2009/08/09

وان للفشل لمتعة !!!





















































جاتلى دعوه من استاذ محمد مصرى دائما علشان اتكلم فيها عن النجاح والفشل فى حياتى




















بس بستأذنك يا استاذ محمد انا هبدا بالمقلوب هتكلم عن الفشل الاول.










تقدر تقول انى انا والفشل اصحاب معلش هطول عليك شويه فى الكلام استحملنى بس انت اللى جنيت على نفسك










هجبلك من سنه ما كنت فى ثالثه ثانوى كنت شاطره جدا ومتفوقه والحمد لله وكان كل هدفى فى الحياه من وانا صغيره انى ادخل كليه هندسه عمرى ما تمنيت انى ادخل غيرها وفعلا كنت بعمل وبخطط للوصول لحلمى ده ودخلت الامتحانات وكانت كويسه والحمد لله وظهرت النتيجه وكان مجموعى بالنسبه للسنه اللى فاتت هيدخلنى كليه هندسه وانا مستريحه كمان ومش قلقانه من تنسيق ولا حاجه وبعدين تأتى الرياح بما لا تشتهى السفن يحصل فى السنه دى كليه هندسه تزيد مره واحده 3% وما احصليش الكليه على 2 من عشره تخيل !










بينى وبينك انا فى الاول كنت زى المصدومه مش عارفه فرحانه ولا زعلانه ولا ايه مفيش اى رد فعل من نحيتى خالص وبقيت خلاص مش فارق معايا اى حاجه بعد كده احمد زى الحاج احمد واى كليه بالنسبه ليا هتبقى تضيع وقت مش اكتر واهى ايام وبنعشيها على راى الحاج عمرو .










بدات افوق امتى لما دخلت الكليه وبقيت اعدى من قدام كليه هندسه وقتها بس فوقت وعرفت انى زعلانه وكارهه الجامعه باللى فيها نسيت اقولك انى دخلت كليه تجاره انجليزى تلبيه لرغبه عمى لانى سبت الامور لاى حد يختار لانى خلاص مش فارقه معايا .










المهم السنه الاولى ليا فى الكليه والترم الاول بالاخص كنت زى المحطمه نفسيا ومعنويا وعندى حاله لا مبالاه فظيعه اذا كنت جالسه لحالى اسرح فى الا شىء واذا احببت ان انظر فى كتبى تركتها وذهبت لقراه شىء اخر حتى لو مجله ميكى .










يخبرونى اصدقائى ان غدا امتحان احد المواد لا اعبىء ولكن ازداد فى الا مبالاه وادخل الامتحان وانا لا احمل فى ذاكرتى شيا من الماده ولا اعرف شكل الدكاتره ولا احد يعرفنى فى كليتى كل هذا حتى ظهور نتيجه الترم الاول والتى كانت بمثابه الصحوه لى.








ووضوح الرؤيه وكأنى كنت معصوبه العينين.










تظهر نتيجه الترم الاول واروح اشوف النتيجه الاقى نفسى معايا تلات مواد مره واحده تخيل بقا واحده لا تعرف فى حياتها الا التفوق ومره احده تلاقى نفسها قاب قوسين او ادنى من الفشل الذريع انهرت تماما دخلت فى حاله هستريه من البكاء جاءتنى صديقتى فى هذا اليوم وعنفتنى كثيرا وقالت لى ان هذا كان ابتلاء من ربنا ليكى وانتى للاسف ما فهمتيش الرساله وبعدين انتى ليه بتعملى فى نفسك كده خلاص دى اراده ربنا ولازم نرضا بيها علشان ربنا يرضا عنا .










المهم فوقت واتحدت نفسى وقولت لازم اذاكر الترم التانى واطلع بتقدير كمان وفعلا ظهرت نتيجه الترم التانى وانا معظم المواد امتياز مش جيد ولا جيد جدا والحمد لله اتخرجت وانا مرتبه على الدفعه كمان.










تعرف ليه يا استاذ محمد انا نجحت فى الاخر ؟










اولا : لان ربنا رازقنى باصحاب او اخوات بياخدوا بايدك وينصحوك لما تغلط ويقفوا جنبك ويساعدوك ان توصل للى يرضى ربنا عنك ويرضيك انت عن نفسك اصحابى واصدقائى ليهم دور كبير فى حياتى .










ثانيا : نظرتك انت للحياه انا بعد نتيجه الثانويه العامه شوفت الدنيا من وراء نظاره سوداءوكأن الاحلام انتهت وتوقفت عن هذا الحد ولكن عندما بعدت عن عينى تلك النظاره السوداء وبدات انظر للحياه بعين اخرى ادركت الحقيقه وبدات اسعى الى النجاح مهما كانت الظروف










ثالثا : كنت اضع دائما امام نظرى وفى ذكرتى جمله قالها لى احد الاساتذه وانا فى المرحله الثانويه قال لى عندما تحلمى احلمى باشياء كبيره حتى عندما تحققى هذه الاحلام تكونى حققتى اكبر قد منها.










رابعا : ايمانى بذاتى وقدراتى وثقتى بربى ومن ثم ثقتى بنفسى وانى جديره على تحقيق اى شى ما لم يخالف اوامر الله ونواهيه.










استاذ محمد عندما تضع امام عينك الله فى كل شى تجد الله معك فى كل شى افتكر ده اكبر سبب فى نجاحى .










انا الان اعمل موظفه باحد البنوك الاجنبيه وان كنت غير راضيه عن عملى فانا راضيه عن نفسى لانى اعلم جيدا انه سوف ياتى اليوم الذى سوف افك فيه قيود هذا العمل وسوف اعمل ما احبه وسوف انجح فيه لانى احبه ولانى جديره بالنجاح .










لاننا رسولنا الكريم علمنا اذا سالتم عظيما فاسالوا عظيما وانا نجاحى وتوفيقى شىء لن ينقص من خزائن الله شىء فتحقيق النجاح لى بامر الله ليس حلما صعبا .










وطلبى من الله الفردوس الاعلى ليس مستحيلا ما دمت تاخذ بالاسباب وتؤمن بقدره مسبب الاسباب .










استاذ محمد اؤمن وبشده انه من المستحيل ان ترضى ان تعيش على هامش الحياة وكأنه لاوزن لك ولا قيمة . إنه من المستحيل أن تغير ماضيك . . ., وقد يكون صعباً أن تغير يومك , ولكن بالتعليم من فشلك في الماضي وأخطاءك كل شيء ممكن غداً - بإذن الله - لأن قدرتك غير محدودةعلى الإطلاق , . . . غير محدودة . . . غيرمحدودة .










التخطيط الجيد لافكارك الصغيره قد تحقق منها احلام كبيره قد يكون المطعم بدايه لسلسله مطاعم لان بدايه الغيث قطره ومشوار الالف ميل يبداء بخطوه.










انهى كلامى معك بجمله تركتها فى مدونتك




















TO BE OR NOT TO BE DEPENED ON YOUR SELF










IMPOSSIBLE IS NO THING
LET YOUR DREAMS SKY LIMIT

هناك 15 تعليقًا:

  1. انا برده جاتلى الدعوة وان شاء الله احاول بقدر المستطاع اقولها ان شاء الله
    بجد سعدت بحياتك وباسلوبك قووى لهذة الدعوة

    ربنا يوفقك يارب ويسعد قلبك اللهم امين
    وكل سنه وانتى بالف خير

    مودتى

    ردحذف
  2. السلام عليكم

    كل سنه وانتى طيبه يا حبيبتى

    ربنا يسعد قلبك يارب

    بوست جميل وفى الاخر ياقمر

    كله نصيب

    تقبلى تحياتى
    فى حفظ الله

    ردحذف
  3. السلام عليكم
    ------------

    أولا كل سنه وانتي طيبه

    فعلا ان للفشل لمتعه

    ربنا يوفقك ويسعدك

    ويبلغنا جميعا شهر رمضان

    تحياتي

    ردحذف
  4. الموضوع على بعضه
    روعه
    وجميل جدا
    انا قريته بتمعن عشان اشوف شعورك ازاى
    وفعلا
    كلامك صح جدا
    وخصوصا بتاع الفشل اللى كان قريب
    مبينفعش ساعتها غير اللى فعلا بيخافوا علينا بجد
    مش صاحبك وقت المصلحه
    ووقت الشده
    انا مروح
    البوست دى من اجمل بوستات انتى كتبتيها
    ربنا يكرمك ويرزقك الرضا عن نفسك وعن حياتك

    ردحذف
  5. السلام عليكم

    الله الله

    التدوينة جميلة جداً ، شخصياً استفدت كثيراً منها.

    في لاعب تنس سويسري اسمه فيدرر ، قال لو لم أذق طعم الفشل في بطولة استراليا المفتوحة لما حققت المجد في بطولة رولان جاروس ، استوقفتني كلمته لأن المتابع للتنس يعلم أن هذا البطل أسطورة ، فلو أنه قال فعلته باجتهادي أو تغيير خطتي دونما التطرق لفشله السابق لما لام عليه أحد ولكنه يأبى إلا أن يكون بطلاً ومعلماً أيضاً.

    أنا فخورٌ بك أختي الفاضلة فتقبلي دعائي وخالص أمنياتي.

    ردحذف
  6. اولا شكرا لتلبية الدعوة
    ثانيا كل سنة وانتى طيبة
    ثالثا موضوعنا بقى
    تعرفى انى مريت بتجربة قريبة منك
    فى الثانوية العامة كان كل املى انى اخش كلية سياسة واقتصاد
    بس حصل انى دخلت كلية التجارة برضه لاسباب كتير
    اهمها ان والدى كان مانعنى انى اشوف الناس لماحصلى كبت ولما خرجت للناس شفت عالم غير العالم خلانى غريب نفسه يشوف دنيا
    دخلت كلية التجارة نجحت اول سنة بتقدير جيد جدا
    تانية وقعت سنة وراها سنة وده طبعا لانشغالى بالشغل
    واخيرا فقت من اللى انا فيه لما لقيت اصحابى بيتخرجوا
    ساعتها بس قلت يمكن السنتين اللى وقعت فيهم ابتلاء ويمكن ربنا بيقولى ادامك فرصة سنتين
    من ساعتها قررت التوكل على الله والعمل الجدى والحمد لله عديت السنة دى وربنا يسهل
    ونيتى انى اخش شعبة اقتصاد عشان اعوض الكلية اللى كان نفسى فيها
    انا حاسس انى طولت عموما
    فى مقولة حلوة بتقول"الخطر الاعظم لا ان يكون هدفك صعب التحقيق وانما ان يكون سهلا بسيطا متواضعا يسهل تحقيقه" مايكل انجلو
    ياريت تركزى فيها

    عذرا للاطالة

    منى سلام مصرى دائما

    ردحذف
  7. انت لسه هنا؟


    لا لا تعالى بسرعه عندنا


    تيمون وبوبما عايزينك


    كل ما تضحك اكتر كل تاكل بطاطا اكتر

    هاكونا مطاطا

    مش هتقدر تغمض عنيك

    هاكونا مطاطا هديتنا لكل المدونين عشان نخرج من حاله النكد

    هاكونا مطاطا تهييس للصبح

    هاكونا مطاطا ... لااااا للملل


    هاكونا مطاطا... قول لاء للهم

    هاكونا مطاطا.... اوعى تزعل ابدااا

    هاكونا مطاطا... ارمى الماضى ورا ضهرك


    انسى الماضى اللى يغيظ


    يلاااااااااا تعالى مستنى ايه

    وياريت تضيف اللينك عندك
    ومش هتندم ابدآ

    مودتى

    ردحذف
  8. عاوز تعرف دينك اكتر

    وكمان ازاى تكسب ثواب وحسنات فى نفس الوقت

    تعالوا زروروا مدونه طــ الجنه ـــور

    اللى هدفها زياده الثقافه الدينيه وكمان خدمه الاسلام

    عاوزين تعرفوا ازاى تخدموا اسلامكم انتوا كمان وتكسبوا ثواب

    تعالوا وهتشوفوا بنفسكوا

    ردحذف
  9. تعرفى انا تقريبا حصل لى نفس اللى حصل لك فالاول
    مع فارق بسيط انى لحد دلوقتى مستسلم بس بنجح يدوب مقبول و السنة دى معايا مادتين همتحنهم فالتخلفات
    الاهم من كل ده انك تفكرى فاللى بعد كده
    بس بجد بحييكى على اصرارك
    ربنا يوفقك فحياتك ن شاء الله

    تحياتى
    اسلام

    ردحذف
  10. لا يوجد شئ اسمه فشل بل تجارب سيئة
    سر النجاح هو القرار السليم
    والقرار السليم ياتي من الخبرة
    والخبرة تاتي من قرارات سيئة

    من ذاق طعم الفشل لابد ان يعرف طريق النجاح

    "وطلبى من الله الفردوس الاعلى ليس مستحيلا ما دمت تاخذ بالاسباب وتؤمن بقدره مسبب الاسباب "
    كم اعشق الجمل المنطقية الرافضة لكل ما هو تواكل .. اشكرك على توكلك وعدم تواكلك ...

    ربنا يوفقك دايما
    فيدرر كده شكله بيقرا لابراهيم الفقي وكريم الشاذلي ههههههههههههههههه

    كل سنه وانتى طيبة وكل العرب والمسلمين

    ردحذف
  11. السلام عليكم ورحمة الله


    كل عام وأنتم بخير

    ردحذف
  12. السلام عليكم.. كل عام وأنت بخير.. أنا مسلم.. نعم اسمي مسلم.. أنا سعيد والحمد لله بميلادي مع شهر رمضان المبارك وسأكون سعيدا أكثر بزيارتك..

    ردحذف
  13. كل سنه وانى طيبه ياروح قلبى

    رمضان كريم

    ردحذف
  14. مش ممكن
    انتى بتكتبى قصتى
    نفس الموضوع

    انا بقى اتظلمت فى الثانوى فى 4% ومجتش هندسة
    دخلت تجارة انجليزى
    الترم الأول جبت جيد مش عارف ازاى
    الترم تانى سقطت

    اه انا دلوقتى عايد سنة اولى
    شفتى بقى
    ليا حق اكره نفسى واتخنق ؟

    ردحذف

قول اللى فى نفسك وعبر عن نفسك