2009/08/07

رمضان زمان



















كل سنه وانتوا طيبين وربنا يبلغنا جميعا شهر رمضان ويبلغنا ثواب ليله القدر ويجعلنا من عتقائه ان شاء الله.







امبارح كان ليله النصف من شعبان كل سنه وانتوا طيبين الليله دى فكرتنى بذكرياتى مع شهر رمضان ايام الصبا .







زى الايام دى واحنا صغيرين كانوا يتلموا عيال الشارع كلهم اللى مش عارفه راحوا فين مره واحده اختفوا وبقيوا ناس كبيره كده دمهم تقيل وشايلين الهم عالطول وانا واحده منهم كبرنا مره واحده اللى بقى دكتور وسافر السعوديه واللى سافر الكويت واللى سافر مصر يشوف رزقه واللى غير بيتهم واشسترى بيت جديدالمهم شارعنا كان فيه اكبر تجمع لنسبه عيال فى البلد مش عارفه راحوا فين تاهوا وسط الزحمه المهم سيبكم من عمليه البحث عن العيال دول وتعالوا اتحسروا معايا على الزمن الجميل .







كنا زى الايام دى بالظبط نطلع الكتب القديمه بتاعتنا ونجيب قص ولزق والوان شمع والوان ميه ونجيب دقيق وحله ونقعد بقا نقص ونلزق بالعجينه اللى عملناها من الدقيق واللى قبل ما تاخد الدقيق مين بيتكم خدت معاهم كلمتين حلوين من نوعيه ايه لعب العيال ده حرام عليكم دى نعمه ربنا حرام تعملوا كده لكن على مين هنزين الشارع يعنى هنزينه.






وبعد ما نخلص من عمل الزينه نيجى بقا للهم الكبير اللى هو الفانوس كنا احنا انا واخويا الوحيدين اللى فى الشارع اللى عندهم فانوس كبير حديد واللى كان تزينه بس عايز ميزانيه دوله بالنسبه لينا كعيال لا تملك الا تمن كيس كابوكى او مصاصه سلاحف النينجا فكنا نجمع من عيال الشارع كلهم ونطلع على مكتبه الطالب دى المكتبه اللى اول شارعنا ونشترى منها ورق قزاز اصفر واحمر واخضر وكهارب صغيره وكنا نخلى عمى بلبل جارنا المسيحى يزين لينا الفانوس .






وبعد ما نزينه وكنا اصحاب وحبايب نقلب على بعض ونتخانق وهاتك يا عياط وزعل ليه بقا علشان كل واحد فينا عايز الفانوس قدام بيته هو احنا انا واخويا بما اننا اصحاب ملكيه وباقى عيال الشارع بما انهم دافعين فلوس تزينه لحد ما افتكر فى مره عمو بلبل اقترح علينا اننا نعلقه فى نص الشارع وعلشان يرضينا كلنا خلانا كلنا نربط الفانوس بحبل طالع من بيت كل واحد فينا وبكده بقينا تمام.






وبعد ما نخلص من شارعنا نقعد نغيظ فى عيال الشارع اللى ورانا ونقلهم شارعنا احسن منك هه هه ونعيط ونخرب الدنيا لو حد فيهم عيب على شارعنا.






اما بقا يوم رؤيه الهلال فدى الليله الكبيره كنا نتجمع كلنا فى الشارع مستنين نسمع التكبير من الجامع واول ما نسمع التكبير نشتغل بقا حلو يا حلو رمضان كريم يا حلو فك الكيس وادينى بقشيش لتروح ما تجيش يا حلو.






وبعدين نسهر فى الشارع زى المتشردين مستنين عمو محمد المسحراتى يعدى ويا وعده لو نده اخويا باسمه وانا لا او نده علينا والجيران لا المهم الراجل كان بيخاف يعدى من شارعنا بسبب العيال الختته اللى هما احنا .






تعالوا بقا لاول يوم صيااااااااام ده كان يوم الخناقات والكدب العالمى.






لو بس اكتشفنا انه فى حد من العيال فاطر مش صايم النهارده كانوا عيال الشارع كلهم يخرجوا فى مظاهره لفضح امره وهما بيهتفوا باعلى صوتهم.






يا فاطر رمضان يا خاسر دينك كلبتنا السوداء هتاكل مصرينك






وياسلالالالام لو واحد مننا قال انه صايم وهو اصلا واكل وشارب فى بيتهم يروحوا العيال بقا بسرعه يقولوله طيب طلع لسانك كده علشان نعرف انك صادق ولا بتكدب علينا .






وكان همنا اول ايام رمضان هومعرفه مين صايم ومين فاطر.






اما بقا الاختراع اللى اخترعه عيال شارعنا هو صيام الحجه بمجرد ما تسال حد انت صايم ولا فاطر يقولك اه انا صايم بس صيام الحجه افطر واتغدء.






ولا اخر الايام بقا ايام الكعك والبسكوت نقول احنا عيال لازم نفطر علشان نعرف البسكوت ناقص سكر ولا مظبوط.






بيتنا احنا بقا فى رمضان كان ليه جو خاص جدا ومميز عن باقى بيوت الشارع ليه بقا؟






لاننا كنا بنجيب شيخ يقرا قران من بعد صلاه العشاء لحد السحور وناس الشارع كلهم يجيوا يراجعوا القران معاه وكنا بقا المشاريب كلها اللى تخطر على بالك قرفه بسمسم وشاى بنعناع وكاكاو بزنجبيل المهم كل حاجه.






وفى نهايه الشهر يعمل مسابقه لينا عيال الشارع اللى حافظ جزء او حديث وكنا ناخد هديه منه الله يرحمك يا شيخ عبد الناصر.






نسيت اقولكم ان اولاد الشارع كانوا بينظموا دوره كوره والبنات كان دورها انها تغرقهم بالميه وهما بيلعبوا.






وكنا بنعمل مسابقات ثقافيه والفريق اللى يفوز كان ياخد عدد ابطال فلاش الجديد او عدد صرخه الرعب






اصلى عيال شارعنا كانوا مثقفين كان اكبر تجمع للقصص والمجلات والكتب تلاقيه فى شارعنا يوم الجمعه فى العصر ونقعد نبدل مع بعض.






اااااااااااااااااااااااااه رمضان كان زماااااااااااان






دلوقتى تعالوا شوفوا شارعنا قد يكون بلا روح ولا حياه والعيال اللى كانوا هما روح الشارع وبسمته سرق الزمان منهم بسمتهم ورسم على وشه تكشيره .






ورمضان يجى ويروح ولا حد فينا يعرف التانى ده حتى احنا نسينا شكل بعض كنا ازاى وبقينا ازاى.






من سنتين بالظبط جاء رمضان وبصيت للشارع وافتكرت زمان وافتكرت اللى كنا بنعمله وحالنا دلوقتى شارعنا بلا اى مظاهر احتفالات فقولت لنفسى ما احاول ارجع الزمان اللى فات وازين شارعنا لانه يعتبر الوحيد اللى مش مزين فى البلد المهم روحت ندهت على الجيران وعرضت عليهم الفكره ووافقوا وكانوا فرحنين وجمعنا الفلوس بس ما لقيناش حد يزين لينا الشارع قولت فينك يا عم بلبل وعرفت ان لكل وقت اذان وعرفت انه فرحت رمضان خلاص مش هنحسها تانى اهم حاجه نفرح لما نكون من عتقائه واهم حاجه نفرح بعملنا الصالح فيه ونفرح برضا ربنا عنا












دلوقتى انا بفكر اعيد المحاوله بس مش عارفه هنجح ولا لا






ودلوقتى اسيبكم مع المسحراتى













اصحى يا نا يم وحد الدايـــــم





و قول نــويت





بكره ان حييت





الشهر صايــم





و الفجر قايــم





اصحى يا ناي





موحد الــرزاق





رمضان كريم
مسحراتــــــــىمنقراتـــــــــــى





يقبل صلاتـــــى اله رحــــــــيــم





لا تقولوا شاعــرو لا مــــــــغن





ىتقولوا عـــــــنىكان عبد شاكـــر





قلبه سليــــــــــم





لا صوته يعــلىعلى اليــــــــتيم





ولا عمره ينسىو لا يناجـــــــىمع اللــــــــــئيم





و كان يجــــــدد و كان صمــــيم





حفظ حماســـــه جاور تمـــــــيم





باسم العــــروبه حبال طــــروبه





ناديت على الدنيا و الصدىجاوبنى من آخر المــــــدى





يا شوقى للكل





ريحة الـــــفل





فى النـــــدىفى كل طــــيب





انسان اغــــيب





عقلى و اهـــي





مو امشى الليالىرمضان كريـم





عارف تراب الوطن نعيم
المشى طاب لــــىو الدق على طبلى





ناس كانوا قبلــــىقالوا فى الأمثـــال :الرجل تــــــدب مطرح ما تحب
و انا صنعتى مسحراتى فى البلد جوال





حبيت و دبيت كما العاشق ليالى طوال





و كل شبر و حته من بلدىحته من كبدىحته من موال :
يا أمهات المؤمنين هننوا





و يا بنائين غنواالمؤمنين بالرغيف و الماء يتهــــــــــــنو





او لا يتولد طفل الا يلتقى الأحــــــــــضان





و ريحه من رمضان و ايدين تشيل عـــنه
اصحى يا نايـــم وحد الدايـــــم





السعى للصـــوم خير من النوم





دى ليالى سمحه نجومها سبحه





اصحى يا نايــم يا نايم اصحىرمضان كريم

هناك 4 تعليقات:

  1. هييييييييييييييييييييه

    انا اول تعليق ياجدعاااااااااااااااااان

    ردحذف
  2. السلام عليكم

    صباحاوك سكر يا سكر

    كل سنه وانتى بالف خير انتى والاسره الكريمه بمناسبة قدوم شهر رمضان المعظم اعاده الله علينا وعليكم بالخير واليمن والبركات

    الله على كلامك الجميل بجد رجعتنا للزم الجميل فين صحيح ايام زمان مش هتتعوض ابدآ عمرها

    بجد خلتنى عشت اجمل اللحظات الجميله دى وكأنى رجعت 20 سنه للوراء
    ابدعتى وابدع قلمك

    مودتى
    انوسه

    ردحذف
  3. يا حبيبت قلبى مبروك عليقى الاول والتانى والتالث دايما كده سابقاه بالخير طبعا
    وجزاكى كل خير عنى دايما رافعه من روحى المعنويه يخليكى ليا يارب ويجعلك منورانى دايما ويسعدك ويوفقك ونفرح بيكى قريب ان شاء الله

    وكل سنه وانتى طيبه

    يالا سلام يا قمرى

    ردحذف

قول اللى فى نفسك وعبر عن نفسك