2009/07/25

اوعا وشك !!


عمرك اتعرضت لنصبايه قبل كده من حد ؟ او اضحك عليك؟ او او


طيب شوفت فيلم اوعا وشك ؟


طيب نصبت على حد قبل كده حتى ولو من باب الهزار؟


ها معقول محدش اتنصب عليه ده حتى احنا فى مصر


مصر هبه النصب والنصبين.


تعالوووا هنا


رايحين فين


حكيلكم على اهم موقف حصل معايا الاسبوع اللى فات وانا فى


بنت المعز لدين الله الفاطمى






كنا طالعين من الشغل بعد عمل من الساعه 8صباحا الى 8 مساءا شبه اموات وعصافير بطننا تكاد تكون قربوا يخلصوا على بعض من كتر المجاعه اللى هما فيها لاننا يادوب على سندوتيش فلافل من الساعه 7 الصبح.


صحبتى بتقولى انا هموت من الجوع نعمل ايه وانا مش عندى صبر نتصل بمؤمن او كنتاكى اقرب حاجه لينا دول عقبال ما يوصلوا هكون موت انتوا عارفين طبعا الجوع كااااااااااااااااااااااافر وابن تييييييييييييييييييييت كمان.


المهم انا كمان كنت زيها بالظبط ويمكن اكتر كنت فاصله وسلوكى ضربت على الاخر وماشين زى المساطيل فى الشارع قولتلها بصى على اخر الشارع ده فيه فرع لمطعم جاد تعالى ناكل اى حاجه هناك وخلاص ونروح بسرعه علشان نلحق نصلى المغرب قبل العشاء ونناااااااااااااااااااااااااااااااااااااااااام.


روحنا جاد وكالنا فراخ بانيه وما ادراكم ما الفراخ البانيه وانا بكولها افتكرت زمان وانا صغيره كان عندى لعبه المطبخ اكيد عرفينها اللى فيها حاجات شبه الاكل بلاستيك وكان فيها ورك فرخه المهم الفراخ البانيه بتاعت جاد كانت عامله زى البلاستيك ملهاش حل بس تقول ايه الجوع كااااااافر هتاكل يعنى هتاكل مش وقته خالص دلوقتى انك تفكر فى اللى بتاكله ده ايه ( الغربه مرررررررررررررره يا جدعان).


المهم كلنا وحمدربنا وحبسنا بكنز سبريت بتاعت لمون اكتر من كتر اللمون اااااه بتلسع.


اكيد انتوا بقا عارفين احساس لما تكونوا جاعنين وهتموتوا من الجوع وبعدين تاكلوا زى كده سكرات الموت والموت انت خلاص موت فعلا .


ماشين فى الشارع مروحين الفندق اللى احنا نازلين فيه واحنا اكيد ميتين دلوقتى الاول كنا شبه اموات دلوقتى موتنا فعلا


نلاقى واحد طلعلنا من تحت الارض متعرفوش ازاى وانا ابص لصحبتى ولسان حالى بيقول هما بيطلعوا امتى .


المهم الاخ ده هاتك يا كلام حضرتك احنا بنحتفل باليوبيل الذهبى للشركه وبنقدم عروض جميله جدا ولازم حضرتك تدخلى تتفرجى ومش عارف ايه بينى وبينكم عامل زى الشريط اللى ما صدق حد عمله play ومش راضى يتسد وكان نفسى ادوس على الزرار بتاع pause علشان يسكت لكن مفيش فايده.


المهم دخلنا معاه الشركه على فكره هى شركه كبيره بتاعت ادوات منزليه فى وسط البلد المهم دخلنا ركزوا بقا فى اللى جاى ده.
اول ما دخلنا لقينا انسه امورهكده فى انتظارنا وفتحت الشريط هى كمان ملخص الكلام انها اول ما شفتنا قالتلنا مبروك انتوا كسبتوا اسبوع فى احدى قرى شرم الشيخ ومصاريف الاقامه علينا بس الاكل والشرب عليكم وكمان فوزتوا معانا بجايزه من الجوايز دى كانت حاجات كتير كده مكوه واستشوار شعر وطقم تلاجات حاجات كتير .
وبعدين سالتنا عندكم استعداد تستلموا هديتكم؟
عايزه اقولكم احنا كنا ساكتين بنسمع بس وبنبص لبعض المهم انا هنا فوقت وبدات استوعب ان احنا بيتنصب علينا روحت غمزت لصحبتى انها تتكلم تقول اى حاجه تقولها استنى لما اتصل بيهم فى البيت.
احنا جبنا سيره البيت ونلاقى البنت قلبت وشها وكشرت عن انيابها وقالت شكرا يا جماعه العرض كان مره واحده والفرصه مره واحده لا اه لا لا مش هاخد راى حد اتفضلوا مع السلامه!
انا وصحبتى خرجنا واحنا فى قمه الذهول.
لحد الان لسه ما فوقنا .....................................بس ده اخره السطله اللى كنا فيها
حاسبوا انتوا بقا يتنصب عليكم
ودمتم بكل خير






هناك 22 تعليقًا:

  1. ههههههههههههههههههههه

    احجز وارجع

    بسررررررعه

    اوعا وشك

    عاااااااااااااااااااا

    ردحذف
  2. ايد ده بقا هو انا اول تعليق

    لو لو لو لو لو لو لو لو لو لو لو لو لو مليوووووووووووون مبرووووووووووووووووووك

    يا بت يانوسه

    وعقبالكم يامدونين وايييييييييييييييييه

    ردحذف
  3. ههههههههههههه

    تعرفى هما بالكلام بيقول كتيرررررر قووى بس ساعة الفعل خلاص
    ربنا ينتقم منهم وده زاء اللى مش يسمع كلمة ماما تقولها

    واوعا وشك
    وابقى قبلينى فى الحلقه الجايا

    هع هع هع هع

    ولا اقولك

    هق هق هق هق هق

    ردحذف
  4. السلام عليكم

    البطالة تعمل أكتر من كده ...والأمر من النصب قلة الشغل

    ترجعي بالسلامة إن شاء الله

    ردحذف
  5. قلة الضمير وده عادي

    تعالي شوفي الجماعة الصينيين عندنا بيمروا علي البيوت ويشوفوا لو حد عايز يحلق شعره ويقص ضوافره
    هههههههههههه

    ردحذف
  6. طب كويس على السطله دى كان فيكى عقل تشوفى والا تفكرى
    والاحلى كويس انك لسه فاكرة حاجه تقوليها وتكتبيها

    المهم انت قدامك قد أيه كمان وراجعه امتى
    عشان وحشتينى يا قمرايه
    أموووواة بوسه كبيرة من الصعيد اهى عشان متحسيش بالغربه لحد ما ترجعى
    ترجعى بألف سلامه يا جميله

    ردحذف
  7. صباح النصب
    والمصحف كنت مستنى جزء الخمسين جنيه اللى بتتقطع نصين
    والنص التانى
    تستلميه بعد الحفله بتاع الجوايز
    هههههههههههههه
    والله موقف تحفه
    عليا النعمه زى العسل
    بس لو حصل معايا
    هوافق
    اديلوا
    معندناش تفاهم
    او بصى
    قوليلها لا
    انا هاخد حاجه من هنا والسلام
    كويس انك متنصبش عليكى
    انا كانت هتحصل معايا مره
    واحده اتصلت
    بس انا كبستها
    والموضوع ده جابلى ذكريات
    احتمال احطها فى المدونه
    تسلمى يا حاجه على النصب المبدأى ده

    ردحذف
  8. السلام عليكم
    -----------

    يااااااه ده انتي هتشوفي من ده كتير
    والموقف ده حصلي وانا راجعه مره من الكليه
    واحد سأل سؤال وقال اختيارين وانا قصدت اقول الغلط
    وهو مصمم اني اراجع نفسي وفي الاخر قالي مبروووك
    فوزتي معانا
    تعالي معايا بقى علشان تاخدي الجايزة
    هههههه


    ربنا يرجعك بالسلامه وتنوري بلدك قبل ماحد يحتلها


    تقبلي اول مرور لي بمدونتك الجميله
    تحياتي

    ردحذف
  9. وتقوليلي راجع نصايح زمان
    ومتروحش مع حد طب ادينا طلعنا قرايب اهو
    وبنروح زي بعض
    ههههههههههههههههههههه
    حمدا الله على السلامه

    نورتي مصر

    سلااااااااااااااااااااام

    ردحذف
  10. السلام عليكم ورحمة الله وبركاته

    لا ده في من ده كتيــــــــر ..الواحد لا بيه ولا عليه..يلاقي ناس بتبارك له وفزت بالجائزة..!!
    وساعات على تليفون البيت كمان ...
    وفعلا زي ما بتقولي كده راديو واتفتح ومحدش هيقدر يقفله ههههههههههههههههههههه..احنا بنمشي ونسيبهم هنعمل ايه بس...
    اما بقى احساس الأكل بعد الجوع الجامد ده ...حكاية تانية ..الواحد بيحس انه بيموت فعلا ...

    وخدي بالك بعد كده..
    وان شاء الله ترجعي بألف سلامة

    ردحذف
  11. امسك حرامى

    مدونتك جميلة

    احلى حاجة اننا ننسى ولا كأن حاجة حصلت اصله

    مكتوب علينا وربنا مايخليكى تشوفيها تانى

    منى سلام

    مصرى دائما

    ردحذف
  12. جميل جميل

    انا زى حالاتك برده متغرب في قاهرة المعز لدين الله الخليلى

    بس لسة متنصبش عليا

    ^_^

    اوعى وشك

    ردحذف
  13. انوووووووووووسه

    مبروووووك عليكى اول تعليك وتانى والتالت كمااااان المدونه مدونتك ياقمر

    ومنوره وخالى بالك احسن يتنصب عليكى زينا

    يالا منوره كمان مره وسلام

    ردحذف
  14. دكتور هيثم

    الله يسلمك من كل اذى

    وفعلا البطاله والفراغ القاتل وانعدام الزمه والضمير وغياب الاخلاق والواعظ الدينى يسبب اكثر من كده


    دمت بكل خير ولك خالص تحياتى
    والسلام ختام

    ردحذف
  15. احمد بك الصعيدى

    منور يا شاعر يا كبير

    اه والله زى ما مصر هبه النيل وهبه النصب كمان انضم اخيرا لانعمنا

    مصر هبه الصين والصنيين
    هههههههه

    دمت بكل خير
    والسلام ختام

    ردحذف
  16. صديقتى وجارتى وحبيبه قلبى العزيزه صفاء صاحبه ارق قلم وانقا قلب

    انا فوقت مره واحده تحسينا كنا ضاربين حاجه كده ومفعولها انتها فجاه

    اهوه الحمد لله على كل حال

    انا حاليا فى بلدى بس ان شاء الله هرجع كمان بعد اسبوعين لبنت المعز

    شكرا جدا على اهتمامك وسؤالك العزيز
    ولكى خالص حبى ودعواتى
    والسلام ختام

    ردحذف
  17. الزناتى خليفه

    منور يا هندسه والله انا كفايه انى فوقت وعرفت اطلع منها كنت عايزينى افكر انى كمان اقولها انى اخد حاجه من دول ما افتكرش انهم هيوافقوا على ما اظن انهم كان تفكيرهم انهم ياخدوا حاجه مننا وبعدين يدونا تذاكر مضروبه او على الاقل ناخد التذاكر وتروح هناك تدور على القريه اللى هما حاجزينلك فيها واللى هيا المفروض انك هتخترها ده حسب كلامهم يعنى يقولولك منك لنفسك عيش
    وبيس يا مان


    الحمد لله انها عدت على خير
    وانا فى انتظار ذكرياتك مع النصب

    والسلام ختام

    ردحذف
  18. sweet angel

    هههههههههههههههههههههههههههههههه

    والله العظيم عسل
    تقريبا احنا فى مصر مش بنلاقى حاجه نقول عليها مبروك غير فى النصب فى اى وقت واى مكان حد يطلعلك من تحت الارض رسملك على وشه ضحكه لابشكيرى ويقولك مبروك وما تعرفيش على ايه بس اهو

    يالا سمعينى سلام باركوا وهنوا سواء واتمنوا لصفاء ابو السعود

    ههههههههههههههههههههههههه

    دمتى بكل خير وسعيده جدا بزيارتك
    والسلام ختام

    ردحذف
  19. الشنكوتى الكبير

    ههههههههههههههههههههههههههههه
    طب ليه الفضايح دى انا قولت انك هتعديها وهتسبنى اعيش دور الواعظ والامر بالمعروف والعقل المدبر والناصح وال..................... الى اخره من امور الفكاكه

    مصر منوره باهلها
    تحياتى
    والسلام ختام

    ردحذف
  20. المطعم وشركاؤه منورررررررررين جداااااااااااااا

    وبمناسبه الاكل والطعميه السخنه
    ممكن سندوتيش بانيه بس ياريت تكون لحمه مش بلاستيك ولا اقولك

    خليها طعميه سخنه احسسسسسسسسن

    منوره يا قمررررر

    ردحذف
  21. مصرى دائما


    اهوه الحمد لله على كل حال

    ولو كنا عملنا بنصيحتك وعيشنا فى اجواء الحب ما كانيش حد هينصب على حد ولا حد هيحب حاجه وحشه تحصل للتانى يالا دنيااااااااااااا

    منورنى ونحب نشوفك دايما
    ولك تحياتى
    والسلام ختام

    ردحذف
  22. محمد

    خلى باااااااااااااااااااااااااالك

    اصلا فى الشغلانه بتاعتك على ما اظن انك customerservise

    دى اكتر شغلانه فيها نصب فخلى بالك لحد ينصب عليك
    وعلى فكره حلووووو جدا انك تكون بتدرس وبتشتغل بحيييييييك جداااااااا
    وربنا يوفقك فى كليتك وحياتك
    والسلام ختام

    ردحذف

قول اللى فى نفسك وعبر عن نفسك