها وفية مواضيع فى مدونات مسروقة من منتديات

    فى مدونة عاشقة الاحزان ايناس

    فية موضوع باسم ملاك الروح حبيبى

    مسروق من منتدى تعب قلبى

    http://forum.te3p.com/27986.html

    http://froum.com/27986.html

    ومنتديات مكتوب وكان مكتوب فى المنتدى بتاريخ 19/6/2009 قبل مايتنشر عندها فى المدونة

    http://support froum.maktob.com/showthred.php?=454

    وموضوع بعنوان معنى الوفاء مسروق من منتدى تعب قلبى

    http://forum.te3p.com/304846.html

    واغلب المواضيع اللى على مدونتها مسروقة من منتديات الفرق انها بتغير عنوان الموضوع علشان محدش يشك


    بلاش نسرق مجهود غيرنا

    ردحذف
  7. عندك حق هو عنوان مستفز...و ظريفة حتة الماتش...سعيدة بالمرور فى مدونتك..

    ردحذف
  8. مش انا الاول
    بس لازم ازورك
    وحشانى اعمل ايه بس
    كل سنه وانتى طيبه
    و
    الكتاب ده عجبنى قوى قوى
    هشتريه بعون الله
    بجد شكرا يعنى
    لقطات حلوه منك
    وابقى نزلى بوست التانى
    عشاناشوف نظامه ايه
    بتاع الزالى
    شوفى انتى بقى كتاب
    مصر من البلكونه

    ردحذف
  9. انا مش عارف الاخ اللى غير معروف ده نازل تحريم وتسريق وتكفير ومسلم وغيور وحاجات كتير
    عندي وعندك فيه ايه انا مش فاهم حاجه

    ومحدش رد علي انا حاسس انى الرساله دي بتظهرلي انا بس الحقوني انا شكلي كده هتحصلي تجربة الباشمهندس حسن (اسف على الازعاج) هشوف حاجات الناس مش شايفاها حد يلحقني ويقولي الراجل ده عايز ايه

    ردحذف
  10. حد يفهمني الموضوع كله بابعاده بملابساته بمواضيعه بسلطاته ببابا غنوجه
    --------------------


    الكتاب اكيد جامد لان عامة الكتب اللى بتدور حول التجارب الذاتيه والتنمية البشرية بتنمي المواهب والقدرات ده غير انها بتعيشك تجارب كبيرة وخطيرة كمان بتثقلك حياتيا لانك بتقرا خبرة انسان فا انت بتكتسب منه الخبرة دي في كام ساعه في حين انه مثلا كتب عن خبرات وتجارب 15 سنه حياه

    عندي شوية كتب لكريم الشاذلي بس مش عارف اخدهم معايا اقراهم في الجيش لانهم بيفتشوا جامد
    تحياتي وتعيشي وتقراي

    ردحذف
  11. الرومس الغالى بتاعى
    واحشنى يا ريس
    والله واحشنى قوى قوى
    متصدقش بتشرف فى مدونتى ببقى سعيد ازاى
    والله ضربه شمس دول عالم مزقلطين
    وبيلاقوا حته يبعبروا فيها عن نفسهم
    والناس تسمعهم
    انا هنا
    بلاقى احسن من الناس دى
    انتوا هنا
    بجد انا ببقى سعيد لما حدي يعجبه حاجه
    خصوصا انتى
    لان مواضيعك زى ما بقراها كلها وتخش دماغى
    بتقرى انتى كمان مواضيعى
    الكتاب اللى قولتلك عليه
    ساخر جدا جدا
    لو دماغك رايقه
    شوفيه
    فى كتاب انا لسه بادئ اقرا فيه
    اسمه احجار عل رقعه الشطرنج
    المؤلف ويليام كار
    طلى عليه وانتى على النت
    والف شكر على زيارتك
    دى فعلا
    زيارات مؤثره وبتسيب اثر جميل
    تشرفينى دايما يا رب

    ردحذف
  12. امااااااانى
    فينك يابنتى

    حد يدور عليها يانااس

    ردحذف

قول اللى فى نفسك وعبر عن نفسك