change wanted

المشهد الاول:

استيقظ فرحات كعادته بعد الظهر ونظر فى المرايه وراء وجه العابس وذقنه الطويله وشعره الطويل وفى اثناء ذلك كان فيه توك توك معدى من تحت بيتهم تنبعث منه اغنيه ابص لروحى فجأه لقيتنى لقيتنى كبرت فجأه ......... قوليلى ايه يا مرايتى قوليلى ايه حكايه ما تكونيش دى نهايتى واخر قصتى..................

خرج الى الصاله فوجد امه وابيه يجلسون فنظر اليهم نظره عابسه وخرج دون ان يتفوه بكلمه واحده.

المشهد الثانى:

فى طريقه الى المقهى بداء يتحدث الى نفسه بانه كره حياته ولابد له من الخلاص من نفسه.

المشهدالثالث:

يجلس فرحات وينده على القهوجى ليحضر له الجورنان وسندويتشات وكبايه شاى وقبل ان يذهب القهوجى لاحضار الطلبات ادار الراديو على اذاعه نجوم fm ليأتى الصوت منها الى اذان فرحات

كتاب حياتى ياعين ما شوفت زيه كتاب..................

المشهد الرابع:

يقرا فرحات الجورنان وتقع عيناه على خبر. ترحيب عالمى بشعار اوباما خلال حملته الانتخابيه change wanted

انتهاء فرحات من قرات الجونان ومازالت الكلمه فى راسه وفكر فيها جيدا وقرر اعلان الثوره على حياته وصاح باعلى صوت

اناااااااااااااااااااااااااااااااااااا لازم اتغيييييييييييييييييييييييييييييييييييييييييير .

المشهد الخامس:

يبدا فرحات فى مرحله الاعداد لهذا التغير دورات انجليزى وكمبيوتر وتنميه بشريه و..... ده طبعا على المستوى العلمى .

على المستوى الشخصى حلق ذقنه وشعره وهندم من نفسه وحسن علاقته باهله واصحابه وقبل ده كله علاقته بربه بيصوم كل اثنين وخميس والفروض فى وقتها .

ووسط ده كله مقطعش علاقته بالقهوه كان لازم يعدى عليها ويستمع للراديو الى هناك واللى كمان اتغير وبقى بيبث اغانى كلها حماس .

شد الحزام على وسطك غيره مايفيدك لابد عن يوم برده يعدلها سيدك إن كان شيل الحمول على ظهرك بيكيدك أهون عليك ياحر من مدت إيدك ............

المشهد السادس:

يبداء فرحات فى مرحله التنفيذ العملى ويبحث عن وظيفه علشان يقدر يكون نفسه وبداء فى السعى والحركه ما زى مابيقولوا

الحركه بركه واسعى ياعبد وانا اسعى معاك.

ولكن باءت المحاولات بالفشل لم يوفق فى الحصول على وظيفه لان كل الشركات طالبه سنوات خبره ومنين فرحات يجيب سنوات الخبره دى.

المشهد السابع:

يجلس فرحات هو وصديقه بشير على القهوه ويدور بينهم هذا الحوار.

فرحات: والله يا بشير الواحد غلب فى الدنيا دى مش عارف يعمل ايه ؟

بشير: معاك حق يا صاحبى احنا ما خلاناش حاجه الا وعملناها قالوا اللغه والكمبيوتر مطلوبين خدنا وصرفنا دم قلبنا وفى الاخر يقولونا سنوات خبره طيب نجيبها منين دى كمان احنا معانا سنوات خبره فى القهوه بس .

فرحات: مش عارف يا صاحبى الدنيا قفلت فى وشى تماما مش عارف اقولك ايه .

بشير : بس انا عارف .

بقولك ما تيجى نسافر واهوه يبقا عملنا اللى علينا مش ربنا برضه بيقول وامشوا فى مناكبها وكلوا من رزقه واليه النشور.

فرحات : صدق الله العظيم . بس هو احنا لما نقول نسافر يبقا هنسافر كده من الباب للطاق السفر ده مش عايز فلوس ومصاريف ودوشه ؟

طيب ونجيب منين ما انت عارف البير وغطاه .

بشير : تدبر ياعم نبيع اللى نقدر نبيعه ونستلف من اى حد المهم نسافر ولما نرجع ربك يعدلها .

فرحات : يعنى ما فيش حل تانى عندك؟

بشير : لو انت عندك حل تانى الحقنى بيه بس ده الموجود فى دماغى وانا كمان اعرف واحد صاحبى هيخدمنا فى الموضوع ده ونشوف رزقنا ياعم واله احنا مالناش نفس نعيش زى الناس .

فرحات: خلاص ياعم اتوكلنا على الله .

المشهد الثامن:

يعرض فرحات فكره السفر على والديه يرحب بها ابيه ولكن امه تعارض تماما.

المشهد التاسع:

يظهر فرحات وبشير ومجموعه من الشباب فى مركب فى عرض البحر وتدور فى راسهم احلام ورديه ويمنون انفسهم بمستقبل باهر ويبنون بيوتنا يحصنونها من امواج البحر ونسمات الرياح.

ولكن تأتى الرياح بما لاتشتهى السفن تقوم القوات البحريه بافشال هذه الهجره الغير شرعيه ويستسلم فرحات ولكن بشير يصر على السفر ويصارع امواج البحر ولكن لم يصمد كثيرا وغرق.

المشهد العاشر:

يظهر فرحات جالسا على القهوه ذقنه طويله ووجه عابس وينظر الى المجهول .

ويأتى صوت الراديو

انا مش عارف اتغير كل ما اقول اتغير...........................

cut