انا واميره وفتكات

كالعاده وبكل سعاده كنت قاعده انا واحمد اخويا بنلعب دور شطرنج وكنت اجاركم الله فى موقف لااحسد عليه فكل مراكز القوه فى جيشى مسحوبه منى والوزير فى خانه اليك وكان حالى يصعب على الكافر وووشى جايب الوان الطيف كلها ما علمت منها وما لم اعلم وامال انظر الى السما اطلب النجده من الله حتى استطيع ان انقذ ما يكن انقاذه وكمان مش قادره انهى الدور علشان ما اسمعش من اخويا الكلمه الشهيره بتاعته المسحوووووووووووب مغلووووووووووب .


وامال اقول يارب الارض تنشق وتبلعنى من قدام احمد المهم انا طولت عليكم


وانا فى موقفى ده يرن جرس التليفون وياتينى على الطرف الاخر صوت اميره صاحبتى واول ما قولت الووو الا ولقيتها بتضحك!


انا: مالك يااميره فى ايه يابنتى بتضحكى ليه ضحكينى معاكى ما يكونيش طلعلك قرد فى التليفون!


اميره: اصبرى يابنتى هقولك


انا: ها قولى


اميره: ماما راحت عند بيت جدى وقاعدين انا وبطه مش لاقين حاجه نعملها قولنا ندخل على فتكات.


انا: ها حلو وبعدين؟


اميره: المهم ياستى واحنا بنقلب فى المواضيع لقينا طريقه عمل كيكه مكتوب عليها كيكه روشه طحن


انا: هههههههههههه كيكه روشه طحن ! حتى الكيك التانى اتروشن


ازاى دى يااميره بتتعمل ازاى


اميره: هقولك ياستى دقيق وسكر وبيض ولمون وعصير تانج


انا: لمون وعصير تانج ايه ده كيكه دى ولا ايه بالظبط


اميره : بقولك كيكه روشه طحن لازم يكون فيها ابداعات المهم انا وبطه عملناها وهى فى الفرن وشكلها مش ناوى يطلع


انا: ههههههههههههه ليه حالفه براسها الروشهمش هتطلع ولا ايه


اميره: سيبك من ده كله انا متصله بيكى علشان اسالك لو وحشه نعمل فيها ايه؟


انا: ودى عايزه كلام تويها


اميره: ايه ياختى مش فاهمه


انا: بقولك تاويها زى ما هنيدى تاوى ريش البط


وصله من الضحك والتريقه .............. المهم نهينا المكالمه واحنا متفقين على لو انها طلعت حلوه ترن عليا رنه لو وحشه رنتين


المهم رنت تلاته انا مافهمتيش طلعت ايه كده وحشه ولا حلوه ولا يتلعب فى الوقت بدل الضايع


روحت اتصلت بيها خلاصه الموضوع طلعت كيكه مش حلوه وخدت بنصحيتى وتاويتها


الكلام ده كله وهزيمتى الشنيعه من احمد اخويا وكيكه اميره يمكن كان من اسبوع او اسبوعين


مش عارفه ايه اللى فكرنى بده كله


وقولت لنفسى ما اروح اجرب كيكه اميره الروشه الطحن


ودخلت على فتكات وكتبت كيكه روشه طحن علشان اجيب المقادير مظبوطه ما انا اقنعت نفسى ان اميره عملت حاجه مش مظبوطه علشان كده الكيكه طلعت مش حلوه .


المهم عملت الكيكه وعنيكم ما تشوف الا النور


حاجه كده ولا تتشاف و لا تتاكل ولا حتى تتشم


منك لله يا فتكاااااااااااااااااااااااااات


تريقه الدنيا والاخره اخدتها بسببك


وادى جزاه اللى مايسمعشى كله اميره تقولها


ومع ذلك مش بنحرم ندخل فتكات ان ماكنيش علشان الاكل


فعلشان ندور على نظام غذائى نحافظ بيه على رشاقتنا


هه هه هه قال رشاقتنا قال


طول مافتكات عايشه انسى ياحجه


يديكى طولت العمر يا فتكات ويخلينا افتكاساتك