2009/10/02

انس يوم واسى ايام !!!


فى يوم كنت بلف على المدونات ودخلت مدونه كده فاكره اسمها بس مش هقول عليه صاحب المدونه دى كان بيحكى عن قصه حبه .

المهم كانت قصه غير عاديه بالمره ليه بقا؟؟

لانه هو مسلم وكان بيحب بنت الجيران اللى هى مسحيه المهم صاحبنا ده قرر انه يعمل حركه اجابيه فى الموضوع ده وانه يفاتح فتاته فى الارتباط وانها لازم تحدد يوم علشان يروح يخطبها من اهلها.

لحد هنا وحلو الكلام عداه العيب الصراحه المهم البنت دى هى فتحت بقها من هنا واهلها تانى يوم الصبح لاموا حاجاتهم وسابوا البيت الى غير رجعه والبنت لم تنبث ببنت شفه وصاحبنا ده وقف زى العاجر قدام حبه ومش عارف يعمل حاجه.

انا قريت القصه وكنت فى حيره من امرى مره متعاطفه جدا معاهم هما الاتنين ومره يعجبنى موقف اهل البنت لانهم تعاملوا مع الموقف طبقا للمثل القائل الباب اللى يجيلك منه ريح سده واستريح ومره متعجبه من نفسى انى اتعاطفت مع صاحبنا ده لانه حب بنت مسحيه ومره تانيه اتعجب من نفسى انى باستنكر عليه ازاى حب بنت مسحيه وارجع اقول لنفسى ان القلوب ليس ملك لاحد وانما فقط ملك لخالقها .

بعد فتره نسيت الموضوع خالص وارجع مره تانيه اقابله فى جريده صوت الامه لنفس القصه بنت مسحيه تدخل فى الدين الاسلامى لكى تتمكن من ارتباطها من فتاها المسلم؟؟؟

وبعديها بكام يوم القى عندنا اشاعه ماليه البلد بس العكس تماما بنت مسلمه تتنصر لكى تتزوج بمن تحب اللى هو مسيحى طبعا.

لحد هنا ودماغى بدات تشتغل وتفكر فى الموضوع بطريقه تانيه خالص .

قولت لنفسى اى حد مننا سواء كان مسلم او مسيحى او يهودى او حتى بلا مله فهو مقتنع تمام الاقتناع بدينه ويراه انه هو على حق وانه الدين الحق وان دينه هو اهم وتر حساس فى حياته الذى لا يستطيع احد ان يقتربب منه.

هذا الاقتناع الذى يجعلنا كمسلمين نصلى ونصوم ونعبد الها ونقرا كتابنا الذى لاياتيه الباطل من بين يديه ومن خلفه .هذى الاقتناع الذى يجعل صديقتى جانيت المسيحيه تصلى فى الكنيسه وتقرا الانجيل وغيره من طقوس وعبادات.

وسالت نفسى ايستطيع الحب ان يغيرنا من فطرتنا التى فطرنا الله عليها وان نكفر بما امنا به من قبل واتخذناه دستور لنا فى حياتنا؟؟

وسالت نفسى سؤال اخر وهل يتقبل الله اسلام من دخلت فى الاسلام حتى تتمكن من زواجها من مسلم ؟؟

انا مش عايزه ادخل فى حكايه النيات وانه يجوز للمسلم ان يتزوج بمسيحيه ولكن انا فى حيره اتحت مسمى الحب والله اعلم اذا كان حبا ام وهما يبيع الانسان جميع معتقاداته وايمانه .

ولكن من اسلمت عن دراسه وفهم وعى للدين فهذا شى اخر .

وما موقف من تنصرت حتى تتزوج بهذا المحب الخادع؟؟

فانها سوف تانس بيه يوما وسوف تاسا على حياتها باقى العمر وليس هذا فقط بل انها افسدت دنيتها وباعت اخرتها

اعلم جيدا انى اعانى من اضطراب فى الافكار ولكن هذا الموضوع يشغل حيزا كبيرا فى تفكيرى

ولكن ادعو من بين اصابعه قلوب العباد يقلبها حيث يشاء ان يثبت قلوبنا على دينه وان يميتنا على دين الحق وان يبعثنا عليه.

هناك 27 تعليقًا:

  1. السلام عليكم

    بعد ما قريت مقدرش اقول غير

    اللهم يا مقلب القلوب ثبت قلوبنا على دينك

    ليكى حق افكارك تضطرب لما واحده تبيع

    الاخرة بوهم انا والله اتخضيت

    ردحذف
  2. طب ازغرط طيب علشان انا الاول

    ردحذف
  3. ماهو المفروض افرح برده اول تعليق

    عندك لاول مرة

    ردحذف
  4. طب انا هامشى بقه

    اقعدى بالعافيه

    ردحذف
  5. وااااااااااء
    وااااااااااااااء

    ردحذف
  6. يعني اجي امتى علشان ابقا اول تعليق
    ده مش فات غير ساعه واحده
    وااااااء
    واااااااااء
    وااااااااااااااء

    ردحذف
  7. اما اروح اقرأ بقاوارجع تاني

    ردحذف
  8. السلام عليكم

    بالنسبه للبنت الي اسلمت
    فدي ممكن نقول ربنا هداها
    اما الي تنصرت دي
    فكانت مسلمه في البطاقه الشخصيه بس
    يعني اتولدت لقت باباها ومامتها وديانتها مسلمه
    فأكيد مش متعمقه في الدين
    يعني بالنسبه لها الموضوع عادي
    وده راجع لقلة الالتزام والوعي الديني والقرب من ربنا

    بس هنقول ايه
    الحمدلله الذي من علينا بنعمة الاسلام

    تحياتي

    ردحذف
  9. أزال المؤلف هذا التعليق.

    ردحذف
  10. بخخخخخخخخخخخخخخخخخخخخخخخخخخخخخخخخخخخخخخخ

    ردحذف
  11. كمان بخ عشان يبقوا تلاته

    ردحذف
  12. الموضوع غريييييييييييييب

    ردحذف
  13. اولا يعنى
    كالعاده
    موضوع ملوش حل وش كده
    البنت اللى تسلم عشان تتجوز
    دى مشكوك فى اسلامها برضه
    واللى تكفر عشان تتجوز
    دى خلاص
    معرووف ان الشرك بالله دى حاجه تانيه خالص
    دى لا حب بقى ولا ا حاجه
    عيب قوى قوى قوى يعنى
    عيب ايه
    ده كفر
    مش حاجه عاديه
    بس اولا بقى يعنى
    الواحد بيمشى بعقله
    مش بقلبه ابدا
    بس فعلا انتى قولتى حاجه نهت الموضوع قوى
    وده الحل الاساسى
    الواحد عمره ما يغير دينه عشان اللى بيحبه باللعكس
    يغيره فى حاله الاقتناع بس
    بس كده خلاص
    انا خلصت

    ردحذف
  14. السلام عليكم
    طبعا كل الكلام اللي قولتيه واقعي جدا وحصل فعلا
    وانا اعرف قصص كتير من النوعيات دي
    بنات مسيحيات تسلم وشباب مسيحين يسلموا علشان يتزوجو من مسلمين
    اعتقد ان فيه ناس اساسا فطرتهم ليست سليمه ويخدعوا باسم الحب ودا يخليهم يتركوا دينهم علشان وهم زائف وقصص فاشله
    وانا تذكرت حالا قصه المؤذن اللي لما طلع ياذن شاف بنت مسيحيه ووقع في هواها ولما راح يخطبها اقنعه والدها انه يتنصر
    ربنا يحمي الجميع
    وتقبلي مني خالص التحيات

    ردحذف
  15. السلام عليكم

    حبيبتى ازيك اخبارك ايه يارب تكونى بخير وبصحه كوسه
    بجد موضوع محير وبيحصل كتير قوووووووووووى

    وانا قريت على النت ان ممكن المسلم عادى يتجوز مسيحيه ومن غير ما تأسلم ربنا هو اللى عالم الصح والغلط فى الامو دى
    وربنا يهدينا جمعيآ لما فيه الخير يارب
    دمتى بكل خير
    ايناس

    ردحذف
  16. الصوره دى
    تحففففففففففففففففففففففففففففففه

    ذوقك روعه
    اللى فى المدونه دى
    جااااااااااااامده

    ردحذف
  17. رونااااااااا

    اللهم اميييييييين

    بس دى مش المشكله المشكله انه فعلا فيه حاجه تستاهل ان الواحد يغير جلده علشانه

    ردحذف
  18. مبررررررررروك عليكى الاول والتانى والتالت يا رونا

    ردحذف
  19. مروه ولا يهمك يا عسل

    خيرها فى غيرها ان شاء الله

    ردحذف
  20. مروه

    وعليكم السلام ورحمه الله وبركاته

    معاكى حق فى كل كلمه فى ناس كتير بتكون على الورق بس لكن لم تدخل فى الاسلام بقلوبها

    الحمدلله على نعمه الاسلام وكفى بها نعمه

    ردحذف
  21. زناتى باشا

    جبت من الاخر واختصرت وخير الكلام ما قل ودل

    ردحذف
  22. استاذ ابراهيم

    اه فعلا فى تشابه جامد بين القصتين

    دمت بكل خير

    ونورتنى

    ردحذف
  23. ازيك يا انووووسه

    منوره يا ربنا يارب يسعدك دايما واشوفك منورانى دايما

    ردحذف
  24. متشكره يا مستر زناتى

    ده من زوقك

    ردحذف
  25. ليه بتقولى تفكيرك مشوش ؟
    انت تفكيرك منظم بدليل انه طرح موضوع وطرح جوانب مختلفه له
    وشافه من زوايا عدة
    مفيش شك ان الايمان عن اعتقاد راسخ هو أهم ركائز الدين
    مينفعش ابقى مسلم عشان ابويا وامى مسلمين
    ومينفعش اغير دينى عشان واحد
    الدين دة عقيدة
    لازم لما حد يؤمن بيها ويتبعها انه يكون معتنقها
    وواثق فيها

    ردحذف
  26. عاجبني اوي طرحك الموضوعي في البوست
    المواضيع دي كترت أوي الفترة الأخيرة وعادة ما تصاحبها الإشاعات اللي بتولع الدنيا
    أنا مقتنع أن الحب ميعرفش فوارق ولا حواجز بس احنا برضه مش عايشيين وحدنا في الدنيا
    رايي أن لو الطرفين عرفوا يخلعوا علي بره يبقي أفضل ..لو معرفوش فيفضلوا أصدقاء فقط بينهم كل الود والإحترام
    تحياتي

    ردحذف

قول اللى فى نفسك وعبر عن نفسك