كنت قاعده قدام التلفزيون لما صحبتى اتصلت بيا تعزمنى على عيد ميلادها بتقولى انا عيد ميلادى يوم 12/2 فانا قولت دى اكيد اشتغاله منها زى العاده بس لقيتها بتتكلم جد فبسالها يابنتى انتى مش عيد ميلاد فى شهر اربعه ايه اللى قدمه شهرين قالتى بتريقه ليه هو انتى ماعرفتيش انتى اتولدت من جديد قولتلها لاوالله ماخدتيش بالى هو انتى اتولدتى امتا لقيت نبره صوتها اتغيرت وقالت انا اتولدت لما انفصلت عن خطيبى اللى لو كنت اتجوزته كنت هعيش فى جحيم علشان كده انا بعتبر نفسى اتولدت من جديد وان ده هو يوم عيد ميلادى اللى لازم احتفل بيه مش اليوم اللى نزلت فيه من بطن امى قولتلها اه فعلا معاكى حق انتى اتولدتى من جديد وانهيت التليفون وانا اوكد لها انى مش هنسا يوم عيد ميلادها الجديد.
بعديها بكام يوم واحده صحبتى تعمل حدثه وتنجو من الموت باعجوبه ورحت طبعا علشان اطمن عليها وازورها الحمد لله لقيتها كويسه يادوب بس رجليها انكسرت المهم لقيتها بتقولى افتكرى اليوم ده كويس ده يوم ميلادى الجديد انا النهرده اتكتبلى عمر جديد وان ده يعتبر يوم ميلادى الحقيقى قلتلها حاضر هفتكره كويس.
روحت البيت وقعدت افكر صحبتى الاولى بتحسب عمرها باليوم اللى انفصلت فيه عن خطيبها وصحبتى التانيه بتحسب عمرها باليوم اللى نجت منه من الحدثه فعلا العمر مش لازم يتحسب بالسنين اللى بنعشها عمرنا لازم يتحسب بالحاجات الحلوه اللى فى حياتنا وقولت لانفسى ماانا اهوه ممكن وانا على سنى ده احس انى عندى سبعين سنه امراه تنتظر الموت من كل مكان والحزن والاسى يملاء وجهها والياس من الحياه يملاء قلبى
واوقات اخرى اجد نفسى طفله بريئه لاتحمل من هموم الدنيا شى تبنى جسرا من الامل والاحلام على نهر من الياس والظلام.
وافتكرت حينها الجمله الانجليزيه التى سبق ان قرائتها فى قصه اجنيبه
by feeling age is count
فعلا بالاحساس بس نحسب عمرنا
يسعدني انى اكون اول المعلقين على التوبيك الجميل ده قوي
ردحذففعلا بالاحساس بس نحسب عمرنا
فاركة المثل بقى اللي بيقول
دا انكتبله عمر جديد
اهو ده الحاجه الوحيده اللى نسيتي تكتبيها
لان صاحباتك دول ينطبق عليهم المثل ده فعلا
والله انا خايف لتكوني كتبتيه وانا اللى ما اخدتش بالي
ممكن وانا على سنى ده احس انى عندى سبعين سنه امراه تنتظر الموت من كل مكان والحزن والاسى يملاء وجهها والياس من الحياه يملاء قلبى
ردحذفواوقات اخرى اجد نفسى طفله بريئه لاتحمل من هموم الدنيا شى تبنى جسرا من الامل والاحلام على نهر من الياس والظلام
الجمل دى غاية فى الروعة و الجمال
أرجو أن تتقبلى مرورى و زيارتى
تحياتى :)
اهلا بيكى دكتوره سمر والف شكر على مرورك الكريم واهلا بيكى صديقه للمدونه
ردحذف