2009/02/13

MADE IN IRAN


ايها الناس اسمعوا ووعوا جاءنا البيان التالى

ايران تطلق اول قمر صناعى ايرانى الصنع!

ياخبر ياجدعاااااااااااااان

ايران ؟ ايران؟ طب ازاى افهما دى حد يقولى طيب استنى ما تستعجليش يمكن جالك حول وقريتى الخبر غلط افتح واغمض فى عنيا الكلام هو هو مش راضى يتغير ايران تطلق قمر صناعى بيووووووووور ايرانى

يعنى مفيش ولا مسمار صينى ولا حتى كبريت مكسيكى ايرانى من الابره للصاروخ زى ما بيقولوا

ايرانى من 43210 حتى العد التنازلى ايرانى حتى المجال الفضائى ايرانى


يانهاررررررررررررررررى البقاء لله ودتمت سالمين

ووجدت نفسى متلبسه بالحقد عليهم يابنتى انتى بتحقدى اه بحقد عليهم .

وعتبت نفسى لان الحقد نار تاكل صاحبها لنا الله ليس لنا رب سواه

واللى اداك يدينى ياسيدى.


هكمل وصله القر والحقد بس من ناحيه تانى من يومين دخلت سوبر ماركت الفردوس اشترى شويه حاجات المهم انا زبونه معروفه هناك او ما دخلت استقبلنى العامل هناك بابتسامه على وجهه فشعرت انه يريد ان يقول لى شى وفعلا كان احساسى صحيح 100%

لقيته بيقولى على فكره حضرتك احنا جبنا كل بدائل المنتجات المقاطعه هو حضرتك مش مقاطعه برضه؟

قولتله اه طبعا طيب قولى جبيتوا ايه؟

قالى بصى حضرتك فى معجون اسنان اسمه المسواك ده هندى وفيه زبادى مش عارف ايه ده سعودى وفيه مش عارف ايه المانى وفيه ؟ ده هولندى وفيه ؟ ده مستورد مش فاكر منين واخذيعد لى المنتجات البديله وانا بداخلى شى يجعلنى انتظر واسال نفسى بخباثه ماذا تنتظرين منه اتنتظرى ان يقول لك اسم منتج يحمل الجنسيه المصريه ؟

ولم اكمل حديثى الى نفسى حتى وجدته يقول لى كالذى تذكر شيا فجاه وحضرتك فيه مسحوق غسيل اوكسى ده مصرى

ايه قول تانى كده

اه والله حضرتك ده مصرى

كاد قلبى ان يتوقف من الفرحه وكانه قرا ما بداخلى ولم يهون عليه ان اخرج من هذا المكان ولا اسمع اسم منتج يحمل الجنسيه المصريه صنعا وليس تعبئه فقط وكدت ان اسجد على ارضيه المحل شاكره لله على فضله ان اصبح لدينا منتج مصرى

فقد اتت عليا فتره من الزمان احسست فيها ان مصر هبه الصين والصينيون لم اكد امسك شى فى يدى من قلم رصاص او حبر او حتى مشط شعر او فانوس او الى اخره الا واجد هذه الكلمه اللعينه وكانها شخص يخرج لى لسانه ويضع يديه بجوار اذنه محاولا ان يغيظنى ويستفزنى انه كلمه

MADE IN CHINA

وكنت كلما خرجت الى الشارع اجد افواج من الشعب الصينى تتمشا فى الطرقات عارضين بضاءعهم حتى ايقنت حقا ان مصر هبه الصين والصينيون


ولكن الى متى سوف نكون مستهلكين فقط الى متى سوف ننتظر ابداعات الغير حتى نستخدمها نحن الى متى سوف نصدر خيرات بلدنا حتى تاتى الينا فى صوره مصنعه نشتريها باسعار باهظه

اليس لدينا موارد؟ اليس لدينا عقول تفكر؟ اليس لدينا ايدى تصنع؟ اليس لدينا سوق نعرض فيه بضائعنا؟


لا والله لدينا ولكن نحن بايدينا نقضى عليهم لدينا العقول ولكن نحن من يدفنها فى التراب لدينا الايدى ولكن نحن من يكبلها


لااستطيع ان انسا قصه هذا الشاب الذى سردها لى احد زملائى عندما قال لى كان لدى صديق اقل مايوصف به انه عبقرى كان مهندس فى احد الاقسام النادره جدا وكان لديه مشروعا كان ممن الممكن ان ينقل البلد نقله اخرى وكان يخص المراقبه وفك الشفرات الخاصه بجهاز الكمبيوتر وما ان علمت به اجهزه الدوله حتى اعتفلوه وخرج من المعتقل بقايا انسان وليس هذا فقط وانما ايضا بقايا ايدى لانهم قطعوا له اصابعه العشره.

قولوا لى بالله عليكم اذا كنا نحن بانفسنا من يعمل هذا فى ابناءنا وفى عقولنا وفى مواردنا فمتى يحق لنا ان يكون لدينا منتج خاص بنا


وقلت لنفسى لاتحقدى على ايران او غيرها

انهم شعب اطعم نفسه بيده فاصبح لديهم الاسلحه النوويه واصبح لديهم قمرهم الصناعى

لاتحقدى عليهم لانهم بنوا انفسهم وعندما يكون لديكى ما لديهم اسعى للوصل الى قمه المجد ولا تقفى عند الحقد والحسد


لكى الله

هناك 4 تعليقات:

  1. هايله والله الواحد كان نفسه يكون اى حاجه غير مصرى دى دا احنا فضيحتنا بقت بجلاجل حتى كان نفسى اكون من (كوالالالمبور) عرفتى تقريها دى.
    (منه الله)

    ردحذف
  2. منه الله
    شكرا على مرورك الكريم
    احنا مش مفضحوين ولا حاجه دى ظرف طارق هياخد وقته وهيمضى خلى عندك ثقه فى ربنا سبحانه وتعالى
    وبعدين لازم تفتخرى انى مصريه وبنت مصرى
    ولا اييييييييييييييييييه؟

    والسلام ختام

    ردحذف
  3. 1-صدفه جميلة
    وانا بقرا البوست جه الدور على اغنيه داليدا حلوة يا بلدي وكمان في الفقرة بتاعه المسحوق المصري !

    2-ايران قالت طاقه نووية سلميه وانتى بتقولي اسلحه نووية
    وكمان هيئة الطاقه الذرية ورئيسها محمد البرادعي (مصري) نفت ان ايران تسعى لامتلاك سلاح نووي
    3-ثالثا حكاية الشاب المصري دي فعلا حاجه تبكي
    وتلي ملناش وش نحقد على حد

    تقبلي مروري

    ردحذف
  4. سقراط
    حلوه اغنيه داليدا صح؟
    انت بتاخد من كلام سلمى ونووى ده شكلك مصرى
    محمد البرادعى ينفى مايريد وايران تفعمل ماتريد
    الشاب ده ليه ربنا ادعيله بيحاول من جديد

    فعلا مالناش وش نحقد على حد
    الف شكر على مرورك الكريم

    ردحذف

قول اللى فى نفسك وعبر عن نفسك